250000 تجيب سياره ايه بس محتاجة تفكير كويس..انا محتار

**ENG.MaRk** · 02-06-2015 05:27 PM

المشاركة الأصلية كتبت بواسطة sherif 007

متشكر ليكو بجد انتو اقنعتونی يعنی لو زيرو يكون 508 ولو مستعمل يكون c .
طيب سؤال جه علی بالی هو ال508 تقارن بال civic وال mazda 3

مستحيل تقارن ال508 بالCivic أو الMazda 3 لأنها أحسن منهم في كل حاجة إلا في حالة واحدة ... لو كنت في الخليج لأن الmazda بتنزل هناك 2000 cc بتكنولوجيا skyactiv و بكماليات أكتر من اللي في مصر زي الhead display و حاجات تانية كتير و هناك الفرق بينها و بين الPeugeot بيبقي مش كبير زي مصر لكن لا تزال ال508 أحسن صفقة فيهم ... ربنا يوفقك لما فيه الخير إن شاء الله :)

**sherif 007** · 03-06-2015 01:49 PM

شكرا جدا ليكو

**sherif 007** · 03-06-2015 01:52 PM

بس بجد انا اقتنعت بس مستغرب ازای البيجو تغلب الاوبل يعنی 508 تغلب الانسيجنا نفس الفئة ونفس الثمن والفرنساوی غلب الالمانی؟
بس لو فی حالة لو حطيت بنزين 95 فی ای عربيتين هل برده
ال508 تكسب؟

**Moataz Slaeh** · 03-06-2015 02:18 PM

قبل ما تقرر فكر تاني انت في مصر وفي 2015 ، شوارع بايظه عربيات بتتخبط وهي راكنه اسعار قطع غيار مش طبيعيه كل الطرق زحمه كل الوقت طول ايام الاسبوع ضيف علي ده كله الوضع الامني في مصر لسه مش 100%
احسن اختيار يكون عربيه زيرو مريحه توكيل محترم قطع غيار بأسعار معقوله ومتوفره وطبعا وماركه سمعتها كويسه ده كله يخليني مع الكورولا انسب شيء للوضع الان واقرا كويس كلام الاستاذ عنها تعرف انه فكر صح

**sherif 007** · 08-06-2015 11:54 AM

تمام

**sherif 007** · 09-06-2015 11:01 AM

جماعة بجد انا اسف انا ركبت نيسان جوك مع صحبی انبارح وعجبتنی.
انا مش عارف هيا عجبتنی ليه بسراحة يمكن عشان عاليه او شكلها حلو او تبلها تحفة.
فقالی هات جوك ووفر باقی الفلوس.
انا حتجن بجد يا جدعان معايا 250000 ومش عارف اعمل ايه يخربيت التردد.الناس كلها قالتلی هات
المرسيدس
508
انسيجنا
تويوتا
مازدا
جوك
بالترتيب...يا خونا حد يدی قرار

**4fun14** · 09-06-2015 01:05 PM

انت ليه تتعب دماغك ف عربيات توكيلاتها متعبه وملهاش سوق ف مصر زى البيجو والاوبل؟
افرض العربيه مريحتكش تباه دبست نفسك؟
العربيات دى ركوبة روعه طبعا وبرستيج صحيح..لكن انت مستعد تدفع المقابل من وقتك وفلوسك ومجهودك؟
وطبعا حرام يباه معاك ربع مليون وتجيب مستعمل
انا راييى خليك ف المضمون..عربيات تريحك ولو تعبتك تبيعها بسهوله..سيفيك يعنى
وطبعا انا شخصيا بحب العربيات العالية كنت هختار السبورتاج لو كنت مكانك بس واضح انك ملكش ف الكوري

**a7med ezz 20** · 09-06-2015 11:30 PM

مين قال ان السيفك سوقها حلو ، انا فرائيي تجيب حاجة bmw كسر زيرو

**ali ashraf** · 10-06-2015 06:59 AM

انا من كتر ما كتب عن البيجو 508 من السادة ماليكيها ذهبت بنفسى الى توكيل بيجو فى صلاح سالم ( بجوار مسجد الرحمن الرحيم) و هناك فيه مركز صيانة و تكلمت مع عدد من مالكى السيارة كلهم اشادوا بأداء السيارة على بنزين 92 ( ودى نقطة كانت قلقانى جدا) و اشادول بمستوى الخدمة ولكن.....يفضل سؤال ما هى العربية اللى شوارع المحروسة محتاجة لها مع الاخذ فى الاعتبار بمهرجان المطبات للجميع و حفرة لكل مواطن .....يعنى من الاخر محتار محتار زى بالضبط

**ENG.MaRk** · 10-06-2015 08:19 AM

المشاركة الأصلية كتبت بواسطة ali ashraf

انا من كتر ما كتب عن البيجو 508 من السادة ماليكيها ذهبت بنفسى الى توكيل بيجو فى صلاح سالم ( بجوار مسجد الرحمن الرحيم) و هناك فيه مركز صيانة و تكلمت مع عدد من مالكى السيارة كلهم اشادوا بأداء السيارة على بنزين 92 ( ودى نقطة كانت قلقانى جدا) و اشادول بمستوى الخدمة ولكن.....يفضل سؤال ما هى العربية اللى شوارع المحروسة محتاجة لها مع الاخذ فى الاعتبار بمهرجان المطبات للجميع و حفرة لكل مواطن .....يعنى من الاخر محتار محتار زى بالضبط

[SIZE="2"]اللي عايز يستمتع بحياته عموماً لازم ياخد risks و أنا شايف إنك بتقلق نفسك بأوهام علي الفاضي يعني في الأول كنت خايف من موضوع البنزين ال95 و لأن حضرتك إنسان محترم عملتلك موضوع مخصوص أطمنك فيه و تقريباً كانت ردي علي كل الأسئلة إن 92 تمام في ال508 ... بلاش تقلق نفسك تاني و اتكل علي الله و اشتريها لأنها العفشة بتاعتها ناعمة و مش هتحسسك بالمطبات اللي مضايقاك و لعلمك لو جاوبت علي سؤال ايه أحسن عربية مناسبة لمصر هييجي في بالك أسئلة تاني و تحير نفسك أكتر ... من الآخر انت اللي بتحير نفسك بنفسك مع إن السؤال إجابته واضحة Peugeot 508