الموضوع: بقيت تيداوي والحمد لله... شوية استفسارات ع السريع

المشاركة الأصلية كتبت بواسطة أحمد كمال89

الحمد لله بعد طول بحث ربنا رزقني بعربية تيدا هاتشباك موديل 2007، وكان ليا بعض الاستفسارات السريعة من الإخوة في القسم:
1 - صاحبها كان جايب جلبتين للمقصين اللي قدام، فهل أي ميكانيكي يغيرهم ولا لازم حد متخصص؟
اى عفشجى او ميكانيكى شغال فى العفشه يعملهم
2 - مكتوب على التنك من جوة بنزين 95، فهل ده كلام هجص و92 يمشي عادي ولا ايه الحكاية؟ (لأن أكيد من ساعة ما نزلت مصر محدش حطلها 95 أساسا)
تمشى ببنزين 92 عادى جداً
3 - فراملها ممتازة (بما إني كان معايا قبلها 128 اتعلمت عليها السواقة )، لما لما بادوس جامد شوية بحس بصوت من عند الفرامل كده زي ما تكون حاجة محشورة فيها، فده معناه ايه؟
الصوت ده هوه الـabs
4 - هل أي حد يشتغل فيها ولا لازم مركز متخصص؟ وايه هي أشهر مراكز أو المتخصصين في التيدا في الجيزة (أنا من الهرم)؟
يفضل مركز متخصص واى حد طبعاً ممكن يشتغل فيها بس ممكن تروح لميكانيكى مش شغال فى العربيه يغيرلك بوجيهات رغم انها بتتغير كل 100 الف فيفضل ميكانيكى شغال فيها او مركز صيانه
وشكرا مقدما على سعة صدركم

والف مبروك العربيه. ربنا يديك خيرها ويكفيك شرها

المشاركة الأصلية كتبت بواسطة أحمد كمال89

جزاك الله خيرًا على الرد أخي الكريم.
متعرفش مركز نيسان كويس في الجيزة أتعامل معاه؟

هوه فيه مركز متخصص فى النيسان كنت قريته فى احد المواضيع هنا بس متعاملتش معاه فحاول تعمل سيرش فى المواضيع القديمه وبالتوفيق