الموضوع: فلوانس 2015

المشاركة الأصلية كتبت بواسطة hany saad

احتمال كبير قطمة دريكسيون....و ده كان شبه اللى عندى....صوت حكه خفيف جداً مع اللف ناحية واحدة فقط و مش دايماً
و ملهوش اى تأثير ميكانيكى او وظيفى و لكنه يضايق
حله تغيير قطمه كامله

تحياتى

هاني باشا ربنا يكرمك العربيه بقالها معايه 15 يوم فقط وعامله 400 كم والموضوع زي حضرتك ماتوصفه كده بالظبط بس حكاية تغيير قطمه دركسيون ده بيخلي الواحد يضايق جدا جدا بس ياريت حضرتك توضحلي يعني أيه قطمة دركسيون وهل هو جزء كبير قي الدركسيون ولا حاجه صغيره

المشاركة الأصلية كتبت بواسطة hany saad

نفس اللى حصل معايا...ظهر عندى عند 350 كم تقريباً
عامود الدريكسيون عامل زى حرف ال t المقلوب
و هو بيوصل الحركة الدائرية فى طارة الدريكسيون لحركة عرضية شمال و يمين
نقطة إلتقاء العامود الرأسى بالعامود الأفقى مربوطة بصامولة ضخمة و هتلاقيها باينه تحت رجلك خلف بدال الفرامل
اهى الصامولة دى او الرباط ده هو اللى بيسموه القطمة، طبعاً العيب مش من الصاموله نفسها و لكن من فكرة التدوير على ترس مسنن
للأسف، عامود الدريكسيون كله بيجى كامل كتلة واحدة فى كل العربيات الحديثة و علشان تغير اى حته فيه بيغير العامود كله مع بعض....تمنه فى حدود ال 12 الف جنيه لكن حضرتك بيتغيرلك تحت الضمان

زمن التركيب يوم كامل من الصبح لاخر النهار و العامود الجديد بيبرمجوه على العربية

مفهوش اى قلق و لا اختراع و غيروه كتير قبل كده فمتخفش من حاجة

اهم حاجة تراجع سنترت طارة الدريكسيون بعد التغيير علشان صعب شوية ظبطها....يعنى العامود الجديد هتلاقيه زى الفل بس ممكن الطارة نفسها تتحتاج من حضرتك تركيز علشان تاخدها متسنتره بالمللى، و لو لقيتها مش متسنتره بتروحلهم تانى علشان تظبطها
متخليش الموضوع يضايقك، الضمان معمول علشان كده و الحمد لله ان فيه توكيل و بيجيب قطع الغيار و بيغير تحت الضمان

الحمد لله عامل لحد دلوقتى فوق ال 21 الف كم و مفيش اى مشاكل من الدريكسيون بعد التغيير نهائى

تحياتى

ألف شكر ياهاني باشا علي توضيح سيادتك بس الموضوع ده لازم أروح التوكيل علي طول ولا استني أول صيانه أللي هيه عتد ال5000 كيلو

[QUOTE=john55;3875948047]عندي احساس ان العربيه إن شاء الله سليمه لوالعربيه الباور بتعها كهرباء ممكن دا يكون صوته وشكرا[/QUOTE



أستاذي الفاضل ألف شكر لمرورك العطر وأحب ان أطمئن كل ملاك الفلوانس أن الموضوع ماطلعش قطمة دركسيون خالص وكل القصة أن فيه دواسة ورق مقوي موجوده أسفل الدواسة الجلد وكان طرف الدواسة الورق بيحك في عمود الدركسيون من أسفل وهو أللي كان عامل صوت الحكة ده والحمد لله بعد رفع الدواسة الورق كل شئ رجع لطبيعته وألف شكر لكل أللي شارك برأيه في هذا الموضوع وللأخ علي أشرف أشتري ياباشا الفلوانس وأنت مطمئن تماما السيارة بسم الله ماشاء الله زي الفل وقرشك هتلاقيه وأكتر منه كمان أن شاء الله

[QUOTE=meemoo2104;3875948138]

المشاركة الأصلية كتبت بواسطة john55

عندي احساس ان العربيه إن شاء الله سليمه لوالعربيه الباور بتعها كهرباء ممكن دا يكون صوته وشكرا[/QUOTE



أستاذي الفاضل ألف شكر لمرورك العطر وأحب ان أطمئن كل ملاك الفلوانس أن الموضوع ماطلعش قطمة دركسيون خالص وكل القصة أن فيه دواسة ورق مقوي موجوده أسفل الدواسة الجلد وكان طرف الدواسة الورق بيحك في عمود الدركسيون من أسفل وهو أللي كان عامل صوت الحكة ده والحمد لله بعد رفع الدواسة الورق كل شئ رجع لطبيعته وألف شكر لكل أللي شارك برأيه في هذا الموضوع وللأخ علي أشرف أشتري ياباشا الفلوانس وأنت مطمئن تماما السيارة بسم الله ماشاء الله زي الفل وقرشك هتلاقيه وأكتر منه كمان أن شاء الله

انا كنت داخل اقولك موضوع الدواسه ده :)
لانى دائما بعد غسل العربيه بحط الدواسات الكرتون (بتاعه التوكيل) فوق العاديه و مع مرور الوقت بيتزحلقو لقدام و يعملو الى حضرتك اشتكيت منه ...
ايضا الكرتون بيتحشر تحت دواسه البنزين و مره واحده تلاقيها مش بترد لفوق بسرعه !!!
لذلك كل كام يوم اسحب الدواسات للخلف ...

تحياتى ...