العربية بتسخن فيرنا 2008

**Omar2017** · 23-05-2015 11:34 PM

السلام عليكم
انامن حوالي اسبوعين و العربية بتسخن معايا في الزحمة و العداد بيوصل للاحمر
لكن على الطرق السريعة مبتسخنش خالص الا لو انا مشغل التكييف
روحت للكهربائي قالي تمام و الميكانيكي قالي تمام بردك
مع العلم ان الزيت لسة متغير من اسبوع المراوح شغالة و المية مبتنقصش بس لونها بني
ما الحل؟؟

**Abo_Mazen** · 24-05-2015 09:40 AM

راجع على ثرموستات الكوع ..وإعمل غسله كويسه لدورة التبريد ..بس راجع على ثرموستات الكوع الأول وشوف إيه نظامها ...هي من 2008 كفاية عليها قوي ..واضح إن حضرتك مش مواظب على إستخدام المياه الملونة

**pepo2011** · 24-05-2015 09:55 AM

الاول اغسل دورة تبريد كويس وبعدين جرب

**Omar2017** · 24-05-2015 11:46 AM

المشاركة الأصلية كتبت بواسطة abo_mazen

راجع على ثرموستات الكوع ..وإعمل غسله كويسه لدورة التبريد ..بس راجع على ثرموستات الكوع الأول وشوف إيه نظامها ...هي من 2008 كفاية عليها قوي ..واضح إن حضرتك مش مواظب على إستخدام المياه الملونة

ما لكائن اللي انا اشتريتها منة كان بيحط مية من الحنفية

**Abo_Mazen** · 24-05-2015 11:57 AM

المشاركة الأصلية كتبت بواسطة omar2017

ما لكائن اللي انا اشتريتها منة كان بيحط مية من الحنفية

وده أدعى إني أقولك ثرموستات الكوع زمان طالع عينها ..وبقول لحضرتك هي من 2008 كفاية عليها ..عموما إعمل تشيك على ثرموستات الكوع وإغسل الريداتير ..

**mazen56** · 27-05-2015 07:25 PM

سلك الردياتير اكيد المواسير مسدوده حتى لو غسلت دورة التبريد تبقى في بعض الانسداد في المواسير

**adhamghaly** · 29-05-2015 06:11 AM

العربية المفروض ماتسخنش لا في التكييف ولا من غير تكييف، خصوصاً إنك كوري مانتاش أوروبي. إنت محتاج تراجع على دورة التبريد كلها. الموضوع سهل و مش كيميا عشان ماتحسش إنك دخلت في حوار:

1. راجع على كل الخراطيم و المواسير و إتأكد إن مفيش تسريب و لو خفيف. أي تسريب في دورة التبريد معناه إن ضغط المياه في الدورة هايقل.

2. طلع طرمبة المياه شوف موقفها إيه. لو قديمة و طالع عينها يبقى ضروري تغيرها لأن عربيتك من 2008 و غالباً الطرمبة هاتبقى مصدية.

3. الردياتير محتاج يتفك و يتغسل من بره و "يتسيخ" من جوه.

4. فك كل حساسات الحرارة اللي عندك و نضفها (فيه عربيات زي عربيتي فيها 3 حساسات حرارة)، و لو حساس منهم محتاج يتغير غيره لأنه هايفرق معاك جامد.

5. المروحة أكيد لها على الأقل سرعتين. السرعة الأولى بتشتغل لما العربية تسخن تحت ال90 و التانية بتشتغل لما العربية تعدي ال90 أو مع التكييف. إتأكد إن السرعتين شغالين مش واحدة بس اللي شغالة.

6. لو سرعة من سرعات المروحة مش شغالة و الحساسات سليمة يبقى كتاوت المروحة محتاجة يتكشف علي توصيلاتها أو ممكن تحتاج تتغير.