استفسار عن تركيب جنوط 15 مع للفيرنا فالمهندسين

**John Silver** · 20-05-2015 09:22 PM

سـلام عليـكم ، يا شبـاب كنت عاوز اعرف اقرب مكان للي ساكن بالمهندسين ومضمون عندو جنوط 15 مع كوتشات وكم بيكلف صاحبي معاه فيرنا بيسرع كتير وبيشتكي من الفرامل فعاوز يركب جنوط 15 لزيادة الثبات والفرامل

**borio1704** · 21-05-2015 07:37 PM

الجنوط مش هتفرق حاجة في الفرامل.. ويمكن تجيب تأثير عكسي في الفرامل إذا حافظت على نفس عرض فردة الكاوتش.

إنما بالنسبة للثبات.. فالمؤكد إنها هتزود الثبات خصوصا لو اخترت مقاس الكاوتش الصح.. بس في المقابل ده له تأثير سلبي على راحة الجلوس في العربية ..

وممكن كمان يكون له تأثير سلبي على عمر المساعدين والعفشة عموما.. خصوصا لو كان وزن الفردة الجديدة ( جنط + كاوتش ) أتقل من الفردة الأصلية.

**borio1704** · 21-05-2015 10:53 PM

المشاركة الأصلية كتبت بواسطة john silver

والله اخ بوريو في ناس ركبت جنط 15 بيمدحوه فالفرامل والثبات خاصةً بعد ال 120 فالفيرنا فمش عارف اسيب ال 13 ولا ابدلوه !!

موضوع الفرامل فيه كذا عامل بيدخلوا فيه .. وعموما.. إذا كان عرض الفردة هيزيد فممكن ده يحسن من الفرامل في ناحية واحدة.. إن مساحة التلامس هتبقى أكبر ويبقى صعب العربية تزحف.

الموضوع محتاج بس اختيار سليم للجنط ومقاس الكاوتش

...