تسلم ايدك
موضوع ممتاز
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
السخونه مشكله تواجه الكثير فى فصل الصيف
من خبرتى الشخصيه المتواضعه وخبرتى المكتسبه من نايل موتور ححاول القى الضوء باستفاضه عن السخونه
تنقسم السخونه الى قسمين مباشره وغير مباشره
نبدء بالاسباب المباشره دوره التبريد نفسها ودى تنهى الشك فيها بعمل سيرفس كامل متكامل للوصول بالدوره لحاله الزيرو حتى اذا لم تواجهك مشكله مباشره وحتفك دماغك من اى مشكله مباشره فى الدوره
لو انت بتحب تفك وتشتغل بايدك زىى يكون افضل لو متعرفش اتجهه للصنيعيه
صيانه دوره التبريد اولا حنعمل غسيل مبدئى نفتح الدوره من طبه بالرداتير او نفك افيز وندور والعربيه بارده ونحط خرطوم ميه فى القربه ونعمل كده 10 دقايق بعد كده نغلق الدوره تانى ونجيب ملح لمون ب3 جنيه وندوبه فى لتر ميه ونفضيه فى الدوره ونجيب زجاجه خل ونفضيها فى الدوره وندور تانى دوره مغلقه 20 دقيقه ونسيب العربيه تبرد ونفتح الدوره ونحط خرطوم ميه وندور لازاله اثار الملح والخل ونحط قليل من زيت الصبون واحنا شغالين حتى نتاكد من ازاله جميع المواد المضافه ونغلق الدوره ونتاكد ان طرمبه المياه تعمل جيدا وتقلب المياه(تتغير لو مش كويسه) تمام كده خلصنا الغسيل المبدئى نفك الرداتير ونغسله عند بتاع الرداتير ونفك خزنه وننظفها كويس جدا وجميع المواسير لو لم نحصل على نتيجه مرضيه يتغير
بالنسبه للعربيات القديمه تسعينيات فيما تحت حنغير كل المواسير الكاوتش بتاعت الميه(لها عمر افتراضى)
نبدء ننضف المروحه او المروحتان ونتاكد انهم ناعمين (مش عايزين تغير وشغالين كويس)
نشوف ترموستات تشغيل المراوح والاسلاك والكتاوت والفيوزومقاومات السرعه الاولى ان وجدت(نراجع على كهربه المراوح بالكامل)فى زياده انا بدور على لمبه مش شغاله فى التبلوه واعملها تنور مع المروحه عشان اكون عارف ايه اللى بيحصل وانا سايق مع عمل مفتاح طوارء لتشغيل مروحه الرداتير مباشر احطياطيا(لو حدث مشكله لترموستات التشغيل بينقذ الزرار الاحتياطى)
نبدء نركب المواسير الجلد الجديده والرداتير على قواعده الجلد ولو مش موجوده نجبله قواعده الجلد ونركب المروحه ونتاكد انها قاعده صح على قواعدها ومبتتهزش ومربوطه كويس (عشان ميكونش فى اى اثار اهتزازات من المروحه لنعومه التشغيل)
طبعا ترموستات الكوعه لو متشال يتركب جديد
نحط ميه ونجيبها من تكييف (مقطره) او نشتريها وندور ونتاكد ان المراوح شغاله وان الحراره فى الوضع الطبيعى ومفيش تسريبات كله تمام نبدء نمشى مشوار بسيط كده عندنا اعتماد مبدئى للدوره فاضل الاعتماد الكلى وده بعد 1000 كيلو لو الميه نقصت كحد اقصى كوبايه كده الدوره اعتمدت وحنجيب ميه خضرا مبدئيا ايادا اسبانى لانها اخف من الموبيل كمرحله اولى لمده سنه وعند عمل غسله بعد سنه نحط الموبيل(لو الميه بتنقص جامد واتاكدنا ان مفيش اى تسريبات باينه راجع جزئ وش السلندر)
كده احنا انتهينا من دوره التبريد الاساسيه كده لو مفيش مشاكل مباشره عربيتك دوره التبريد فيها زى الساعه ومهما كان الجو انت فى امان باذن الله
سخونه من مشاكل غير مباشره
ودى لها قصصها وعشتها كلها وحلتها باذن الله
1-الشكمان
ده ممكن يسخنلك العربيه لو مسدود لان العادم مش عارف يطلع بكثافه +تاثيرات على السحب والتجميع والعلاج بتراجع دوره الشكمان بالكامل
2-الفرامل
ودى فنيه جدا وواجهتها وحليتها لاكن لففتنى حوالين نفسى حتى فهمتها
العربيات المستعمله تعانى اهمال السنين وجدت مره خرطوم فرامل (اللى بيتوصل بجهاز الفرامل)مسدود وعامل زى السكس فالف بيمرر الباكم من نحيه ويرده ببطئ شديد وده بيخلى الفرامل بعد ما تسيب الدوسه تفضل ماسكه وكله من عزم الموتور ويؤدى الى سخونه الموتور والاجهزه
وطبعا سيرفس وقايه تغير الاربع خراطيم وكل زيت الباكم مش حيزعلك وحيخلى دوره الفرامل مظبوطه اكتر
3- وش السلندر
وش السلندر فى الوضع غير الطبيعى كشط وتزويد وجوانين والعك ده يؤدى الى سخونه السياره(ويؤدى الى تسريب لو فاتح مع دوره التبريد ونقص كتير للميه) وعلاجه يتغير
4- سيارات دوره تبريدها غير ملائمه للاجواء الحاره
زى السكودا ومشاكل سخونتها
دى علاجها تعديل دوره التبريد نفسها برداتير اكبر (انا بعتبره اهم من المروحه الاكبر لانه هو المسؤل عن قدره التبريد)وتغيير المروحه باكبر
5- حراره طبيعيه فى السرعات البطيئه وحراره عاليه فى السرعات الكبيره
ده معناه ان قدره التبديد الحرارى للدوره اقل من ناتج الحراره للمحرك وببساطه كمثال ان الرداتير فبريكا يقدر يبرد 2000 واط والمكنه تنتج حراره 1800 واط وحصل انسداد فى الرداتير للمواسير فاصبحت قدره تبديده الحرارى 1000 واط فعند المشى بالسياره بسرعات متوسطه يكون ناتج المحرك الحرارى اقل من 1000 واط فيستطيع الرداتير تبريده ولا يحدث مشكله وعند السرعات ينتج المحرك قدره اعلى من قدره تبريد الرداتير فيحدث مشكله السخونه عند السرعات والعلاج السيرفس فى اول المشاركه
6- العربيه بتسخن عند تشغيل التكييف
العيب مشابه لرقم 5 والعلاج السيرفس فى اول المشاركه
اتمنى انى اكون وضعت كل مشاكل التبريد وحلولها ولو نسيت حاجه وافتكرتها حضيفها باذن الله وطبعا لانى بشتغل بايدى معظم الشغل مبعرفش اصور
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
تسلم ايدك
موضوع ممتاز
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
في سبب كمان من أسباب الحرارة .وده للأسف الناس بتعالجوا وهما مش عارفين أصلا هما حلوا المشكلة إزاي ولا عالجوا إيه ..هو المهم إن المشكلة بتكون إتحلت وخلاص ..السبب ده بيكون خلل في سبيكة البلوك ..على فكره الكلام ده في المحركات ذات البلوك الألومنيوم بس..البلوك الألومنيوم بيكون داخل فيه عناصر تانيه كتير ..زي مثلا التيتانيوم والإنتيمونيا والزهر والمغنسيوم بس بنسب معينة وبتكون الغلبه في النسبة للألمونيوم ..وعشان كده بيطلق عليه كلمة البلوك الألمونيوم..وبينتج في الآخر سبيكة ...السبيكة دي بتكون قوية جدا ..ولها كفاءة أكبر من كفاءة البلوكات الزهر ..من حيث تحمل الصدمات وتحمل الإهتزازات ...إلا إنهم في عالم الفيزياء بيسموا السبيكة دي ..سبيكة غير نقيه ..وده لإن داخل فيها عناصر تانيه كتير ودخول العناصر دي في السبيكة لازم وضروري لضبط إستاتيكية وفيزيائية السبيكة دي ..اللي هي السبيكة الألومنيوم ...مشكلة السبيكة دي بقى إن هي مع تعرضها للحرارة الزائدة لمدد طويلة بسبب حدوث إختلالات في منظومات التبريد مثلا ..أو نتيجة الإستخدام لسنيييييييييين طويلة ..بيحصل إن السبيكة دي بيحصل فيها خلل ..بيؤدي لإنفصال بعض العناصر دي عن بقية السبيكة ...أو بلغة بسيطة كده ..العناصر دي بتشرد مع نفسها كده وبتشتغل من دماغها داخل السبيكة.أو إن العناصر دي ما بتأديش دورها كويس في السبيكة دي ..ومن هنا بقى بتحصل مشكلة الحرارة اللي بتكون دائما غير معلومة السبب ..قريت هنا مشاركات لناس كتييييييييييير بيتكلموا عن إن العربية بتسخن ..رغم إنهم غيروا جوان وش سلندر ووش سلندر وريداتير وغير كل حاجه ..إلا حاجه واحده بس متغيرتش عنده ..اللي هي البلوك ..ورغم إن مفيش كبس عنده من وش السلندر لدورة التبريد ..وعمل كل الإختبارات اللي تثبت إن مفيش كبس من غرف الحريق لدورة التبريد ..ورغم كده ..العربية بتسخن ..وما بيبقاش قدامه حل غير تغيير البلوك ..وقتها بيكون في خلل في السبيكة دي ..وبيكون الحل وقتها إنه يغير المكنه أو البلوك
على فكره ..البلوكات الألومنيوم بقى إتجاه عام في أغلب شركات صناعة السيارات وده لمميزاته الكتيره بالنسبة لشركات صناعة السيارات ..زي مثلا توفيره للوقود وخفة وزنه وقلة الإنبعاثات الضارة وتوليد عزم أكبر بعدد سلندرات أقل ..إلا إن البلوكات الزهر ثبتت كفاءتها على المدى الطويل ..السؤال بقى ..هل تستطيع البلوكات الألومنيوم إثبات كفاءتها وتغطى مميزاتها عيوبها ..؟؟؟
--------
m_m_sh_a سابقا
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
الله يكرمك يا استاذ سيد
ابو مازن الاسم ده مظبوط التانى كان صعب وموضوع البلوك الالومنيوم مصدفتوش قبل كده منكم نستفيد بس بصفه عامه الالومنيوم فى البلوك اثبت فشله والزهر عاد بقوه من تانى والالومنيوم بدء يختفى
مشكله اخرى لصديق جننتنا بمعنى الكلمه وكانت عربيه اونو بتسخن بطريقه فظيعه وعملنا كل حاجه وبرضو بتسخن وجوانات ووش سلندر ومفيش فايده
اليك المفيد
مره من مرات تغيير جوان وش السلندر اكتشفنا ان وش البستم عالى زى 0.2 عن سطح البلوك وفعلا طلع هو ده العيب فكينا الاربع بساتم وشلنا على المخرطه ال0.2 وانسى السخونه
ولو افتكرت حاجه تانيه يتبع
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
قصد حضرتك البلوك الزهر بدأ في الإندثار تقريبا ..وبقى الإتجاه العام البلوكات الألومنيوم ..عندك مثلا ..كككككككككككككككككل العربيات الصيني اللي في السوق محركات المونيوم ..كللللللللللللللللل العربيات السوزوكي الجديده اللي في السوق محركات المونيوم ..إبتداء من الألتو وإنتهاء بالسياز ..طبعا مع إستبعاد العربيات القديمة شوية زي الفيتارا مثلا ..معاك برضه الألنترا إبتداء من 2010 تقريبا ..والسيراتو إبتداء من 2012 ..أنا مش متأكد من التواريخ بالضبط ..يا باشا ما دام الموضوع داخل فيه شغل بيئة وإنبعاثات ضارة والكلام ده يبقى تعرف علطول إنه هو هيبقى إتجاه عام مفروض على الكل ..عموما المحرك الألمونيوم تعرفه من حاجتين ..تلاقي دايما في المحرك الألمونيوم عدد سي سي قليل بيولد قدره حصانيه أعلى من نظيره في المحرك الزهر ..الموضوع ده تلاحظه لما تقارن القدره الحصانيه بتاعة الشيفروليه سبارك مع القدره الحصانية مع الهيونداي أي تن ال 2010..مع الأخذ في الإعتبار إن فيهم واحده 900 سي سي والتانيه 1000 سي سي ..وتعرف المحرك الألمونيوم كمان بمجرد النظر عليه من بره ..ما تلاقيش لون البلوك بنى كده ..أو عليه صدأ زي المحركات الزهر ..عموما ..هو أمر واقع ..وسواء رضينا أو لم نرضى فإحنا في الآخر بنستخدم الحاجة اللي بتجيلنا وخلاص..المحركات الألمونيوم كانت مستخدمه قديما على إستحياء ..وكانت مستخدمه في العربيات السوزوكي سويفت مثلا ...وفي الفليشيا ..لكن دلوقتي بتستخدم عادي جدا
--------
m_m_sh_a سابقا
المفضلات