تغيير مياه الردياتير لرينو لوجان 2014

**mkaram84** · 21-05-2015 05:55 PM

السلام عليكم
انا عربيتي لوجان اوتو 2014 - عاملة حتى الان 26 الف كيلو
انا سبق وغيرت مياه ردياتير من سنة تقريباً والعربية كانت عاملة 8 الاف كيلو
من اسبوعين وانا باغسل العربية في البنزينة العامل قاللى انها محتاجة تغيير مياه عشان المياه الموجودة مصدية
فهل فعلاً ضروري اغيرها؟ واغيرها بنوع ايه؟ وتكلفة التغيير كام تقريباً في البنزينة؟

استفسار تاني رجاءً: ايه الاماكن اللى اقدر اجيب منها اكسسوار للرينو وخاصة اللوجان وتكون قريبة من المعادي؟

وجزاكم الله خيراً

**georgedada82** · 22-05-2015 04:17 AM

دول شوية نصابين الماية دي بتتغير بس مع صيانة الستين كل 3 سنين او 4 سنين او 60 الف كيلو
انما الماية اللي هي فيها اللي هي اصلا توتال الحمرا ... دي اصلا فيها مواد مانعة للصدا والكلام ده كلام
ما تسمعش حضرتك لاي حد خاصة بتوع البنزينات دول شوف التوكيل بيعمل ايه واعمل زييه ثم انك لسه في الضمان ماية ايه اللي تتغير دي

**A.Saad** · 22-05-2015 08:32 AM

فين البنزينة دى .

كلام جورج صح
لو عندك صدا روح التوكيل
واصلا المياة تتغير على 50 كمتوسط للعربيات تزيد او تقل حسب الماركة
لكن مش 20 وكل سنة
لو عايز حد ثقة
بنزينة موبيل اللى فى اول ش الطيران من ناحية رابعة
عم جعفر هناك وهو امين
الجمعة اجازة
باقى الاياام من 5
يشوف المياة ويقولك

**adel_edrees** · 22-05-2015 09:54 AM

أولا لك وحشة يا أستاذ محمد فينك واحشنا
ثانيا تصدق بالله أنا المية عندى بزودوها كل صيانة فى التوكيل حاجة بتاعة ربع كوباية ميه اللى قاللك أن الميه تتغير أول مرة ده نصاب و دى أشتغالة من الناس بتوع محطة البنزين
صدى أيه ياعمنا دى عربية ماكنلتش سنة و نص عايز تريح دماغك روح التوكيل و خليه يغير لك الميه بالكامل و بعد كده ماتقربش منها و لو حد قاللك بعد كده الميه فى صدى قوله أنا عايزها كده هو فى أحلى من الميه المصدية فى ردياتير العربية