نيسان صني 2015 ولا لانسر شارك 2015

**scientist9508** · 09-06-2015 12:31 AM

شارك او سياز

**noureldinhasan** · 11-06-2015 10:09 PM

المشاركة الأصلية كتبت بواسطة scientist9508

شارك او سياز

سياز ايه بس للدرجادي مابتحبش الصني ؟

**simon659** · 13-06-2015 09:10 AM

لو سقت الصني وسقت الشارك هتحس عيب طبعا انك تقارن المنجو بالدوم ..........
طبعا الشارك

**Abo_Mazen** · 13-06-2015 09:33 AM

المشاركة الأصلية كتبت بواسطة noureldinhasan

سياز ايه بس للدرجادي مابتحبش الصني ؟

لأ هو للدرجه بيحب السياز ..بس هي السياز مالها ..إيه عيوبها يعني من وجهة نظر حضرتك ؟؟؟

**Honda medany** · 13-06-2015 06:32 PM

نصيحه بلاش الصني خالص انا كنت حاجزها وقابلت واحد بالصدفه قالي بلاش العربيع دي فيها مشاكل كتيره وزي البطيخه يعني عربيه وعربيه قمة الهبل

**noureldinhasan** · 14-06-2015 02:35 AM

المشاركة الأصلية كتبت بواسطة abo_mazen

لأ هو للدرجه بيحب السياز ..بس هي السياز مالها ..إيه عيوبها يعني من وجهة نظر حضرتك ؟؟؟

مش مسألة عيوب و السياز لسه جديدة ماتجربتش عشان حد يعرف يحكم عليها كويس بس في الاخر هي عربية عادية جدا و كمان أيا كان ماينفعش النيسان صني بعراقة اسم النيسان و اسم الصني و حجم الانتشار في العالم كله بما فيه أمريكا ماينفعش تتقارن بالسوزوكي ماروتي سياز الجديدة اللي مش بتتصنع غير في الهند و أسواقها محدودة جدا في بعض الدول النامية كمان مش كلها

**noureldinhasan** · 14-06-2015 02:58 AM

المشاركة الأصلية كتبت بواسطة simon659

لو سقت الصني وسقت الشارك هتحس عيب طبعا انك تقارن المنجو بالدوم ..........
طبعا الشارك

انا طبعا متأكد ان الشارك أفضل في السواقة و ان موتورها و فتيسها و عفشتها احسن بس اكيد مش هاتبقي زي اللانسر بتاعة برة اللي بتنزل بمواتير 2000 و 2400 cc و 4×4 بس المسألة في الاخر حكاية قيمة بالنسبة للسعر و كمان بالنسبالي انا عاوز وكيل اعتمد عليه و اريح دماغي مش اعد ألف و اسأل علي مراكز صيانة المتسوبيشي اللي كلهم مش معتمدين و حاجة فهلوة كدة و الكماليات اللي مش أصلية اللي بتتحط في عربية زيرو ،انا عن نفسي عاجباني الشارك شكلا و أساسيات عربية و ده بالنسيالي اختيار القلب و ده متعارض مع الحسابات العقلية ان النيسان أفضل كقيمة بالنسبة للسعر-أرخص ب25 ألف عن فئة الشارك اللي فيها كماليات متقاربة او اقل من السوبر صالون و وكيل يعتمد عليه الي حد كبير غير الهيصة اللي في المتسوبيشي و قطع غيار و صيانة أرخص نسبيا و كمان انا من النوع اللي سواقته هادية و متحفظة فمش عارف هل هاحس بفرق بين قيادة الاتنين ولا لا ، علي فكرة أنا يوم بقول خلاص حسمت قراري هي النيسان و تاني يوم بقول قراري محسوم طبعا الشارك متهيألي مش هاحسم قراري كويس غير يوم دفع الفلوس :)

**د.هشام** · 14-06-2015 12:26 PM

العربيتين صفقة جيدة، الموضوع مش مستاهل لخبطة ، لو ميزانيتك 115 الف هات الصني، لوتقدر تزود 25 الف أو اكتر هات الشارك

**Omar2017** · 14-06-2015 01:46 PM

المشاركة الأصلية كتبت بواسطة noureldinhasan

مش مسألة عيوب و السياز لسه جديدة ماتجربتش عشان حد يعرف يحكم عليها كويس بس في الاخر هي عربية عادية جدا و كمان أيا كان ماينفعش النيسان صني بعراقة اسم النيسان و اسم الصني و حجم الانتشار في العالم كله بما فيه أمريكا ماينفعش تتقارن بالسوزوكي ماروتي سياز الجديدة اللي مش بتتصنع غير في الهند و أسواقها محدودة جدا في بعض الدول النامية كمان مش كلها

يعني هي الصني اللي بتتصنع في اليابان ما هي بردة هندي

**Abo_Mazen** · 14-06-2015 02:31 PM

المشاركة الأصلية كتبت بواسطة omar2017

يعني هي الصني اللي بتتصنع في اليابان ما هي بردة هندي

ما أنا كنت لسه هقوله كده والله ..بس حضرتك سبقتني ..فعلا ..حضرتك بتتكلم عن الصني كأنها بتتصنع في اليابان ..الصني بتتصنع في مصر ..يعني الهندي أحسن منها ..تصدق بقى