Vectra 2000 cdx

**cobr_a11** · 31-05-2015 12:52 PM

السلام عليكم ورحمه الله وبركاته
في البدايه احب ارحب بأصحب المنتدى الي انا فيه من زمان بس دي اول مشاركه ليا
المشكله طويله شويه بس ياريت تستحملوني
انا معايا فيكترا ٢٠٠٠ cc موديل ٢٠٠٠ cdx الكامله. من ٣ سنين
بدايه المشكله كانت في شهر يناير الي فات بدأت احس ان المارشدير فيه رزعه وبعدين غيرت زيت الفتيس ونظفت علبه البلوف بقت كويسه يومين ومابقتش تجيب مارشدير اصلا خالص
حليت الفتيس وغيرت ورق جواه وغيرت البريك باند والمجموعه الشمسيه. والفتيس اشتغل كويس جدا بس فيه رزعه على الخامس.
فضلت كده بيه شهر وقلت للراجل الي صلحه قالي محتاج ننظف علبه البلوف تاني.
نظفناها وغيرنا زيت مبقاش يجيب مارشدير تاني. غيرت علبه البلوف بعدها وحساس الفتيس العلوي. الي هوه تقريبا بتاع input
العربيه اشتغلت كويس وسافرت بيها بورسعيد والقاهره وماشاء الله كويسه وسحبها حلو جدا لغايه ١٩٠ كم
بس كان فيه تعليقه صغيره. انها اوقات وهيه بارده ماكانتش بتنقل من الاول للتاني. ابطل العربيه وادورها مره واحه بس. تنقل وتبقى ممتازه
اخيرا وانا جاي اسكندريه من اسبوع بدأت احس بحاجات غريبه فيها
مككن شويه تمشي كويس لغايه الرابع وبعدين ماترضاش تاخد خامس ابطل العربيه واشغلها تمشي كويس.
وشويه تتأخر في النقل زي ما اكون عامل عكسي
واخيرا علقت مش راضيه تنقل عن الاول نهائي لغايه ما قرصت عليها نقلت تقريبا تالت وسمعت صوت زي بلف كوره بيطير من مكانه ومش راضيه تنزل عن التالت. ممكن تجيب رابع وخامس عادي بس بتطلع على التالت
بطلتها ومن ساعتها الى الان مش راضيه تنقل عن الاول نهائي. السرعه ٣٠ وال rbm بيول ٤ وماتنقلش
انا صارف الى الان اكتر من ثمن الفتيس الاستيراد. ياريت لو حد يعرف حل المشكله يقولي وماضطرش لتغير الفتيس
وشكرا

**فادى محمد** · 31-05-2015 06:10 PM

غلطان من الاول انك صلحت الفتيس..
تصليح الفتايس الاوتو فلوس ع الارض.
لازم فتيس جديد

**cobr_a11** · 31-05-2015 09:17 PM

الله يرحمك يا ست محاسن

**kornclub** · 04-06-2015 02:06 PM

ممكن يكون مشكله سليكتور سويتش او حاجه سهله وجرب حد كويس - انا كان عندي مشكله كهرباء عبيطه كانت هتخليني اغير الفتيس كله

**amr elsisi** · 07-06-2015 04:12 PM

هوا انت من اسكندرية
تصليح الفتيس الاوتو مش وحش
بس لازم من متخصص
ومافيش حد بيصلح كلهم بيجيبو فتيس استيراد
وبيعوض التالف عندك
المشكلة في التقفيل لو خلفت معاه مش حيشتغل وحيهيس

**kholio_1** · 13-06-2015 12:45 AM

راجع ضفيره الفتيس الاول وبعدين الحساسات وخصوصا حساس حراره زيت الفتيس

**cayman69300** · 14-06-2015 09:42 AM

اخر محاولة
حط العربية على الجهاز
بس فى الاخر هتلاقى الحكاية فتيس
فى حاجات ملهاش حل و تغييرها افضل و ملهاش صيانة
اولها الفتيس
ترمى القديم و تجيب فتيس استيراد و حتى لو اغلى من برة بـ 500 جنية بس تخلى الراجل يديك ضمان حتى لو اسبوع - لان الفتيس الاوتوماتيك بيبان من اول 5 دقايق اذا كان بينقل و لا لا - و مستريح فى نقلاته و لا لا
و الله الموفق