الموضوع: العربية اتسرقت

الحمد لله عربيتك معاك شوف قفل الشاهين بيفتح كل حاجة بمفتاح واحد

المشاركة الأصلية كتبت بواسطة عﻻء سالمان

الحمد لله عربيتك معاك شوف قفل الشاهين بيفتح كل حاجة بمفتاح واحد

طقم طبل الشاهين دا بيركب على اللادا عادي من غير مشاكل ؟
يا ترى سعره كام ؟

منهم لله

وعلي فكره في سرينه كده ب 25 ج بتركب للشنطه والكبوت والمفاتيح بتاعتها ب حوالي 10ج بالمصنعيه بتتكلف 50 انا عاملها واول ما بنزل من العربيه بشغل المفتاح ولو حد جه يفتح الشنطه او الكبوت مش عايز اقولك علي الصوت اللي بيطلع خصوصا ان الحرميه بيبقوا بالليل السرينه بتحسسك ان في قسم تحت بيتك
وربنا يعوض عليك

حبيبى نفس اللى حصل معايا و برده تحت البيت.
الشنطه أتفتحت و اتقلبت و إتسرق منها كوريك تمساح 2 طن و كمبروسر واحد بستم و الإستبن.
و لفيت و سألت أكتر من واحد, قالولى إلغى الكالون و خليها تفتح من جوة زى الكورى و اليابانى, بس لما حسبنها لاقيت التكاليف هتعدى الـ 300 ج
فيه ناس بتلحم سلسلة فى الشنطة و السلسة تعدى من جوة الشنطة لتحت العربية من خلال فتحة (مزراب) الشنطة و تتقفل بقفل من تحت العربية.
و فيه ناس بتعمل الإنذار البلدى ده, و أنا عملته حالياً على الكلاكس, بس فكرة السارينه أفضل.
هتجيب مفتاح بنز باب عالى (عدد 2) و مفتاح فصل (1) و سلك
هتأخد من كتاوت الكلاكس (أو السارينة أفضل) و توصل للمفتاحين البنز (واحد على حرف الشنطة و الثانى للكبوت) و تعملهم مفتاح فصل من جوه (تحت التابلوة مثلاً) بحيث لما أنت اللى تفتح الشنطة أو الكبوت تفصل الأول, و بعد متقفل تشغل تانى.
و زيادة تأكيد تنزل تجيبلك سلسلة و تربط فيها الإستبن و الكوريك بقفل و تعديها فى كتف الشنطة اللى تحت المفصلات , أو تلحم السلسلة فى الشنطة من الداخل.

الهدف إن الحرامى لما يفتح يلاقى العربية بتصوت فى وشة اللى جايبينه و يلاقى الحاجة محتاجة وقت على ميفك السلسلة و القفل فيهرب. (رغم أنهم بقوا عالم بجحة و وشهم كالح)

أنا عارف إن الكلام ده كله مالوش لازمة بس إحنا نعمل اللى علينا على ما البهوات يفضولنا و يشوفوا شغلهم بجد.
و ربنا يحفظنا جميعاً

انا فعلا عملت كدا وجيبت جنزير محمل وقفل كمبيوتر كبير ومشيته من تحت المفصلات وركبت فيه الاستبن وهعمل كدا مع الكوريك ان شاء الله مش فاضل بس غير اني اغير الطبلة بتاعت الشنطة ووهلغيها لان عندي مفتاح بيفتح من جوا

موضوع السرينة دا كويس بس مشكلته فى موضوع البطارية دا صحيح لانها بتحتاج كهرباء جامدة اوي