الموضوع: تجربة السفر للاسكندريه بالبونتو 2015

المشاركة الأصلية كتبت بواسطة abo_mazen

هو حضرتك إيه اللي نزلك أساسا من وادي القمر ..؟؟؟!!!....ما طلعتش ليه من محور التعمير أو كملت صحراوي عادي كان هيفرق معاك فرق السنين ..عموما حمدلله على السلامة ورحلة سعيده ومتكرره إن شاء الله

الطريق كان مقفول من جوه اسكندريه ومنعرفش ايه السبب بصراحه كان عذاب خدت جوه اسكندريه ساعتين كاملين لغاية ما وصلت بداية البوابات

المشاركة الأصلية كتبت بواسطة tito2020

البونتو ايزى 2015 نور الفوجات بيبقي منور دول ما العربيه دايرة صح؟ حتى فى النهار منور على طول؟؟

لا مش الفوجات دي بيبقى الداي لايت هو اللي شغال
الفوجات شغاله بليل بس لو مشغل الكورنرينج تنور معاك يمين وشمال حسب الاتجاه

المشاركة الأصلية كتبت بواسطة nourelmansy

الآر بي إم يعتبر عالي كدة علي سرعة 100 ..

عندي في الريو بيكون 2500

مظبوط ودي طبيعة محرك فيات فاير لكن بيدي عزم كويس على سرعات الدوران الكبيره

المشاركة الأصلية كتبت بواسطة midh91

طيب انا ليا شوية استفسارات عن البونتو 2015
انا مقتنع تماماً بالعربية وإمكانياتها بالنسبة لسعرها بس في ناس بتخوفني منها
1_قطع الغيار في التوكيل متوفرة ولا لا واسعارها ايه وهل ليها قطع غيار برة ( فوانيس والحاجات البسيطة)
2- التوكيل النيل الهندسية زي اوماترا ولا توكيل كويس
3- العربية عالية عن الارض ولا لا؟؟؟ وهل ممكن يركب فيها 5 ولا لا

قطع الغيار موجوده ومتوفره عند كذا واحد في القاهره جديد واستيراد واسعارها زي اللكوري وساعات اغلى شويه
التوكيل كويس واحسن من اوماترا وبيحاول يتطور للاحسن وبيعمل دعايه غير اوماترا اللي كان نايم خالص

ارتفاع العربيه عن الارض مميز جدا وميزه مهمه فيها حملها 5 واطلع على اي مطب مفيش مشكله العربيه عاليه وثبات خرافي فعلا