زيت موتور موبيل 5w30

**tasaka** · 02-06-2015 12:23 AM

المشاركة الأصلية كتبت بواسطة moosaleh

اللينك ده من موبيل بيوضح الزيت المناسب لتويوتا
which oil for your car? | mobil 1™ egypt
وطبعا التوكيل معندوش غير نوع واحد يستخدم لجميع الموديلات وهو 5w50
وده اكيد مش صح.

لا .. مكتوب لبعض انواع تويوتا ..

الفيصل فى الموضوع ده .. اللزوجات المسموح بها الكتالوج عندك

**borio1704** · 02-06-2015 01:25 AM

المشاركة الأصلية كتبت بواسطة svneleven

احسن حاجة سيادتك تشوف ال كاتالوج بتاع العربية هتلاقي مكتوب فيه انسب زيت ل عربيتك. ال 5w30 خفيف و عربيات كتير بتبخره بسرعة.

فيه فرق كبير بين التبخير وبين الاستهلاك

التبخير أو الـEvaporation هو تحول المادة السائلة إلى بخار (Vapour) عند ارتفاع درجة الحرارة.. والحالة دي فعليا ما بتحصلش في درجات الحرارة المعتادة في الموتور (اللي بتبقى في حدود 100 مئوية تقريبا خارج حجرة الاحتراق).. لإن أغلب الزيوت بتتبخر عند درجات حرارة ابتداء من 200 مئوية تقريبا .. وتختلف الدرجة دي حسب لزوجة الزيت

دي نفس فكرة بخار الزيت اللي بيتبخر مع قلي البطاطس مثلا.

إنما اللي بيحصل فعليا في الموتور هو تحول الزيت إلى رذاذ (Spray) نتيجة طريقة التزييت في أجزاء كتير في الموتور بالإضافة إلى إن الأجزاء دي نفسها متحركة بسرعة عالية وبتنطر الزيت من عليها.

الموضوع أشبه بفكرة رذاذ المية اللي بيطلع من البخاخة اللي بيستخدمها الحلاق مثلا... مع الفارق طبعا.

بس في جميع الأحوال... الزيت مش هينقص إلا إذا كان فيه مكان يخرج منه "بخار" أو "رذاذ" الزيت..

تخيل مثلا لما تحط إزازة مية مقفولة في الشمس.. وتيجي بعد شوية تلاقيها مبخرة على الإزازة من جوه... هل المية نقصت؟؟؟

لا يمكن .. لإنها مقفولة كويس.

أمال النقص ده إسمه إيه؟؟

ده بيسموه استهلاك الزيت (Oil Consumption)

وبيبقى باختصار إن رذاذ الزيت بيتسحب إلى خارج الموتور من خلال فتحة النفس اللي بيبقى عليها صمام الـPCV (أو بلف السايكون بلغة الصنايعية).. وبالتالي رذاذ الزيت بيدخل تاني لحجرة الاحتراق مع خليط الوقود ويخرج مع العادم.

طبعا بالإضافة إلى بواقي الزيت اللي بتفضل على الجدران الداخلية للسلندر .

فيه تفاصيل أكتر عن الموضوع ده هنا:
http://www.nilemotors.net/Nile/418186-a.html

...

**tasaka** · 02-06-2015 12:54 PM

حقيقى مفتقدين العضو الفاضل borio1704استشاري الزيوت في المنتدي .. و ردوده التعليميه المفيده جدا

**moosaleh** · 02-06-2015 03:28 PM

المشاركة الأصلية كتبت بواسطة sonaeg

توكيل هوندا الكويت بيحط ٥-٣٠ كاسترول ف موضوع الحر والجو مالوش دور هنا اكيد

زيت موبيل فورمولا وان ٥-٣٠ اه بس مش نفس متطلبات الموتور ازي ولو دخلت علي موقع موبيل امريكا حيديك زيت تاني ٥-٣٠ برده واللي

المشابه ليه هما نوعين في مصر تقريبا

وولفر سوبر تك ٥-٣٠

بيزول باسيفيك api sn/ ilsag3/4 ٥-٣٠
وده حطيته وماشي بيه ٥٠٠٠ والأداء اتحسن جدا بالذات عن موبيل وان ٥-٥٠ والله أعلم

شكرا علي الأفاده والمعلومات القيمه بس كده الموضوع مش بسيط لأن كده مفيش زيت مشهور في مصر ينفع لموتور الكورولا طبعا وذلك من موديل 2009 الجنوب افريقي وحتي موديل 2015 التركي لأنهم موتور واحد يعني ولا موبيل ولا شيل ولا توتال وطبعا دول المعتمدين في مصر من حيث السمعه والأنتشار يعني انا مثلا من اسكندريه هجيب زيت بيزول باسيفيك من فين وانا معنديش استعداد اشتري زيت من محل عادي لبيع الزيوت لان عندهم اوقات كتير بيبقي منتهي الصلاحيه او معاد تعبئته لازم هجيب من مكان مضمون طب ايه العمل :b4_592:

**borio1704** · 02-06-2015 07:37 PM

المشاركة الأصلية كتبت بواسطة moosaleh

شكرا علي الأفاده والمعلومات القيمه بس كده الموضوع مش بسيط لأن كده مفيش زيت مشهور في مصر ينفع لموتور الكورولا طبعا وذلك من موديل 2009 الجنوب افريقي وحتي موديل 2015 التركي لأنهم موتور واحد يعني ولا موبيل ولا شيل ولا توتال وطبعا دول المعتمدين في مصر من حيث السمعه والأنتشار يعني انا مثلا من اسكندريه هجيب زيت بيزول باسيفيك من فين وانا معنديش استعداد اشتري زيت من محل عادي لبيع الزيوت لان عندهم اوقات كتير بيبقي منتهي الصلاحيه او معاد تعبئته لازم هجيب من مكان مضمون طب ايه العمل :b4_592:

العمل إنك ترجع للكتالوج زي ما قاللك كل الزملاء قبل كده.. وتنفذ اللي فيه بالحرف.

وماتقولليش مش لاقي الزيت المناسب.. مؤكد هتلاقي...

أهم حاجة.. دور على المواصفات قبل ما تدور عالماركة والشهرة...

امسك علبة الزيت ( أي علبة ) وشوف مواصفاتها زي الكتالوج ولا ﻷ.. حتى لو لقيت إن الزيت المناسب من ماركة "التعاون" اشتريه ما دام مناسب ومواصفاته زي الكتالوج.

ولو لقيت أكتر من ماركة زيت بنفس المواصفات ابقى دور على السهل تشتريه.

ما لكش حجة يا باشا.

...

**borio1704** · 03-06-2015 04:39 PM

المشاركة الأصلية كتبت بواسطة moosaleh

شكرا لكل من شارك في هذا الموضوع والنتيجه انني بحثت اكتر في الموضوع بعد قراءة الكتالوج والاطلاع علي موقع موبيل _1 استفدت بالمعلومات الاتيه:
1- زيت موبيل _1 (5w-30) هو المناسب لمواتير تويوتا (1zr-fe) للكورولا 1600cc يعني سيارات الوكيل من 2008 حتي 2015 وذلك طبقا لموقع موبيل -1.
2- يفضل استخدام زيت (5w-50) في ظروف الخدمه الشاقه للسياره يعني سرعات عاليه وتحميل وذلك فقط لأن معدل استهلاكه اقل وليس لقدرة التزييت الاعلي او معدل التأكل الاقل للموتور.
3- الفرق طبعا اللزوجه الأقل بتدي استهلاك بنزين اقل وبتزود سهوله حركه اجزاء الموتور يعني هيحسسك ان العربيه استجابتها احسن وانعم شويه .
4-لو بتستخدم لزوجه اقل مطلوب منك بس متابعه مقاس الزيت لو ظروف القياده خدمه شاقه يعني ممكن تحتاج تزود زيت علي فترات حسب استهلاك الزيت.

الله ينور

فعلا.. لما بنرجع للكتالوج وللمصادر الموثوقة بنقدر نوصل لمعلومة أكيدة.

...

-

الموضوع: زيت موتور موبيل 5w30

LinkBack

أدوات الموضوع

عرض

-

-

-

المواضيع المتشابهه

محتاج نص لتر زيت شل لزوجه 5w30

زيت موبيل 1 ولا زيت موتور متسوبيشى ؟

ما هى افضل زيوت 5w30 في مصر ؟

زيت موتور هوندا بتاع التوكيل ولا شيل الترا و لا موبيل وان

زيت موتور موبيل 1 ولا موبيل xhp

الكلمات الدلالية لهذا الموضوع

المفضلات

المفضلات

ضوابط المشاركة