سؤال هام . بخصوص لمبات (الزيت - الحساسات - البطاريه)

**waleed_atta** · 02-06-2015 03:58 PM

إلى اهل خبره تويوتا .
اولا سلامى لكل اعصاء المنتدى
ثانيا انا شفت اكتر من موضوع على المنتدى عن لمبات التابلوه
انا عندى استفسار ؟
انا عربيتى تويوتا يارس 2006 ماشيه 175000 ك وفيه كام لمبه يتنور فى التابلوه زى لمبه الزيت ولمبه البطاريه ولميه الحساسات بس اول ما الف مفتاح الكونتكت بينورو ويفضلوا منورين لكن اول ما الف تانى للتشغيل بيطفوا .
هل فيه مشكله فى العربيه كدا ولى لو فضلوا شغالين حتى بعد التشغيل يبقى فيه مشكله حقيقى انا مش عارف ايه الصح وايه الغلط ؟
مع انى بالنسبه للزيت انا لسه مغيره من حوالى شهر بس 10000 ك
والبطاريه العربيه بتدور من اول كونتكت عمرها ما خسعت ابدا !!!!!! انا مش عارف اعمل ايه لكن انا مستنى مهندسين وخبراء المنتدى
ولمبه الحساسات دى بتنور من اول ما اشتريتها لكن لمبه الزيت زالبطاريه دول لسه امر جديد
اسف للإطاله .
ولكم جزيل الشكر

**Abo_Mazen** · 02-06-2015 04:15 PM

المفروض أول حضرتك ما تفتح كونتاكت تلاقي كل اللمض دي نورت ..وأول العربية ما تدور مش هيبقى في غير لمبة واحده بس هي اللي منوره معاك ..اللي هي لمبة فرامل اليد تطفي لما تنزل فرامل اليد...تزيد عليها لمبة حزام الأمان ده لو ليه لمبة ..هتبقى برضه منوره بعد العربية ما دارت لغاية ما تربط الحزام ..تزيد عليها لمبة حرارة الكولانت ..هتفضل منوره أزرق لغاية ما تطفي ..أو ممكن ما تنورش بعد تشغيل العربية ..حسب نظام لمبة الحرارة عندك إيه ..لكن ما دون ذلك زي لمبة الزيت ولمبة الحساسات أو التشيك إنجين لازم يطفوا فور دوران المحرك..خلي بالك ..كل الأوبشن بتاع العربية ما زاد بيزيد ليه لمض في التابلوه عندك ..زي مثلا الإيه بي إس

**waleed_atta** · 02-06-2015 04:34 PM

عزيزى ابومازن .
مش هقدر اشكرك على ردك بالسرعه دى . لكن حقيقى الف شكر
بس انا مش فاهم هل لما ينوروا ويطفوا بعد التشغيل كدا يبقى مفيش مشكله بمعنى انه لو فضوا منورين بعد التشغيل كدا تبقى فيه مشكله .
لكن لما بينوروا واول ما اشغل يطفوا كدا يبقى مفيش مشكله . انا فهمت صح
شكرا مره تانى

**Abo_Mazen** · 02-06-2015 07:16 PM

المشاركة الأصلية كتبت بواسطة waleed_atta

عزيزى ابومازن .
مش هقدر اشكرك على ردك بالسرعه دى . لكن حقيقى الف شكر
بس انا مش فاهم هل لما ينوروا ويطفوا بعد التشغيل كدا يبقى مفيش مشكله بمعنى انه لو فضوا منورين بعد التشغيل كدا تبقى فيه مشكله .
لكن لما بينوروا واول ما اشغل يطفوا كدا يبقى مفيش مشكله . انا فهمت صح
شكرا مره تانى

حضرتك فهمت صح