من اسباب السخونه فى الفليشيا

**محمدعبدالحميد** · 01-06-2015 09:44 PM

السلام عليكم اولا.

من اسباب السخونه فى موتور السياره انه عند فك اى خرطوم متعلق بدوره التبريد واعاده تركيبه وربطه مره اخرى تلاحظ ارتفاع درجه حراره موتور السياره عن المعدل العادى لها, والاسباب ان الخراطيم حدث لها نوع من القساوه اى لم تعد مطاطه بمعنى انها ( نشفت ) ومهما تربط عليها بالقفيز يحدث تسريب للمياه غير ملحوظ وغير مرئى لك , التسريب بيكون على هيئه بخار وهذا يتسبب فى ارتفاع درجه حراره الموتور .
لان دوره التبريد تعتمد على الكبس الحرارى والتنفيس يخل بها.

السؤال كيف نمنع هذا التسريب ؟
خصوصا ان الصنايعى بيكون تعب من البحث عن الاسباب ولم يصل لحل او يجعلك تشعر ان موتور السياره انتهى , وقرات كثيرا فى المنتدى عن اشخاص اصابهم اليأس مبكرا ولجأوا الى شراء موتور استيراد او شورت بلوك للاسباب السابقه.
نجرب الاتى:

1- يمكن منع التسريب الغير مرئى عن طريق اضافه ( بلوك سيل ) الى مياه التبريد فى القربه وهو عباره عن عبون لها اشكال متعدده ( كانز- زجاجه بلاستيك ) المهم النتيجه لو هتحتار فى شكلها جرب الاتى.

2- فى حال عدم توافر( البلوك سيل ) الحل سهل قم بإضافه ملعقه كبيره من ( البن ) بتاع القهوه تمام فى القربه وهى فارغه ثم نضيف المياه سواء عاديه او خضراء والمتور فى وضع التشغيل.
ثم اترك الموتور يعمل لمده نصف ساعه ثم تحرك بالسياره مسافه 2-3 كيلومتر على الهادى سرعه بطيئه كما لو كنت بتلين السياره .
جزيئات البن بتعمل عمل البلوك سيل فى انها بتقفل جميع نقاط التسريب خصوصا بعد تغير جوان وش السلندر.
وهذا من واقع تجربتى الشخصيه مع سيارتى ( سكودا كومبى 97 )
ملحوظه ؛ لو الريداتير عندك قديم اكشف عليه الاول هل يوجد فيه ثقب ام لا لان لو فى تنفيس نتيجه ثقب ملهوش اى حل غير انك تغيره ممنوع اللحام لانه غير معمر. وبالتوفيق ان شاء الله.

**sakr_skoda** · 01-06-2015 10:44 PM

المشاركة الأصلية كتبت بواسطة محمدعبدالحميد

السلام عليكم اولا.

من اسباب السخونه فى موتور السياره انه عند فك اى خرطوم متعلق بدوره التبريد واعاده تركيبه وربطه مره اخرى تلاحظ ارتفاع درجه حراره موتور السياره عن المعدل العادى لها, والاسباب ان الخراطيم حدث لها نوع من القساوه اى لم تعد مطاطه بمعنى انها ( نشفت ) ومهما تربط عليها بالقفيز يحدث تسريب للمياه غير ملحوظ وغير مرئى لك , التسريب بيكون على هيئه بخار وهذا يتسبب فى ارتفاع درجه حراره الموتور .
لان دوره التبريد تعتمد على الكبس الحرارى والتنفيس يخل بها.

السؤال كيف نمنع هذا التسريب ؟
خصوصا ان الصنايعى بيكون تعب من البحث عن الاسباب ولم يصل لحل او يجعلك تشعر ان موتور السياره انتهى , وقرات كثيرا فى المنتدى عن اشخاص اصابهم اليأس مبكرا ولجأوا الى شراء موتور استيراد او شورت بلوك للاسباب السابقه.
نجرب الاتى:

1- يمكن منع التسريب الغير مرئى عن طريق اضافه ( بلوك سيل ) الى مياه التبريد فى القربه وهو عباره عن عبون لها اشكال متعدده ( كانز- زجاجه بلاستيك ) المهم النتيجه لو هتحتار فى شكلها جرب الاتى.

2- فى حال عدم توافر( البلوك سيل ) الحل سهل قم بإضافه ملعقه كبيره من ( البن ) بتاع القهوه تمام فى القربه وهى فارغه ثم نضيف المياه سواء عاديه او خضراء والمتور فى وضع التشغيل.
ثم اترك الموتور يعمل لمده نصف ساعه ثم تحرك بالسياره مسافه 2-3 كيلومتر على الهادى سرعه بطيئه كما لو كنت بتلين السياره .
جزيئات البن بتعمل عمل البلوك سيل فى انها بتقفل جميع نقاط التسريب خصوصا بعد تغير جوان وش السلندر.
وهذا من واقع تجربتى الشخصيه مع سيارتى ( سكودا كومبى 97 )
ملحوظه ؛ لو الريداتير عندك قديم اكشف عليه الاول هل يوجد فيه ثقب ام لا لان لو فى تنفيس نتيجه ثقب ملهوش اى حل غير انك تغيره ممنوع اللحام لانه غير معمر. وبالتوفيق ان شاء الله.

الله ينور***

**محمدعبدالحميد** · 04-06-2015 04:12 PM

المشاركة الأصلية كتبت بواسطة sakr_skoda

الله ينور***

ربنا يخليك
والشكر موصل لك
مع تحياتى محمد

**محمدعبدالحميد** · 04-06-2015 04:18 PM

المشاركة الأصلية كتبت بواسطة abo_mazen

طبعا هو مجهود مشكور جدا لصاحب المشاركة بس هو في نقطة بس ..مش البلوك سيل ده لعلاج تنفيس وش السلندر لدورة التبريد ؟؟

وبعدين في سبب كمان من أسباب الحرارة .وده للأسف الناس بتعالجوا وهما مش عارفين أصلا هما حلوا المشكلة إزاي ولا عالجوا إيه ..هو المهم إن المشكلة بتكون إتحلت وخلاص ..السبب ده بيكون خلل في سبيكة البلوك ..على فكره الكلام ده في المحركات ذات البلوك الألومنيوم بس..البلوك الألومنيوم بيكون داخل فيه عناصر تانيه كتير ..زي مثلا التيتانيوم والإنتيمونيا والزهر والمغنسيوم بس بنسب معينة وبتكون الغلبه في النسبة للألمونيوم ..وعشان كده بيطلق عليه كلمة البلوك الألمونيوم..وبينتج في الآخر سبيكة ...السبيكة دي بتكون قوية جدا ..ولها كفاءة أكبر من كفاءة البلوكات الزهر ..من حيث تحمل الصدمات وتحمل الإهتزازات ...إلا إنهم في عالم الفيزياء بيسموا السبيكة دي ..سبيكة غير نقيه ..وده لإن داخل فيها عناصر تانيه كتير ودخول العناصر دي في السبيكة لازم وضروري لضبط إستاتيكية وفيزيائية السبيكة دي ..اللي هي السبيكة الألومنيوم ...مشكلة السبيكة دي بقى إن هي مع تعرضها للحرارة الزائدة لمدد طويلة بسبب حدوث إختلالات في منظومات التبريد مثلا ..أو نتيجة الإستخدام لسنيييييييييين طويلة ..بيحصل إن السبيكة دي بيحصل فيها خلل ..بيؤدي لإنفصال بعض العناصر دي عن بقية السبيكة ...أو بلغة بسيطة كده ..العناصر دي بتشرد مع نفسها كده وبتشتغل من دماغها داخل السبيكة.أو إن العناصر دي ما بتأديش دورها كويس في السبيكة دي ..ومن هنا بقى بتحصل مشكلة الحرارة اللي بتكون دائما غير معلومة السبب ..قريت هنا مشاركات لناس كتييييييييييير بيتكلموا عن إن العربية بتسخن ..رغم إنهم غيروا جوان وش سلندر ووش سلندر وريداتير وغير كل حاجه ..إلا حاجه واحده بس متغيرتش عنده ..اللي هي البلوك ..ورغم إن مفيش كبس عنده من وش السلندر لدورة التبريد ..وعمل كل الإختبارات اللي تثبت إن مفيش كبس من غرف الحريق لدورة التبريد ..ورغم كده ..العربية بتسخن ..وما بيبقاش قدامه حل غير تغيير البلوك ..وقتها بيكون في خلل في السبيكة دي ..وبيكون الحل وقتها إنه يغير المكنه أو البلوك

على فكره ..البلوكات الألومنيوم بقى إتجاه عام في أغلب شركات صناعة السيارات وده لمميزاته الكتيره بالنسبة لشركات صناعة السيارات ..زي مثلا توفيره للوقود وخفة وزنه وقلة الإنبعاثات الضارة وتوليد عزم أكبر بعدد سلندرات أقل ..إلا إن البلوكات الزهر ثبتت كفاءتها على المدى الطويل ..السؤال بقى ..هل تستطيع البلوكات الألومنيوم إثبات كفاءتها وتغطى مميزاتها عيوبها ..؟؟؟على فكره ..في حدود معلوماتي ..من أوائل السيارات في العالم اللي نزلت مصر بمحركات المونيوم هي السوزوكي سويفت والفليشيا ...وإن كان دلوقتي في العربيات ذات المحركات الألمونيوم تم معالجة البلوكات دي ضد الصدأ كمان

__________________

اشكرك على المعلومات الجميله .
موضوع البلوك وعدم صلاحيته هذه مرحله متاخره جدا وغلبا سببها ان صاحب السياره لايلقى لها بالا او اهتمام وبتسخن منه كتير فوصلت للمرحله دى والحاله دى غالبا صاحب السياره بيكون عارف انه مبهدلها.

لكن موضوعى عن سياره حرارتها ترتفع بعد اعمال الصيانه او الاصلاح بشكل عارض .

تحياتى لشخصك الكريم
محمد