تعبت من كتر اللف ومحتاج اركب عربية فى حدود 45000

**Abo_Mazen** · 06-06-2015 11:45 AM

العربية ليها رزق مع صاحبها ..ممكن ما يكونش ليها رزق ..وممكن يكون ليها رزق ...العربية زي الزوجه ...ممكن ربنا يهديها ليك ..وممكن يعذبك بيها ...كان أحد الصالحين يقول إيه؟؟ ..إني أستشعر رضا الله عني بشيئين ..الزوجه ..والدابة..يعني هو يقصد إنه لو لقيت زوجته ربنا هاديها كده ومروقاه يبقى ده مؤشر عن رضا ربنا ..ولو لقي الدابه بتاعته ربنا هاديها ولما يجي يركبها يلاقيها صاحيه كده وبتجري وسليمه ومش عيانه ..يبقى ده مؤشر برضه لرضى ربنا ..وكان أحد المشايخ على نفس النهج يقول أنا بعرف إن ربنا راضي عني بحاجتين ..زوجتي ..وعربيتي ..كان يقولك لما ألاقي العربية ربنا هاديها كده ومش كل شوية عند الميكانيكي ..أعرف إن ده مؤشر لرضا ربنا ..ليه بقى بقول الكلام ده ..؟؟...لإن أي عربية لو دخلت على جوجل وكتبت مميزات السيارة الفلانيه ..هتلاقي ناس بيقولوا فيها أشعار...وهي هي العربية ..لو كتبت عيوب السيارة الفلانية ..هتلاقي ناس داخله تسب وتلعن في اللي صنعها ..عشان كده خلي المعيار عندك ..إنت عايز إيه من العربية ..؟؟؟تقدر تصرف عليها ولا لأ..؟؟؟

**عبدالله برعى** · 06-06-2015 10:06 PM

الرجاء اتباع قوانين وبنود المنتدي في طرح عنوان يتلاءم مع المحتوي

**احمد فهمى** · 07-06-2015 03:12 AM

فيرنا او اكسنت ده طلبك

**4fun14** · 07-06-2015 02:21 PM

لانوس وش ومتترددش
عيبها الوحيد عندى ان فراملها وحشة "معرفش الباقى كده برضه ولا احسن شوية"
وفى الاكسنت 99 برضه بس انا شخصيا بحب اللانوس..عمرها ما عطلت منى ولا حصل فيها مشكله دوختنى
انما بالسعر ده تشترى فيكترا ولا كورسا والكلام ده يباه انت اللى جبته لنفسك :d