الفرامل بتهرب مش عارف الحل ؟

**ibnelfared** · 31-05-2015 05:46 PM

العربية عندى أجى الصبح أطلع بيها الفرامل تنزل للأخر ؟ أقعد أكارك ما تعملش اجة أفك المستر العمومى سنة وأبدأ أكارك تبدأ تجمع واحدة واحدة وعلى كدة كل ما أبطلها تعمل الموضوع دة ؟
المهم روحت جيبت علبة باكم وطلعت على الميكانيكى وأقعد يسحب هوا من الآربع عجلات وبعدها عليت وبعدها نفس الحكاية ؟ وبعدين بلاقى العجلة الشمال ألى قدام لما بدوس فرامل تمسك وتسيب وكدة ؟
دة يبقى عيب أيه لو سمحتم كل يوم على هذا الحال كل ما أبطل العربية وأسيبها شوية تضيع خالص الفرامل ؟ هل من حل ؟

**tareksakr** · 31-05-2015 06:22 PM

روح لحد متخصص فرامل كده ممكن يكون ماستر عمومي بايظ او خرطوم ضارب وممكن ماستر عجله من العجل الخلفي يكون بيهرب فلازم تكشف علي الدايرة كلها وكونك روحت لميكانيكي ومعرفش العيب فين يبقي ميكانيكي مش كويس روح لحد بتاع فرامل كويس

**SHERBINII** · 01-06-2015 01:15 PM

ماستر عمومي فعلا

**Abo_Mazen** · 01-06-2015 02:00 PM

إيه السبب اللي يخلي دورة الفرامل تاخد هوا بإستمرار ودايما ؟؟؟؟؟

**ahmscu** · 03-06-2015 12:23 AM

انا كان عندى نفس مشكلتك بالضبط وكل ماروح لواحد يقولى دول شوية هوا وهتبقى تمام،وطبعا دى فرامل وانا بسافر على الطريق على طول ومعايا اطفال فقررت اجيب كاتالوج التصليح الروسى بتاعها من النت وغيرت دايرة الفرامل كلها بنفسى(تغيير كل الخراطيم، ماستر عمومى وماستر خلفى وتيل فرامل) وغيرت زيت الباكم وجبت نوع فرنساوى والحمد لله الفرامل بقت زى الفل بس السيرفو كشفت عليه لقيته كويس الحمد لله
غالبا مشكلة حضرتك ماستر عمومى وممكن السريفو كمان معاه

**mossallem** · 09-06-2015 11:29 AM

انا العربيه كانت بتعمل معايا كده من شهر وغيرت ماستر لوحده منفعش قمت مغير الخراطيم والمساتنر بتاعت العجل اللي ورا وغيلرت التيل ووبالمره غيرت الوايرات بتاعت فرامل اليد والحمد لله الدنيا ظبطت
لان الزيت عندي كان بينقص فقلت اظبط الدنيا كلها