عرض للطباعة
هل زيت 5w30 مناسب لكورولا بدلا من الزيت اللي بيستخدمه التوكيل 5w50 لموتور سياره جنوب افريقي عداد 54000 km لأنه اخف واكيد ممكن يريح الموتور من اللزوجه العاليه لزيت التوكيل وسؤال تاني انا اول مره هغير زيت بره التوكيل افتح الطبه احسن ولا جهاز الشفط لتنزيل الزيت القديم والفلتر اجيب الحشو الداخلي احسن ولا فلتر عادي بالعلبه الخارجية ولكم جزيل الشكر.
عموما السياره تعتبر لسه بسم الله مشاء الله جديده الزيت لزوجه 5w30 افضل من اللزوجه 5w50 وممكن ترجع لكاتالوج السياره .... وعند تغيير الزيت الافضل فك الطبه لتصريف الزيت وما يتبقى من اى شوائب في الكارتيره وبالنسبه للفلتر الاصلى دايما افضل .
احسن حاجة سيادتك تشوف ال كاتالوج بتاع العربية هتلاقي مكتوب فيه انسب زيت ل عربيتك. ال 5w30 خفيف و عربيات كتير بتبخره بسرعة.
التوكيل بيحط 5w50 ؟؟ ده مش زيت 10000 كم , معروف انه المواتير اليابانى و الكورى بتستخدم زيوت لزوجه خفيفه نسبيا لانه خلوص البساتيم فيها ضيقه , طول عمر التيوتا زيوتها 5w30 , 0w30 , 10w30 و الكلام ده فى كتالوجاتها .
علشان خاطرى ما حدش يطلع يقول لى اصل فيه زيوت لزوجه عاليه لدرجات حرارة الجو العاليه و لزوجه منخفضه لدرجات حرارة الجو المنخفضه , الكلام ده خطأ على عمومه , فيه حاجه اسمها درجة حرارة بداية التشغيل فقط .
طبعا 5w30 موبيل هايكون ممتاز معاك و هاتحس بالفرق جامد .
مافيش حاجه اسمها تبخره بسرعه , اى زيت لازم بيكون مجهز يشتغل فى درجات حراره 300 مئويه و ما فوق . اللى يتبخر ده مضروووب , مش انواع كبيره زى شل و موبيل و توتال و من اماكن موثوق منها .اقتباس:
المشاركة الأصلية كتبت بواسطة svneleven
5w50 ده رقم غريب .. انت متأكد انه ده اللى بيحطوه فى التوكيل ؟
5w30 يوفر بنزين .. بس اتاكد انه موجود فى الكتالوج
الحل الوسط اعتقد هو 5w40 .. بس اتاكد انه موجود فى الكتالوج
و دور على انواع تانى غير موبيل .. لان كتير من الاعضاء بيقولوا ان فيه انواع تانى افضل
و طبعا اتأكد ان الزيت موش مغشوش فى الانواع الثانيه
أولا اشكر الجميع علي الرد والأهتمام بالموضوع بس أحب اقول حاجه مهمه ان الواضح كده ان التوكيل شغال اي كلام مختار موبيل زيت معتمد من تويوتا بس مختار اعلي لزوجه ليه مش عارف انا بصراحه دايما بحب اتعامل مع التوكيل لكن بصراحه الواحد بدأ يفقد الثقه فيهم وبعدين انا كمان هحاول اطلب منهم زيت 5w30 وهشوف ردهم ايه لان بصراحه كده انا حاسس ان الموتور مخنوق من زيت 5w50 تقيل جدا علي الموتور
اسألهم عن سبب اختيار هذه اللزوجه .. و لو اقتنعت بالرد يبقى كمل معاهماقتباس:
المشاركة الأصلية كتبت بواسطة moosaleh
دى صفحه الزيت من موبيل .. و هم ما عندهمش لزوجه 5W-40 .. اللى عندهم لزوجه 0W-40 و 5W-50 .. يمكن ده السبب انهم اختاروه
5W-50 Oil | Mobil 1 Peak Life 5W-50
كلما زاد الرقم الاخير كلما زادت الحمايه ضد التأكل .. و لكن رقم 50 كتير برضه على ما اظن
5W-30 يوفر بنزين و صوت موتور اهدأ .. و لكن حمايه اقل فى جونا الحار .. عموما انا كنت قرأت فى المنتدى او كتالوج سياره ان الجمعيه الامريكيه توصى ب 5W-30 لمنطقه الشرق الاوسط
الفيصل فى الموضوع ده .. اللزوجات المسموح بها الكتالوج
اللينك ده من موبيل بيوضح الزيت المناسب لتيوتااقتباس:
المشاركة الأصلية كتبت بواسطة tasaka
Which oil for your car? | Mobil 1™ Egypt
اللينك ده من موبيل بيوضح الزيت المناسب لتويوتااقتباس:
المشاركة الأصلية كتبت بواسطة tasaka
Which oil for your car? | Mobil 1™ Egypt
وطبعا التوكيل معندوش غير نوع واحد يستخدم لجميع الموديلات وهو 5w50
وده اكيد مش صح.
لا .. مكتوب لبعض انواع تويوتا ..اقتباس:
المشاركة الأصلية كتبت بواسطة moosaleh
الفيصل فى الموضوع ده .. اللزوجات المسموح بها الكتالوج عندك
اقتباس:
المشاركة الأصلية كتبت بواسطة svneleven
فيه فرق كبير بين التبخير وبين الاستهلاك
التبخير أو الـEvaporation هو تحول المادة السائلة إلى بخار (Vapour) عند ارتفاع درجة الحرارة.. والحالة دي فعليا ما بتحصلش في درجات الحرارة المعتادة في الموتور (اللي بتبقى في حدود 100 مئوية تقريبا خارج حجرة الاحتراق).. لإن أغلب الزيوت بتتبخر عند درجات حرارة ابتداء من 200 مئوية تقريبا .. وتختلف الدرجة دي حسب لزوجة الزيت
دي نفس فكرة بخار الزيت اللي بيتبخر مع قلي البطاطس مثلا.
إنما اللي بيحصل فعليا في الموتور هو تحول الزيت إلى رذاذ (Spray) نتيجة طريقة التزييت في أجزاء كتير في الموتور بالإضافة إلى إن الأجزاء دي نفسها متحركة بسرعة عالية وبتنطر الزيت من عليها.
الموضوع أشبه بفكرة رذاذ المية اللي بيطلع من البخاخة اللي بيستخدمها الحلاق مثلا... مع الفارق طبعا.
بس في جميع الأحوال... الزيت مش هينقص إلا إذا كان فيه مكان يخرج منه "بخار" أو "رذاذ" الزيت..
تخيل مثلا لما تحط إزازة مية مقفولة في الشمس.. وتيجي بعد شوية تلاقيها مبخرة على الإزازة من جوه... هل المية نقصت؟؟؟
لا يمكن .. لإنها مقفولة كويس.
أمال النقص ده إسمه إيه؟؟
ده بيسموه استهلاك الزيت (Oil Consumption)
وبيبقى باختصار إن رذاذ الزيت بيتسحب إلى خارج الموتور من خلال فتحة النفس اللي بيبقى عليها صمام الـPCV (أو بلف السايكون بلغة الصنايعية).. وبالتالي رذاذ الزيت بيدخل تاني لحجرة الاحتراق مع خليط الوقود ويخرج مع العادم.
طبعا بالإضافة إلى بواقي الزيت اللي بتفضل على الجدران الداخلية للسلندر .
فيه تفاصيل أكتر عن الموضوع ده هنا:
http://www.nilemotors.net/Nile/418186-a.html
...
توكيل هوندا الكويت بيحط ٥-٣٠ كاسترول ف موضوع الحر والجو مالوش دور هنا اكيد
زيت موبيل فورمولا وان ٥-٣٠ اه بس مش نفس متطلبات الموتور ازي ولو دخلت علي موقع موبيل امريكا حيديك زيت تاني ٥-٣٠ برده واللي
المشابه ليه هما نوعين في مصر تقريبا
وولفر سوبر تك ٥-٣٠
بيزول باسيفيك api sn/ IlsaG3/4 ٥-٣٠
وده حطيته وماشي بيه ٥٠٠٠ والأداء اتحسن جدا بالذات عن موبيل وان ٥-٥٠ والله أعلم
حقيقى مفتقدين العضو الفاضل borio1704استشاري الزيوت في المنتدي .. و ردوده التعليميه المفيده جدا
شكرا علي الأفاده والمعلومات القيمه بس كده الموضوع مش بسيط لأن كده مفيش زيت مشهور في مصر ينفع لموتور الكورولا طبعا وذلك من موديل 2009 الجنوب افريقي وحتي موديل 2015 التركي لأنهم موتور واحد يعني ولا موبيل ولا شيل ولا توتال وطبعا دول المعتمدين في مصر من حيث السمعه والأنتشار يعني انا مثلا من اسكندريه هجيب زيت بيزول باسيفيك من فين وانا معنديش استعداد اشتري زيت من محل عادي لبيع الزيوت لان عندهم اوقات كتير بيبقي منتهي الصلاحيه او معاد تعبئته لازم هجيب من مكان مضمون طب ايه العمل :b4_592:اقتباس:
المشاركة الأصلية كتبت بواسطة sonaeg
اقتباس:
المشاركة الأصلية كتبت بواسطة moosaleh
العمل إنك ترجع للكتالوج زي ما قاللك كل الزملاء قبل كده.. وتنفذ اللي فيه بالحرف.
وماتقولليش مش لاقي الزيت المناسب.. مؤكد هتلاقي...
أهم حاجة.. دور على المواصفات قبل ما تدور عالماركة والشهرة...
امسك علبة الزيت ( أي علبة ) وشوف مواصفاتها زي الكتالوج ولا ﻷ.. حتى لو لقيت إن الزيت المناسب من ماركة "التعاون" اشتريه ما دام مناسب ومواصفاته زي الكتالوج.
ولو لقيت أكتر من ماركة زيت بنفس المواصفات ابقى دور على السهل تشتريه.
ما لكش حجة يا باشا.
...
اقتباس:
المشاركة الأصلية كتبت بواسطة tasaka
الله يكرمك يا tasaka باشا... والله أنا مشغول اليومين دول فعلا ويادوب بدخل أتابع.. ولو فيه ردود سريعة برد
حتى والله فيه موضوع بتاع أخونا عبدالله برعي مش عارف أرد عليه لحد دلوقتي علشان محتاج شوية مراجعة وتأكيد للمعلومات
ادعيلي أفوق من شوية اليومين الجايين :)
...
ربنا يسهل الامور على احسن حال .. بأذن اللهاقتباس:
المشاركة الأصلية كتبت بواسطة borio1704
شكرا لكل من شارك في هذا الموضوع والنتيجه انني بحثت اكتر في الموضوع بعد قراءة الكتالوج والاطلاع علي موقع موبيل _1 استفدت بالمعلومات الاتيه:
1- زيت موبيل _1 (5w-30) هو المناسب لمواتير تويوتا (1zr-fe) للكورولا 1600cc يعني سيارات الوكيل من 2008 حتي 2015 وذلك طبقا لموقع موبيل -1.
2- يفضل استخدام زيت (5w-50) في ظروف الخدمه الشاقه للسياره يعني سرعات عاليه وتحميل وذلك فقط لأن معدل استهلاكه اقل وليس لقدرة التزييت الاعلي او معدل التأكل الاقل للموتور.
3- الفرق طبعا اللزوجه الأقل بتدي استهلاك بنزين اقل وبتزود سهوله حركه اجزاء الموتور يعني هيحسسك ان العربيه استجابتها احسن وانعم شويه .
4-لو بتستخدم لزوجه اقل مطلوب منك بس متابعه مقاس الزيت لو ظروف القياده خدمه شاقه يعني ممكن تحتاج تزود زيت علي فترات حسب استهلاك الزيت.
اقتباس:
المشاركة الأصلية كتبت بواسطة moosaleh
الله ينور :Ta_clap[1]:
فعلا.. لما بنرجع للكتالوج وللمصادر الموثوقة بنقدر نوصل لمعلومة أكيدة.
:tumb:
...
اتمني ان كل ملاك الكورولا استفادوا من الموضوع المهم ده و اللي انا فهمته كمان ان التوكيل بيستخدم زيت 5w50 اللي هو اعلي لزوجه موجوده لسبب وحيد هو تلافي شكوي الملاك من نقص الزيت الناتج عن الاستهلاك يعني منعا لوجع الدماغ زي ما حصل في توكيل رينو مع الفلوانس الجديده اللي موتورها ياباني.اقتباس:
المشاركة الأصلية كتبت بواسطة borio1704
العفو يافندم الشكر للهاقتباس:
المشاركة الأصلية كتبت بواسطة moosaleh
حسب ماقال الاخ الفاضل birio الكتالوج هو الفيصل
والانسب حسبه هو ٥-٣٠
يكون api sm او اعلي
والاحسن كمان ilsaG 3/4
ودول موجودين في وولفر سوبر تك٥-٣٠ ولهم صفحة عالفيس تعرف موزع لهم معتمد
وبرده بيزول باسيفيك ولهم برده صفحة عالفيس وموزعين معتمدين
وانا راسلت بالفعل بيزول المانيا واكدلي ان الباسيفيك هو الافضل لموتور الكورولا وبعد تعديل خط انتاجهم حيبقي اسمه تيكنولوجي c2
والله اعلم
جميل ..........................