المقارنة دي عشان العربيتين في الفئة السعرية قريبين نسبيا و ان كانت اللانسر أغلي المقارنة مابين صني سوبر صالون أو شارك أول فئة فيها abs الصني تقريبا ب 127 و اللانسر مابين 135 - 145 أهم مميزات النيسان بالنسبالي ان صالونها واسع جدا اوسع من الشارك طبعا و شنطتها كمان كبيرة و كماليات أكتر بكتير و وكيلها نسبيا كويس و مابينزلش منها غير عربيات الوكيل بس مفيش مصدر تاني و سعرها أرخص طبعا بس شكلها بالنسبالي مش أوي خصوصا من جوة بالنسبة للشارك شكلها بالنسبالي أحلي كتير من برة و جوة حتي و ان كان من 2008 بس برضو عاجبني و واضح من كلام كل الناس ان ادائها في السواقة أفضل و ثباتها كويس و دي حاجة ممتازة بس عيوبها بالنسبالي أولا اللبخ الجامد في فئاتها ما بين وكيل و خليجي و شرق أوسط و كماليات مضروبة مش أصلي و الوكيل أي كلام و الناس التانية غير الوكيل عندهم صيانة بس مش ضمان حقيقي بتاع أي وكيل محترم انه لو العربية فيها حاجة تتغير علي حساب الوكيل بجد و كمان العزل الوحش بتاعها و ان كان في فئات يقولك فيها عازل صوت و حرارة معرفش مدي فاعليتهم في الواقع ايه و كمان ان العربية اساسا بتاخد بنزين 95 بس ماحدش طبعا هايستخدم غير 92 و ده اكيد بيأثر علي الصوت و الاداء و عمر الموتور و كمان حاجة مهمة جدا ماعرفهاش هو تكييف الصني أقوي ولا الشارك..هي دي النقط اللي بفكر فيها لا سعر اعادة بيع بقي ولا الشكل قديم أو جديد أو كدة اه و كمان حكاية فرامل النيسان اللي هي العيب الاساسي اللي كانو بيتكلموا عليه انا قتلت الحكاية دي بحثا و لقيت ان الشكاوي اساسا من صوت صفارة في الفرامل لكن هي كاداء كويسة و حكاية الصفارة موجودة في أغلب الأوتوماتيك بس بنسب متفاوتة و ان كانو بيقولو ان منظومة الفرامل كلها اتغيرت في الفيس لفت لكن ماعرفش مدي مصداقية الكلام ده لكن الايجابي اني ماسمعتش عيوب تخص الموتور و الفتيس للعربيتين و دي حاجة ايجابية..افيدونا بقي يا أهل الخبرة