شقة ولا عربية

**wael61** · 30-05-2015 09:43 AM

أولاً انا بشكر كل الناس اللى تعبت وردت عليا الف شكر ليكم

المشاركة الأصلية كتبت بواسطة hugan

الشقه افضل
العربيه سهل جدا تعويضها في اي وقت

هو طبعاً افضل يكون لك مكان تنزل فيه بيتك وراحتك ومهما اتأخرت مش هتحس انك تقيل على حد

المشاركة الأصلية كتبت بواسطة ali ashraf

حضرتك ادرى بظروفك لو بتنزل القاهرة بضعة ايام قليلة ثم ترجع تانى يبقى العربية اهم .

بنزل بس بصفة دورية ممكن كل شهر اسبوع وبصراحة مش طايق اقعد عند حد

المشاركة الأصلية كتبت بواسطة punisher

ع حسب كلامك يبقي العربيه اللي ب 28000 احسن

اولا : عربيه بالسعر ده يبقي متتقارنش بشقه
ثانيا : العربيه تعتبر ف حالتك من متطلبات الشغل وضروره مش جايبها رفاهيه
ثالثا : الاسعار ف القاهره اكيد شقه ب 100 الف هتكون ف حته بعيده
رابعا: بلاش تفكر ف القروض الربويه عشان ربنا يباركلك ف تجارتك

عربيتك تحت رجلك وباقي الفلوس استثمرها ف شغلك ومن استثمارك للفلوس دي هتقدر تطلع مصاريف عربيتك والفندق ف القاهره

المشاركة الأصلية كتبت بواسطة punisher

بس مش معني اني قولتلك عربيه انك تجبها زيرو وقسط

انتا تجيب حاجه تستحمل البهدله والسفر ومصاريف صيانتها تكوون رخيصه

العربية اساساً من ضمن امنياتى مش بس علشان الشغل بس الحيرة يا صديقى
بعد مقارنات حسيت ان البيجو 405 افضلهم

المشاركة الأصلية كتبت بواسطة mecha

العربيه ام 28 الف جم هتستحمل 700 كم رايح جي اسيوط مصر متكرر وهتحمل فيها كمان والحر جاي؟؟ , مظنيش, هتطب بسرعه .
القرص دا عاوز عربيه ماسكه نفسها وياريت فان .والبيات في لوكندات باب الحديد .

خلينا فى المبدأ وبعدها نوع العربية امرها سهل

المشاركة الأصلية كتبت بواسطة باسم يوسف

مفيش شقق ب 100 الف جنيه

ممكن تدفع المبلغ ده مقدم في شقه في المدن الجديده

بس بعيده عن وسط القاهره

لو ناوي تشتري الشقه كأستثمار

يبقي توكل علي الله

لكن عشان البيات يبقي ملوش لزوم

بالنسبه لموضوع العربيه

البيجو القديم خلاص طلع عين اهله

ممكن تشوف لادا موديل حديث حاله نضيفه

اهه رخيصه و تستحمل مشواريك الطويله

الف شكر لحضرتك بس متهيألى البيجو ال 405 افضل من اللادا

المشاركة الأصلية كتبت بواسطة a_h_m_a_d

العربية طبعا مهمه لشغلك ، والشقة ليه تمليك ، ممكن تاخد واحده ايجار جديد في منطقة مش غاليه ، فيه شقق بتتأجر ب ٦٠٠ جنيه في الشهر

لا ايجار مبحبوش يا تبقى بتاعتى يا بلاش

**punisher** · 30-05-2015 02:54 PM

اهم حاجه الله يكرمك تشيل فكره القرض ده من دماغك خالص

اعرف ناس كانت مليونيرات ودلوقتي بتبيع ف الاصول اللي تمتلكها بسبب القروض عشان عمر ما حد اخد قرض غير وحياته باظت بعدها

انا ف بدايه حياتي اخدت قرض ب 50 الف وعايز اقولك كميه الهم والقرف اللي كنت فيه لدرجه اني كنت سايب الفلوس زي ما هيا ف البنك مقربتلهاش

انا مقدرش افيدك اوي ف نوع العربيه بس اهم حاجه تكون تستحمل وصيانتها رخصيه... ممكن تسأل عن الدايو لانوس انا اعرف ان حاجتها رخيصه

( يا أيها الذين آمنوا اتقوا الله وذروا ما بقي من الربا إن كنتم مؤمنين ( 278 ) فإن لم تفعلوا فأذنوا بحرب من الله ورسوله وإن تبتم فلكم رءوس أموالكم لا تظلمون ولا تظلمون ( 279 ) وإن كان ذو عسرة فنظرة إلى ميسرة وأن تصدقوا خير لكم إن كنتم تعلمون ( 280 ) واتقوا يوما ترجعون فيه إلى الله ثم توفى كل نفس ما كسبت وهم لا يظلمون ( 281 ) )