شكاوي كتيرة من الفلوانس

**habib47** · 24-05-2015 02:52 PM

الشكاوي كترت اوي من الفلوانس وهي لسة جديدة
يعني اللي عايز يشتريها اه ولا لأ ؟؟

**yasser100** · 24-05-2015 03:16 PM

http://www.nilemotors.net/Nile/453128-a.html

الموضوع ده هايفيدك فى اتخاذ قرارك .

لو اخدنا فى الاعتبار نسبة الرضاء من ممتاز لجيد جدا هاتكون حوالى 78 %
و من ممتاز لجيد هاتكون حوالى 89%

بمشاركة 36 مالك .

بالتوفيق :)

**a.adam212** · 24-05-2015 07:44 PM

المشاركة الأصلية كتبت بواسطة habib47

الشكاوي كترت اوي من الفلوانس وهي لسة جديدة
يعني اللي عايز يشتريها اه ولا لأ ؟؟

بص يا باشا ..انا هقولك تجربتي الشخصيه...انا كنت فابوظبي راكب بي ام دبليو طول الوقت...لما نزلت مصر لقيت اسعار السيارات فظيع ومبالغ فيه...فاضطريت انزل عن البي ام دبليو طبعا...لكن للاسف خسرت كتير اوي فالسيارات لحد ملقيت الحاجه اللي اديتني انطباع البي ام دبليو وفخامتها...الي حد ما طبعا...الا وهيا الجميله فلونس...ومش شايف فيها عيوب بصراحه حتي الان ...والوكيل محترم ودي حاجه مهمه جدا خصوصا فمصر ...فأنا عن تجربه شخصيه لو بتدور علي حاجه بسعر معقول وفخامه وراحه خليك فالفلونس.

تقبل مروري

**wal** · 25-05-2015 07:39 PM

المشاركة الأصلية كتبت بواسطة a.adam212

بص يا باشا ..انا هقولك تجربتي الشخصيه...انا كنت فابوظبي راكب بي ام دبليو طول الوقت...لما نزلت مصر لقيت اسعار السيارات فظيع ومبالغ فيه...فاضطريت انزل عن البي ام دبليو طبعا...لكن للاسف خسرت كتير اوي فالسيارات لحد ملقيت الحاجه اللي اديتني انطباع البي ام دبليو وفخامتها...الي حد ما طبعا...الا وهيا الجميله فلونس...ومش شايف فيها عيوب بصراحه حتي الان ...والوكيل محترم ودي حاجه مهمه جدا خصوصا فمصر ...فأنا عن تجربه شخصيه لو بتدور علي حاجه بسعر معقول وفخامه وراحه خليك فالفلونس.

تقبل مروري

والله ياباشا رفعت من روحنا المعنوية ان الفلوانس فيها انطباع بي ام بصراحة انا كمان العربية معايا من 2010 ومفيهاش مشاكل ولله الحمد يمكن حسّيت ان اداء التكييف قل شوية وغيرت طرمبة البنزين في الضمان غير كدة مفيش اي حاجة تاني

**mimohsen** · 25-05-2015 09:06 PM

عربيه محترمه ... الحمدلله على نعمته واني راكبها

**mmsobhi** · 26-05-2015 03:53 PM

يا ريت الساده ملاك الفلوانس اللي عنده مشكله فيها يكتبها ...اكاد اشعر ان الناس بتتمني تثبت انها سياره فاشله وبتحب تتكلم عنها كتيير ..ياجماعه اللي عجباه يشتريها واللي مش عاجباه يشتري غيرها العربيات كتير....كل يوم بنشوف مشكله في سيارات تانيه ومشاكل قاتله مثلا الفرامل فيه ايه بعد كده والموضوع بينتهي والماركات دي موجوده وبتبيع زي الفل انما عند الفلوانس المشكله بتبقي كبيره اووي وكلام كتير ومحتار اشتري ولاءه ........يا ريت تاني اللي عنده مشكله في الفلوانس او مش مبسوط منها يكتبها

**Dr. Assem** · 28-05-2015 01:17 PM

انا منابع في المنتدى بقالي 3 شهور عربيات مختلفة و في الاخر توكلت على الله و جبت الفلوانس من اسبوعين. و ماحستش ان اي ملاحظات او مشاكل فيها توصل لدرجة انها تمنعني من شرائها.

و اي ملاحظات حلاقيها حشاركها معاكم

**mmsobhi** · 28-05-2015 04:32 PM

الف مبروك يا دكتور عاصم وربنا يباركلك في الفلوانس ويكفيك شرها وان شاء الله تكون الفلوانس عند حسن ظنك واكتر كمان باذن الله

**ahmedelfeky** · 28-05-2015 05:36 PM

العربيه هي الافضل في فئتها بلا منازع حتي الان كقيمه مقابل سعر حتي التكييف اللي بيقولوا العربيات الكوري والياباني تكييفها احسن منه مجرد كلام سمعوه فبيكرروه لا يمت للواقع بصله