دهان العربيه اتبقع من الغطاء الوتر بورف بعد المطره :(

**lodi88** · 27-05-2015 11:08 AM

المشاركة الأصلية كتبت بواسطة swimmer25

مبارك عليك
إيه بقى الجزء اللي مجير ده من إيه؟
من غطا العربيه برضه يعني جزء كبير اتشال بس تحس انه فيه أثر لما تقف بعيد شويه عن العربيه يتشاف انا خلصت ازازه تنر زي بتوع البيبسي كدا علي العربيه بس زي مقلتلك فيه اثر لسه باين علي الكبوت

لو حطيت تنر أو زيت فرامل لازم فورا تغسل العربية بالمياه كويس جدا ...فورا أول ما تخلص والافضل كمان بعد كل جزء تعمله زي ما قلتلك قبل كدا تغسله على طول
ويفضل تغسلها كلها عشان ميكنش فيه أثار إنت مش شايفها
لو غسلت العربية كويس جدا حطها في اي مكان بعد كدا مش هتفرق

انا فعلا بقيت بعمل جزء وتحت رجليا جردل مياه اللي بعمله بغسله بايدي علي طول بس نفسي اعرف ليه.
ينفع احط زيت فرامل تاني بعد ماعملتها بتنر لعل وعسي يطلع الاثر دا ولا اديها بولش ؟

**swimmer25** · 27-05-2015 11:55 AM

المشاركة الأصلية كتبت بواسطة lodi88

انا فعلا بقيت بعمل جزء وتحت رجليا جردل مياه اللي بعمله بغسله بايدي علي طول بس نفسي اعرف ليه.
ينفع احط زيت فرامل تاني بعد ماعملتها بتنر لعل وعسي يطلع الاثر دا ولا اديها بولش ؟

اه حط زيت فرامل وإدعك بقطنة وبردو معاك جردل او ازازة مياه

ليه بقى لأن التنر وزيت الفرامل مذيبات قوية جدا فممكن لو سبتهم ربع ساعة مثلا تاكل الدهان الفابريكة لكن لو إتمسحوا على طول مش هيحصل حاجة وخلي بالك كمان بيهروا الملابس فحاول تلبس ملابس قديمة ومتجيش اي نقط على هدومك او جسمك وتسيبها فترة طويلة

وممكن كمان تستخدم زيت الفرامل لو عندك اي حكات من عربيات تانية سابت علامات دهان بلون اخر هترجعلك المكان اللي اتحك أكنه جديد او هتحسنه كتير ومتنساش المياه

**Dr Me** · 05-06-2015 06:15 PM

نفسي اكون لحقتك ... بس انت زمانك اصلا بوظت الدنيا طبعا اي حاجه ع البويه غلط بص يا باشا مشكلتك دي حلها سهل قوي كانت حصلت معايا في عربيتي بعد ماجبتها بشهرين و كلها كانت مبقعه ابيض من نفس الحوار غطا وتر بروف و كان شكل العربيه توتال بشع كنت هدمرها زيك كدا و صنفرة و بوليش و قلق المهم ربنا سترها
ابموضوع دا حله بسيط ممكن تحله في ساعه او ممكن تستنى يومين تلاته الحل ببساطه سبها في الشمس بس شمس شمس يعني الضهر العصر كل يوم هتلاقي البقع راحت لوحدها مش متاكد من كلامي هات ولاعه سخان و ركز في نقطه صغيره و سخن سخن لحد ما اللون يرجع ..... بس بلاش تجرب ولاعه ودوشهو.... سبها كل يوم في الشمس اسبوع كدا و هترجع زيرو زيروووو ابقى ادعيلي يا معلمى....

**hon** · 06-06-2015 01:51 AM

اولا الحمد لله ان المشكلة شبة انحلت
ثانيا استخدلم صنفرة على الطلاء مهما كانت درجتها من المشاكل التاريخية الى بنعملها على بوية السيارات
ثالثا ركنة الشارع بوظت طبقة الشمع بتاعة دهان العربية بخلاف الراجل الى ازال جزء من الطلاء الحق لمع عربيتك بنفسك واقرا الموضوعين دول
http://www.nilemotors.net/Nile/77522-a.html
http://www.nilemotors.net/Nile/468607-2.html
تحياتى