هتعمل إيه بالاسهم بتاعتك؟

**gam** · 16-11-2008 12:24 PM

لأقد سمعنا وجهة كلا الطرفين أرجوا فهمهم أو تفهيمهم للغلابه
أما رائي فهو التفكير ثم التعلم .ثم أضع الأمور في نصابها.
الأجابه لازم كل اللي عمره تجاوز ال21سنه.
أن يحصل علي أسهمه جدا
ويحافظ عليها فهي أمانه
للجيل القادم
معلش خليكوا بقه صح مره
(اللي هيبيع الوحش هو اللي هيشتري منه .........أتبيع أرضك
لا سنأخذها ونجعلها في أيدينا ونساعد اللي معهوش فلوس وعاوز يبيع سهم واحد
(أحتفظ بسهمك للوطن.
أرجوا أنشاء جمعيه لأدارة الأسهم غير حكوميه ممكن تخضع لأشراف حكومي بتمويل الأفراد أنفسهم
ونقوم بدور توعيه للمواطن العادي وليكن شعارتا أن الأسهم في قلوبنا لا فأيدينا
أي أنها في الروح في الدم هذه الأسهم.
قصدت القلب لأنه يعني أخر نفس
لأخر نفس من عمرك خلي سهمك في قلبك وأقفل عليه وأرمي المفتاح علشان ترتاح.

**Nader** · 16-11-2008 12:40 PM

المشاركة الأصلية كتبت بواسطة gam

لأقد سمعنا وجهة كلا الطرفين أرجوا فهمهم أو تفهيمهم للغلابه
أما رائي فهو التفكير ثم التعلم .ثم أضع الأمور في نصابها.
هل يجوز وضع نقطة لنهاية جمله ثت تتبعها ب"ثم"؟!
الأجابه لازم كل اللي عمره تجاوز ال21سنه.
أن يحصل علي أسهمه جدا

ارجوا توضيح الجملة السابقة "أن يحصل على اسهمه جدا"!
كيف يحصل علهم جدا؟!
ويحافظ عليها فهي أمانه
للجيل القادم
معلش خليكوا بقه صح مره
(اللي هيبيع الوحش هو اللي هيشتري منه .........أتبيع أرضك
لا سنأخذها ونجعلها في أيدينا ونساعد اللي معهوش فلوس وعاوز يبيع سهم واحد
(أحتفظ بسهمك للوطن.
أرجوا أنشاء جمعيه لأدارة الأسهم غير حكوميه ممكن تخضع لأشراف حكومي بتمويل الأفراد أنفسهم

كيف ستقيم جمعية وتجعل الحكومة هي المشرف عليها؟!!

فما هي الفائدة من توزيع الاسهم في هذه الحالة وانت ترجع الاسهم مرة اخرى لسيطرة الحكومة؟

ونقوم بدور توعيه للمواطن العادي وليكن شعارتا أن الأسهم في قلوبنا لا فأيدينا
أي أنها في الروح في الدم هذه الأسهم.

ارجوا ايضاح الجملة السابقة
قصدت القلب لأنه يعني أخر نفس
لأخر نفس من عمرك خلي سهمك في قلبك وأقفل عليه وأرمي المفتاح علشان ترتاح.

هل أنت من مستحقين الاسهم؟؟ هل تنطبق عليك الشروط؟

**Abo_Lina** · 17-11-2008 01:03 AM

هاديهم للبواب
بس على الله يقبل بيهم بس

**wesam_salom** · 17-11-2008 03:45 PM

لاء طبعا هحتفظ بيهم حتى لو بقوا ببلاش
وممكن اشترى كمان علشان ولادى
محدش عارف امتى
بس اكيد البلد حالها هيبقى احسن
ولو بقى اوحش ما كده ضايعه وكده ضايعه
هتنفعنا الفلوس بأيه

**Miss_Pharma** · 18-11-2008 11:58 PM

ممكن اقول رأيي ..
اللي هيحصل ده بمنتهى البساطة صورة مصغرة من فيلم عايز حقي بتاع هاني رمزي ..
واللي هيرد يقول دول هيوزعوا نسبة صغيرة لا تمثل شيئ ..
هقوله دي خطط بعيدة المدى ..
هسأل سؤال واحد فقط .. ليه هيعملوا كده ؟
بيحبونا ؟؟؟ من امتى !!
عايزين مصلحتنا ؟؟ من امتى !!
عايزين يعملوا حاجة جديدة ونبقى بلد متطورة ؟؟ يمكن !!!
حط نفسك مكانهم ( مكان شوية حرامية ونصابين ) وفكر ..
واللي هيحصل (في اعتقادي لو حطيت نفسي مكانهم ) ان اول طرح للصكوك دي هيلاقي قبول من الناس وهيعلوا الاسعار ويخلوا الناس مبسوطة عشان يقولك الناس عجبها الموضوع .. وبعد سنتين تلاتة .. يقولك هنطرح كمية جديدة
وهكذا لحد لما يبيعوها كلها ..
ومش هما اللي هيبيعوها .. احنا اللي هنبيع بايدينا ..
هيقولوك احنا مدناش حاجة لحد غريب .. احنا حطيناها في ايدكم وانتم اللي بعتم .. ومحدش هيقدر يقول بم ..

وبصراحة انا هاخد اسهمي اتاجر بيها (ده على اساس ان شوية الورق اللي هناخدهم دول اسمهم "اسهم" قدام اللي بيحصل في السوق ) لاني مش باقية على حاجة في بلد مش باقية على نفسها .. :(:(
وكل واحد يشوف مصلحته فين ..

**M.Elwan** · 19-11-2008 03:31 AM

فى نقطة لازم ناخد بالنا منها وقالها ابراهيم عيسى فى مقاله
المفروض ان كل الشركات اللى بتتباع الاسهم فيها دى ملكية عامة يعنى ملكنا كلنا والحكومة بتدير الاملاك دى لحسابنا وبتدينا ارباحها طبعا ولو فكرت تبيع الاملاك دى يبقى لازم تمن اللى يتباع يدخل فى الموازنة كايرادات .

طيب دلوقتى الحكومة حتبيع اسهم فى شركات قيمتها على بعضها تقريبا 200 مليار جنية بس حتبيعها ببلاش !!!!!!! ليه ببلاش ؟ لاننا حناخد الاسهم ببلاش فعلا
طيب ازاى والشركات اصلا بتاعتنا حنشتريها تانى ليه؟؟

والمشكلة انها بعد ما حتتباع لينا حتبقى البلد خسرت 200 مليار جنية لان دى قيمة الاسهم اللى كانت مملوكة للدولة واتباعت ببلاش بغض النظر مين اللى اشتراها

طيب لو حسبناها حنقول ان البلد خسرت 200 مليار بس رجعتها للشعب تانى يبقى الشعب مخسرش حاجة

بس ده لو ال200 مليار اتوزعوا على كل الشعب فعلا لكن اللى حصل ان الوزيع على 41 مليون مواطن بس يبقى بقيت ال 80 مليون حقهم راح