الموضوع: 250000 تجيب سياره ايه بس محتاجة تفكير كويس..انا محتار

لو جديد يبقي بيجو 508 و لو ماعندكش مانع تركب مستعمل مع إني مش بحبه يبقي مرسيدس c250

المشاركة الأصلية كتبت بواسطة sherif 007

يا جماعة انا فعلا محتار
انا معايا 250000 وعايز اركب عربية محترمة وشيك ويرستيج
فی ناس قالولی جيب زيرو زی الانسيجنا او 508 او المازدا وفی ناس قالولی تدفع الفلوس دی فی مركات زی دی لا اشتری 523i او c200 او c250 من موديلات 2008 2009
انا بجد محتار وعايز نصايح

انا كنت محتار برضه و نفس المبلغ بالضبط و قررت شراء كورولا هاى لاين و شوف الاختيار ده ليه
1- أولا نوع البنزين المستخدم متصدقش ان التربو مع معامل انضغاط عالى بنزين 92 هيكون زى 95 و تأثيره على المحرك مؤذى جدا و دى نقطة مهمة.
2- معظم السيارات الاوربية فيها مشاكل جامدة فى الفتيس.
3- صيانة الكورولا اسهل نسبيا و مشاكلها قليلة و اعتمادية جدا
4- انا كان معى 250 الف بس لازم ادفع منهم تامين شامل و اخلى مبلغ احتياط و ده مناسب مع سعر الكورولا 217 الف
5- من متابعة ملاك الكورولا تقريبا فى رضاء عام عن كفاءة العربية .
6- شركة تويوتا اجيبت بدأت فى عمل اكبر مركز صيانة تويوتا فى الشرق الاوسط ( راجع جريدة البورصة)
7- أخيرا عمرى ما افكر اجيب عربية مستعملة حتى لو كانت رولزرويس .
8- أنا نفسى اجيب همفى بس المهم احتياجتى و امكانياتى هى اللى تحدد نوع العربية
وربنا يوفقك للخير

المشاركة الأصلية كتبت بواسطة eng.mark

لو جديد يبقي بيجو 508 و لو ماعندكش مانع تركب مستعمل مع إني مش بحبه يبقي مرسيدس c250

هيا 508 احسن من الانسيجنا؟ مع ان المعظم قال لی العكس فممكن توضحلی اكثر

المشاركة الأصلية كتبت بواسطة ali ashraf

انا كنت محتار برضه و نفس المبلغ بالضبط و قررت شراء كورولا هاى لاين و شوف الاختيار ده ليه
1- أولا نوع البنزين المستخدم متصدقش ان التربو مع معامل انضغاط عالى بنزين 92 هيكون زى 95 و تأثيره على المحرك مؤذى جدا و دى نقطة مهمة.
2- معظم السيارات الاوربية فيها مشاكل جامدة فى الفتيس.
3- صيانة الكورولا اسهل نسبيا و مشاكلها قليلة و اعتمادية جدا
4- انا كان معى 250 الف بس لازم ادفع منهم تامين شامل و اخلى مبلغ احتياط و ده مناسب مع سعر الكورولا 217 الف
5- من متابعة ملاك الكورولا تقريبا فى رضاء عام عن كفاءة العربية .
6- شركة تويوتا اجيبت بدأت فى عمل اكبر مركز صيانة تويوتا فى الشرق الاوسط ( راجع جريدة البورصة)
7- أخيرا عمرى ما افكر اجيب عربية مستعملة حتى لو كانت رولزرويس .
8- أنا نفسى اجيب همفى بس المهم احتياجتى و امكانياتى هى اللى تحدد نوع العربية
وربنا يوفقك للخير

علی فكره انته غيرتلي حساباتی خالص يعنی انا عنال ادور علی عربيات عليا قمت قولتلی تيوتا كرولا ....شوف انا عجبتنی وجهه نظرك بس مش حرام انی ادفع مبلغ زی ده فی سيارة تركی اللی المفروض ان السيفيك و المزدا و السوبارو احسن منها....وبعدين هيا الانسيجنا الفتيس بتعها وحش؟ معلش فدنی اكتر ومتشكر علی اهتمامك

بص مفيش مشاكل غير فالفتيس dsg . ابعد عنه وخلاص . لو هتجيب زيرو يبقي قدامك ال 508 افضل اختيار الصراحة وهم ، لو استعمال يبقي c180 او 316i مثلا كسر زيرو 2014 . ومش هتحس بفرق عن الزيرو .

المشاركة الأصلية كتبت بواسطة sherif 007

هيا 508 احسن من الانسيجنا؟ مع ان المعظم قال لی العكس فممكن توضحلی اكثر

ال508 أكبر منافس للانسيجنيا و أنا قبل ما أشتريها كنت محتار نفس حيرة حضرتك و لما نزلت ركبت الاتنين عجبتني أكتر ال508 و الحمد لله قربت أكمل بيها 26000 كم و ماشفتش منها أي مشاكل بعكس الانسيجنيا اللي عضو فاضل هنا في قسم أوبل كان كاتب تقرير عنها و ظهرت معاه مشاكل ف مش منطقي إني أجيب عربية بالسعر ده و قبل صيانة ال10000 تظهر معايا مشاكل مش مميتة لكن هتخليك تتضايق من دفع المبلغ ده كله في عربية فيها مشاكل لأن اللي عنده استعداد يدفع المبلغ ده في مصر في عربية يبقي أكيد عايز يشتري راحة باله ... نقطة كمان في صالح البيجو و هي إنها مش بتقول لا لل92 لكن الانسيجنيا حساسة شوية لموضوع ال95 ده و ممكن يعملها مشاكل مع العلم إني مشيت بال92 في البيجو فترة مش قليلة و ماظهرش مشاكل الحمد لله ... اقرا أكتر عن العربيتين و انزل اتفرج عليهم و اللي تعجبك اشتريها و لو ماعندكش مانع في موضوع ال95 يبقي اشتري انسيجنيا لربما تطلع أحسن من ال508 زي ماقالوا الناس بس احسبها كويس علشان ماتندمش بعد كدة لأن ممكن المشاكل اللي حصلت مع العضو الفاضل اللي كان كاتب تقرير صيانة عن الانسيجنيا تكون مشاكل فردية مش للموديل كله و الله أعلم ... ربنا يوفقك لما فيه الخير إن شاء الله و نباركلك قريب :)