فلوانس / كورولا /أسترا .. بعد طول البحث .. أخيرا قررت

**karimelnagar** · 06-06-2015 02:11 PM

المشاركة الأصلية كتبت بواسطة zangry

الف مبروك .. تعالي علي جروب الفيس بقي :d .. العفشة في الاول بتكون ناشفة شوية بس مع الوقت هتنعم وخصوصا لما تعدي الـ10 تلاف كم

الله يبارك فيك يابوب .. ماتبعتلى لينك الجروب ده بالمره عشان اعرف الاقيكوا :)
ميرسى جدا لذوقك

**karimelnagar** · 06-06-2015 02:25 PM

المشاركة الأصلية كتبت بواسطة eng.mark

الكورولا فتيس cvt برضه زي الفلوانس ... الفلوانس شنطتها أكبر من الكورولا بفرق بسيط جداً ... الكورولا الكنبة الخلفية أوسع من الفلوانس و لو رجعت كرسي السائق للآخر و واحد طويل قعد وراه ركبه مش هتلمس الكرسي لكن كرسي السائق نفسه أضيق من الفلوانس و العكس صحيح في الفلوانس و الراحة أثناء السفر و المسافات الطويلة في صالح الفلوانس إذا كنت السائق و في صالح الكورولا إذا كنت الراكب الخلفي ... التوكيلين محترمين و العربيتين اعتمادية كويسة ... نعومة العفشة في صالح الفلوانس بفرق ملحوظ و الثبات ممتاز في الاتنين ... سحب الاتنين معقول و لكن طلعتهم هم الاتنين بطيئة ... استهلاك البنزين كويس في الاتنين و أعتقد في صالح الكورولا بفرق مش كبير ... لو عايز عفشة ناعمة تريحك هات فلوانس و لو عايز تريح اللي معاك هات كورولا ... الاتنين أمانهم كويس و الفرامل كويسة ... ربنا يوفقك لما فيه الخير إن شاء الله :)

اه انا عارف ان الفتيس واحد بس ليه الفلوانس تحديدا الناس بتحتار فى سواقتها ياريت لو حضرتك فاهم تفهمنى :) .. ومتفق معاك فى الشنطه والراحه فى السفر والتوكيلات والعفشه والثبات والبنزين والامان .. بس اعتقد طلعة الكورولا مش بطيئه .. وده على لسان كذا حد من ملاكها محدش اشتكى من النقطه دى خالص بالعكس مبسوطين
أشكرك على رأيك المحترم وذوقك

**karimelnagar** · 06-06-2015 02:26 PM

المشاركة الأصلية كتبت بواسطة mmsobhi

مبروووووووووووك مقدما..التويوتا والفلوانس من افضل السيارات في الفئه دي

الله يبارك فيك ميرسى لذوقك .. ربنا يبارك للجميع ويحفظهم

**karimelnagar** · 06-06-2015 02:30 PM

المشاركة الأصلية كتبت بواسطة eng.mark

أهلاً بيك يا فندم ... الdurability and long distance travel في صالح الفلوانس و لكن الكورولا مش وحشة برضه و مع ذلك عفشتها ناشفة (رأيي الشخصي) ... ال508 لو دخلت المقارنة هتبقي unfair لأن أقل فئة فيها تتفوق علي أعلي فئة في الفلوانس و الكورولا في كل النقاط من نعومة العفشة للوسع الداخلي لحجم الشنطة للراحة أثناء القيادة حتي لو 500 كم هتنزل مرتاح ... قوة الموتور و التكييف و السحب و الثبات في صالح البيجو طبعاً و ده بسبب الlong wheelbase ... ممكن تتمون 92 عادي بدون قلق و إن كان الrecommended هو ال95 ... البيجو أول فئة حتي لو أغلي كقيمة مقابل سعر أحسن من الكورولا و الفلوانس ... توكيل تويوتا أحسنهم و لكن رينو برضه محترم و بالنسبة لتوكيل بيجو في الشكاوي ضعيف لكن في الصيانات الدورية تمام و بالنسبة لل508 مش هتحتاج التوكيل غير في الصيانات الدورية لأن العربية الحمد لله بدون مشاكل fatal

م مارك متفق معاك يافندم .. وفى رأيى ال508 فئه تانيه مختلفه مينفعش نقارنها بالكورولا والفلوانس .. ال 508 تتقارن بالكامرى والهوندا اكورد وهيونداي سوناتا وكيا اوبتيما ..
وعلى فكره احد اسباب اختيارى للكورولا ان توكيلها فى كايرو فيستفال سيتى فى القاهره الجديده .. يعنى جنبى فى التجمع .. كنت بضرب مشاوير جامده لغبور العبور حاجه تزهق

**ENG.MaRk** · 06-06-2015 04:03 PM

المشاركة الأصلية كتبت بواسطة karimelnagar

اه انا عارف ان الفتيس واحد بس ليه الفلوانس تحديدا الناس بتحتار فى سواقتها ياريت لو حضرتك فاهم تفهمنى :) .. ومتفق معاك فى الشنطه والراحه فى السفر والتوكيلات والعفشه والثبات والبنزين والامان .. بس اعتقد طلعة الكورولا مش بطيئه .. وده على لسان كذا حد من ملاكها محدش اشتكى من النقطه دى خالص بالعكس مبسوطين
أشكرك على رأيك المحترم وذوقك

أنا نسيت أذكر إن طلعة الكورولا بالنسبة للبيجو بطيئة لكن هي كويسة مقارنة بالعربيات اللي في فئتها ... موضوع فتيس الفلوانس مش عامل حيرة لأي حد و أنا أول مرة أسمع الموضوع ده و ملاكها من معارفي بيشكروا فيها ككل عموماً هأتأكد من الموضوع بنفسي و لو عرفت حاجة هأبلغ حضرتك علي طول و أعتقد اللي يقدر يفيدك في الموضوع ده هو أ/هاني سعد منسق قسم رينو :)

**karimelnagar** · 06-06-2015 05:11 PM

المشاركة الأصلية كتبت بواسطة eng.mark

أنا نسيت أذكر إن طلعة الكورولا بالنسبة للبيجو بطيئة لكن هي كويسة مقارنة بالعربيات اللي في فئتها ... موضوع فتيس الفلوانس مش عامل حيرة لأي حد و أنا أول مرة أسمع الموضوع ده و ملاكها من معارفي بيشكروا فيها ككل عموماً هأتأكد من الموضوع بنفسي و لو عرفت حاجة هأبلغ حضرتك علي طول و أعتقد اللي يقدر يفيدك في الموضوع ده هو أ/هاني سعد منسق قسم رينو :)

آه هى طلعتها اكيد اقل من البيجو لأن البيجو فئة اكبر .. بس طلعتها افضل من الفلوانس ده على لسان الى جربوا العربيتين انا لسه مجربتش حاجه طبعا :) .. محدش يكسب فيا ثواب من ملاك الفلوانس او الكورولا ويخلينى اركب معاه ناخد لفه؟ :)
موضوع الفتيس كذا حد اتكلم عنه واعتقد ا هانى سعد نفسه بذل مجهود كبير فى شرحه لعدد من الناس .. ياريت لو متابع كلامنا ده يقول حاجه

**Batman372** · 06-06-2015 06:15 PM

المشاركة الأصلية كتبت بواسطة karimelnagar

آه هى طلعتها اكيد اقل من البيجو لأن البيجو فئة اكبر .. بس طلعتها افضل من الفلوانس ده على لسان الى جربوا العربيتين انا لسه مجربتش حاجه طبعا :) .. محدش يكسب فيا ثواب من ملاك الفلوانس او الكورولا ويخلينى اركب معاه ناخد لفه؟ :)
موضوع الفتيس كذا حد اتكلم عنه واعتقد ا هانى سعد نفسه بذل مجهود كبير فى شرحه لعدد من الناس .. ياريت لو متابع كلامنا ده يقول حاجه

لو على الطلعه فقط ... فالنيسان صنى الشكل القديم ٢٠٠٧ اوتو فتيس ٤ سرعات طلعتها اقوى من الفلوانس و الكورولا المجهزين بال cvt :)
لكن بعد كده مفيش اى وجه للمقارنه بينها و ال cvt فى التجميع و التسارع ... لصالح الفلوانس و الكورولا طبعا ...
الطلعه فى الفلوانس مقبوله جدا و مش بطيئه ... يعنى الطلعه تعتبر قويه لكن اى فتيس اوتو ٤ سرعات طلعته اقوى منها .. ده كل الموضوع ... و بعد كده فى التسارع و التجميع الافضليه لل cvt ...
الكورولا اقوى شويه لان موتورها ١٢٢ حصان .. مقابل الفلوانس ١١٥ ... لكن عزم الفلوانس اعلى شويه ....
كل الى اشترو الفلوانس الجديده كان بمقدورهم شراء الكورولا ... و العكس صحيح ...
ال ٥٠٨ دى فئه اعلى و افضل فى كل شئ .. و الى ميزانيته تقدر عليها ... يخلص فيها بدون اى تردد :)
اخيرا نصيحتى لك ... هات للى ترتاح لها اجمالا ..
تحياتى ...

**karimelnagar** · 07-06-2015 04:56 PM

المشاركة الأصلية كتبت بواسطة batman372

لو على الطلعه فقط ... فالنيسان صنى الشكل القديم ٢٠٠٧ اوتو فتيس ٤ سرعات طلعتها اقوى من الفلوانس و الكورولا المجهزين بال cvt :)
لكن بعد كده مفيش اى وجه للمقارنه بينها و ال cvt فى التجميع و التسارع ... لصالح الفلوانس و الكورولا طبعا ...
الطلعه فى الفلوانس مقبوله جدا و مش بطيئه ... يعنى الطلعه تعتبر قويه لكن اى فتيس اوتو ٤ سرعات طلعته اقوى منها .. ده كل الموضوع ... و بعد كده فى التسارع و التجميع الافضليه لل cvt ...
الكورولا اقوى شويه لان موتورها ١٢٢ حصان .. مقابل الفلوانس ١١٥ ... لكن عزم الفلوانس اعلى شويه ....
كل الى اشترو الفلوانس الجديده كان بمقدورهم شراء الكورولا ... و العكس صحيح ...
ال ٥٠٨ دى فئه اعلى و افضل فى كل شئ .. و الى ميزانيته تقدر عليها ... يخلص فيها بدون اى تردد :)
اخيرا نصيحتى لك ... هات للى ترتاح لها اجمالا ..
تحياتى ...

صح كلامك .. اشكرك على مرورك الكريم

**swimmer25** · 07-06-2015 05:30 PM

السيفيك أحسن منهم الإتنين في كل نقاط مقارنتك بس أوبشن أقل شوية والأوبشن اللي ناقص مش فظيع
السيفيك أحسن كمان من البيجو من وجهة نظري في متعة القيادة والراحة لأن البيجو معروف عنها إنها ناشفة في سواقتها وطبعا الإعتمادية في صالح السيفيك
بس طبعا خامات البيجو أفضل وأوبشن أكتر

لو معاك ثمن السيفيك ال vti متترددش لكن من حيث الميزانية الكورولا أفضل لأنها أكثر إعتمادية لكن بالنسبة للراحة مش عارف بصراحة

حاول تجرب العربيتين من ملاكها وأعتقد الفطيم هتلاقي عنده تيست درايف للسيفيك والكورولا..وإسأل على الفلونس في التوكيل عندهم تيست درايف ولا لأ بس روح بنفسك

**swimmer25** · 07-06-2015 05:33 PM

المشاركة الأصلية كتبت بواسطة ENG.MaRk

أهلاً بيك يا فندم ... الDurability and long distance travel في صالح الفلوانس و لكن الكورولا مش وحشة برضه و مع ذلك عفشتها ناشفة (رأيي الشخصي) ... ال508 لو دخلت المقارنة هتبقي unfair لأن أقل فئة فيها تتفوق علي أعلي فئة في الفلوانس و الكورولا في كل النقاط من نعومة العفشة للوسع الداخلي لحجم الشنطة للراحة أثناء القيادة حتي لو 500 كم هتنزل مرتاح ... قوة الموتور و التكييف و السحب و الثبات في صالح البيجو طبعاً و ده بسبب الlong wheelbase ... ممكن تتمون 92 عادي بدون قلق و إن كان الrecommended هو ال95 ... البيجو أول فئة حتي لو أغلي كقيمة مقابل سعر أحسن من الكورولا و الفلوانس ... توكيل تويوتا أحسنهم و لكن رينو برضه محترم و بالنسبة لتوكيل بيجو في الشكاوي ضعيف لكن في الصيانات الدورية تمام و بالنسبة لل508 مش هتحتاج التوكيل غير في الصيانات الدورية لأن العربية الحمد لله بدون مشاكل fatal

عاوز أعرف البيجو صناعة إيه في مصر؟ هي فرنساوي بس على القايم made in ?

الموضوع: فلوانس / كورولا /أسترا .. بعد طول البحث .. أخيرا قررت

LinkBack

أدوات الموضوع

عرض

-

-

-

المواضيع المتشابهه

أخيرا قررت أشتري سوزوكي ماروتى حبيبة الملايين

وشوفتها أخيرا مان تو كار (( فلوانس 2014 ))

أوبل أسترا سيدان 2013 أم تويوتا كورولا 2013 أم رينو فلوانس 2013

أخيرا قررت اشترى نيسان بأذن الله تعالي

و أخيرا قررت أجيب cerato و محتاج رأيكم في كام حاجه

الكلمات الدلالية لهذا الموضوع

المفضلات

المفضلات

ضوابط المشاركة