الموضوع: للمرة الثانية انا و البنك الاهلى و الدولار

] ويقلك اي بلد بره احسن منها ولسه قاعد فيها ومش عايز يمشي , ما تروح لاي بلد بره يا اخي طالما انت مش عجباك وقرفنا معاك..

للأسف ..بعد ما إتفرض علينا الأمر ..عايزينا ننفذ ما آل إليه الأمر ..من بعد المصري ما بقى ملوش قيمة في أي بلد غير الصومال وأوغنده ..عايزنا لما نختار نسيب البلد نروح الصومال وأوغندا ...عشان كده أنا دايما بقول للي بيقول سيب البلد وإمشي وروح أوغندا أو الصومال أو كينيا ..بقوله بعد ما رخصت تمني ..جاي عايزني أبيع نفسي بالسعر اللي إنت حددته وفرضته ؟؟؟....

عشان كده إحنا قاعدين ...لإن إحنا ملناش تمن بره غير في البلاد اللي أرخص مننا ..واللي بيقول نسيب البلد ونروح الصومال أو أوغندا أقوله ..كفاية بقى فرض للأمر الواقع ..شوف كنا فييييييييييين وبقينا فييييييين ؟؟؟!!!!!

المشاركة الأصلية كتبت بواسطة afndina

وحضرتك البلد الاعلي حتديها ايه علشان تديك تأشيرة ؟؟؟
حتدي ايه لبلد زي امريكا لو عشت فيها ؟؟؟
البلاد دي مش بتدي التأشير الا لفعلا ممكن يفيد البلد وتتستفاد منه
فطالما حضرتك مش حتقدر تسافر لانك مش قادر تدي امريكا والدول الاوروبية اي فايدة , يبقي شفلك بلد تعيش فيها متكنش طالبه منك مصلحة , علشان كدا انا قلت للي مش عجبه يروح الصومال ولا اوغنده وبالمناسبة معتقدش انهم حيسمحولك تشتم في بلدهم زي ما انت قاعد بتشتم في مصر هنا .

طيب هي بلدي إدتني إيه أصلا ..إديتني شهاده ؟؟؟...ملهاش أي قيمة في أي جامعة ..شوف ترتيب الجامعات المصرية كام ..إديتني فلوس؟؟ ..من شغلي ..وياريت واخد حقي ..إديتني أمن؟؟ ..طيب راحة بال ؟؟..طيب صحه؟؟ زي أي حد في أي بلد كويسة ..أنا أقولك بقى بلدي إديتني إيه ..وعلى فكره ..اللي بلدي إديتهولي لو حضرتك خدته ..أكيد كان هيبقى ليك موقف آخر ..بلدي إديتني مرض ..أيوه مرض ..أنا مريض بمرض شائع قوي بين المصريين ..وعلى فكره مصر مصنفه بإنها أكبر بلد في نسبة إصابة بالمرض ده ..وده كان بسبب إهمال مستشفى تخضع لإشراف حكومي كامل ..يعني العبد لله لو دكتور جامعه ..يعني ممكن أنفع كتيييييييير وليا أبحاث في كل حته مش هقدر أسافر ..لإني وبمنتهى البساطة من وجهة نظر الدول المحترمة ..مريض ..أو تقدر تقول مش هقدر أسيب البلد وقاعد فيها ..مش بمزاجي ..ده ..غصب عني..تقدر تقولي بلدي عملتلي إيه ؟؟طيب أنا صرفت قد كده على المرض ده وعلى حسابي عشان أقدر أجيب علاج نضيف ما يقضيش عليا بدل ما يعالجني ...تقدر تقولي بلدي عملت لي إيه ؟؟؟ ..ها ...إيه رأيك ؟؟؟...تقدر تقولي بقى أسافر إزاي وأسيبها ؟؟....طيب تقدر تقولي أقدر أرجع أو أرد اللي البلد إدتهولي إزاي ؟؟؟أنا واحد من كذا واحد ..يمكن نصيبي إني أدخل هنا وأتكلم معاك ..بس برضه أنا مش عاوزها تخرب ..مش عشان بحبها ..لأ ..عشان أنا عايش فيها بس ...وما أتمناش ليك إنك تاخد اللي بلدي إديتهولي ..لإنه وحش قوي ..

المشاركة الأصلية كتبت بواسطة afndina

يا استاذي الفاضل كتبت من فترة موضوع عن رفع التصنيف الائتماني لمصر , كل دخل يسودها ويفتي ويهيف من الخبر واللي طبعا عايزين البلد تخرب زي ما انت قلت علشان يقلك شوفوا , مع ان الخبر من اكبر مؤسسة ائتمان وخبر فعلا كويس , لكن تقول ايه لناس عايشه فى البلد وبتشتم فيها ليل نهار ويقلك اي بلد بره احسن منها ولسه قاعد فيها ومش عايز يمشي , ما تروح لاي بلد بره يا اخي طالما انت مش عجباك وقرفنا معاك ,ولا هو لازم تبقي امريكا والدول الاوروبية روح الصومال ولا اوغنده ولا كينيا حتي " مش اي بلد احسن من مصر !!!"


فعلا اتفق معاك في الكلام اللي انا علمت عليه بالاصفر
والبلد مليانه مجانين
مجانين بيطلعوا اشاعات كل يوم علشان البلد تقع ويحصل فوضي
مجانين بيتفهوا من اي حاجة كويسة بتحصل في البلد
مجانين بيمسكوا علي الواحدة لاي غلطه ويضغموا فيها ويعملوا عليها منشتات في كل المواقع
مجانين ليل نهار بيشتموا في مصر
مجانين ...
فعلا هما مجانين دا انسب وصف ليهم
لانهم مفكرين انها لما حتخرب حتخرب علينا بس وهما حيبقوا قاعدين في حته ناشفه

أنا مش هقولك غير ربنا ما يحرقش ليك قلب على قريب أو حبيب غاب عنك ظلم ..مش عايز أفصل أكتر من كده عشان ده مش قسم نقاش سياسي ..بس إنت لو حصلك اللي حصل لناس تانيه أعرفهم ..كنت أكيد هتشتم في أي حاجه ليها علاقه باللي حصل