الموضوع: معمـــار المرشدى بمدينة نصر (دى الشقة فى مشمشك)

المشاركة الأصلية كتبت بواسطة الاسد المهاجر

الاعلانات جر رجل

تابع صندوق التمويل العقاري فيه شقق مضمونه وجميع المناطق والمساحات انا خدت تبعها في حدائق اكتوبر

تمام هبص عليهم ,,
جزاك الله كل خير .

المشاركة الأصلية كتبت بواسطة MTAK

كل المعمار فى مصر شغال كده

محدش بيبنى بفلوسه من الاساس

من ارقى الكمباوندات الى عماره فى حاره الى بيت داخل زقاق

حتى الرحاب لما روحتلهم من زماااااااااااااااان كان نفس الوضع

مفيش حاجه جاهزه و بتشوف ارض فاضيه

الجاهز هتلاقى الثمن بقى غالى اوى اوى لانه خلاص خلص و كسب و مش مستعجل على الباقى فيكسب فيهم زى ما هو عاوز

اما الاعلانات فلا تعيب عليهم

كل حياتنا ماشيه كده

من اول عربيه استعمال طبيب

الى كمباوند خالتى بتغسل

اللى بيفرق فى المواضيع دى

سمعه الشركة و سابقة اعمالها

و اولا و اخيرا

توفيق الله لك فى الشراء

حكــاية محدش بيبنى بفلوســة عارفها وذكرتها فووق ,, الرحـــاب ومدينتى ع نفس النهج بس دووول فى خانة لوحدهما بغض النظــر انهم منظمين والتسليم فى مواعيدة والمدينة نفسها متقسمة كووويس الا لما تبص ع اقل مساحة فى مدينتى بــارنبين مصري لاغير (يبقي الواحد يتشاهد )
حكاية الاعلانات عندك حق بقيت فى دمنــــــــا !
فعلا اهم حاجة سمعة الشركة وتسئل كوويس عنها وملكش دعوة بالاعلانــــــات ابداا !
ربنا يخليك يامحمد بيـــة .

المشاركة الأصلية كتبت بواسطة أبو صلاح

انا رحت نفس الشركة
وكان سؤالي على الشقة 3 غرف
ولقيت اعلان عامله احد المناديب على النت ان سعر المتر 3200ج وكلمته وقالى تعالى الشركة وشوف المتاح
رحت وبعد كلام كتير بيقولى مفيش غير شقة واحدة بس هي اللي 3 غرف ومساحة 165 متر والا مصر ياخد حتى الف جنه حجز علشان هيسحبها من غمير غير جاد في الحجز
المفاجأة بقى ان السعر بقى 4500 ج للمتر
طبعا نفضتلهم ومشيت وبعدها لمدة اسبوع كامل كل شوية يكلمني يحاول يقنعني باي طريقة وخصومات
حسيت اني بشتري شقة في الهوا

دي عالم نصابة لما شقة 165 متر تعمل معايا 850 الف جنيه لييييييييييييييه؟
دي اسعار الشيراتون وقلب مدينة نصر في مواقع راقية والماظة

ماهما بييقى ليهم كوميشــن فبالتالى عايز يحقق التأرجت بأى وسيلة ممكنة ودائمــا اللى بيشتري حاجة لازم يدقق فيها كوويس لأن بعد الدفــع محدش هيعرفك .
165 وصـــــلت بــا 900.000 وشووية !
وكوويس أنك خلعت منهم لأنى سمعت عنهم مشاكل فى التسليم وفية ناس كانت مفروض تستلم فــى 2011 ومستلموش لغاية دلوقتى ورافعين قضايا ع المرشدي(معمار).