الموضوع: تخيلوا معايا كده لو كان برنامج باسم يوسف لسه شغال

هجومة على الدعاه و استغلال اى هفوه منهم جرأ بعض الشباب على الدين
هو غير منصف و انا كنت متابعه من ايام حلقات اليوتيوب و حتى حلقة البنت الى اسلمت فى امبابه
كونه مضحك فأى اراجوز ممكن يضحكنا شوية لكن التفاف الناس حوله و شعبيته جعله اداه مهمة لهز الدين فى نفوس الناس
صحيح الشيخ مش هو الدين
و الشيخ مش معصوم
بس فى زمن الجهل بيكون امام الناس الشيخ مثال للتدين و له هيبة خاصة بحكم علمه او مجال عمله
كونى اعمله مسخرة و مادة للاستهزاء فهذا يهز صورة الدين فى انفس العامة
و لو كان المشايخ دول مسخرة -ما محاضراتهم ماليه النت افتحها و اضحك من قلبك عليهم مباشرة بدل ما تسمع من غيرهم عنهم
خد المسخرة من منبعها
فان لم يكونوا كذلك اذن باسم كان يتصيد لهم ما يجعلهم به مسخرة و انت تتفرج علي سخريته منهم لتضحك عليهم حتى لو لم يكونوا يستحقون ذلك
باسم او غيره لن يأتى بالقران ليمزقه امام الكاميرات بل سيمزقه بتمزيق قراء القران فى وقت كانت كل طوائف الشعب تقريبا بتهلس و كان ممكن يعمل عليها اضعاف ما عمله مع الدعاه
و اهتمام الاعلام العالمى و ستيوارت به ليس من فراغ-و الاعلام بيكبر الى عاوز يكبره و يصغر الى عاوز يصغره
كان ممكن باسم يعيش و يموت و يفضل يعمل حلقات على اليوتيوب زى كتير غيره و جمهورة يظل محصورا فى كام الف واحد بيشوف فيديوهاته-فالاهتمام به لم يكن من فراغ
بتوع التوك شو مكروهين و غير مستساغين للجمهور حتى لو الناس بتتفرج عليهم لكن باسم قدر يكسب شعبية و بالتالى هيوصل الفكرة المطلوبه الى العقل الباطن للمتلقى
و باسم راجع
بس فى الوقت المناسب
لو مش راجع لانه اتحرق-بمجرد حاجتهم لباسم جديد هيعملوه و يرفعوه للسما و هيدخل فى نفوس و قلوب نفس جمهور باسم القديم
اذكر تاريخيا ان السلطان العثمانى سليم الثالث و الذى كانت مصر محافظة فى دولته تم قتله بسبب احد الفقهاء---السلطان الذى تولى بعد سليم الثالث اعدم من تسببوا فى قتله الا هذا العالم تقديرا للعلم الشريف الذي يحمله و اكتفى بنفية
السلطان سليم الثالث مش حتة صرصار اراجوز

فين باسم يوسف
فين البرادعي
فين الضباط اصحاب اللحي
فين التدخل الشيعي في مصر
فين الاهرامات اللي حتتباع

كلها ملفات وسيناريوهات وأدوات رخيصة ظهرت فقط أيام الرئيس
وليس لها داعي الآن بعد نجاح مهامهم

طبعا باسم يوسف وحش عشان بينتقد اصنام العجوه بتاع ناس معينه

الراجل اتهددت حياته و سلامته الشخصيه هو و اسرته

و هو لمح لكده فعلا في اللقاء الصحفي الاخير

نعم لسانه طويل و لكن كان بيقول كلمه حق في زمن المطبلاتيه

المشاركة الأصلية كتبت بواسطة rotanamasoud

بمنتهى البساطه مين اللى يقدر يتريق على السيسى فجاب من الاخر يخلع ولا يلبسوله نصيبه ويتسجن ولا يطبلهم انا شايف انه اختار افضل اختيار

جو و باكوس و الش خانه و غيره بيتريق على السيسي و اعتقد باسم يقدر يظبط نفسه اكتر منهم..اقل شيء كان ممكن يخلع و يعمل قناة على اليوتيوب زى ما بدأ
هو كما قيل ادى دور و انتهى
و عندما يحتاجون لباسم سيظهر مره اخرى هو او غيره
و سيحتل نفس المكانه لدى جمهور باسم السابق
ناس عاوزة تضحك و تتمسخر على اى حد و لاى سبب و تحت اى مبرر حتى و لو على انفسهم
المهم الفرفشه