الموضوع: دهان العربيه اتبقع من الغطاء الوتر بورف بعد المطره :(

المشاركة الأصلية كتبت بواسطة Omar2017

لو العربية فابريكة او مرشوشة من زمان عشر سنين مثلا متقلقش مش هيطلع بالدهان لكن لو مرشوشة قريب هيطلع بالدهان

هيا بدهان الفبريكه من 2006 ومش مرشوشه يعني اسأل علي التنر p15000 واعملها وسؤال كمان فيه عضو قالي علي بولش اسمه simoniz بيقلي هيطلع معاك الكلام دا فا ايه رايك قبل ما ابتدي اعك ؟؟؟

المشاركة الأصلية كتبت بواسطة omar2017

[size="5"][color="navy"]لأ الp1500 دة رقم ورقة الصنفرة وانا مبحبش استخدم التنر يعني الافضل تنزل تجيب ورقة صنفرة p1500 رقم الخشونة بتاعت الورقة و علبة اوتو كومبوند و تتبع الخطوات دي لأني انا حصلت حاجة مشابهة عندي و هي ان دهان العربية الفابريكة بعد فترة من الرطوبة و الشمس اجرب و خصوصا الكبوت قومت اديتها واحدة وزي لفل و الحوار مكلفش 10 جنية

هو دا مش رطوبه هيا الشمس عملت احتباس للمايه في دهان العربيه والغطا لما شفته لاقيت الطا ناشف اووي
وكمان الراجل كان بيعملي بورقه صنفره والبويه كانت هتكشف معاه والله انا محتار وخايف ابوظ الدنيا

المشاركة الأصلية كتبت بواسطة swimmer25

معلش قدر الله وما شاء فعل
هو لو البوهيجي إستخدم الصنفرة بالفعل فأعتقد ممكن يكون خلاص بوظ البوية وساعتها مالهاش حل غير الرش
لكن لو إستخدمها في مكان وفشلت معاه وبدأ يستخدم البوليش يبقى جرب زيت الفرامل أو ممكن تنر بس زي ما قلتلك تمسح بقطنة وأول ما تلاقي البقع راحت تديها مياه

الطريقة أنا مجربها بنفسي في عربيتي اللانوس وغيرها بس لازم تكون بوية الفبريكة
لما بلاقي خدوش بسبب حكة بسيطة بطلعها بتنر أو زيت فرامل
وطبعا متاخدش من قربة زيت الفرامل عشان كدا الزيت هيمتص بخار مياه وده غلط
هات علبة زيت باكم صغيرة أرخص حاجة مش هتفرق وقطن وجردل مياه وجرب في جزء وشوف النتيجة

بالتوفيق

حاضر هجرب التنر وزيت الفرامل بكرا وهرفعلك صور
اما بالنسبه للغطا فا هو لونه سيلفر ومن جوا قطن فانا مش عارف عمل في دهان ابعربيه كدا ازاي مع انا الغطا مكانش عليه حاجه

انا الحمد لله عملتها بتنر وجزء كبير جدا طلع والشكل العام بقي احسن من الاول بكتير وبشكر كل الناس اللي ساعدتني
اما الجزء اللي مجير لسا دا ليا سؤالين فيه

السؤال الاول
ينفع اجيب زيت الفرامل واعمله بيها رغم ان حاطط تنر قبل كداا وطلع جزء كبير جدا؟
السؤال التاني
لو حطيت العربيه في الشمس وهيا محطوط عليها تنر ممكن تأثر علي دهان العربيه ؟

وشكرا لكل الناس اللي ساعدتني وربنا يجازيكو خير