عايز رأيكم مين في التلاته في الشكل والاداء الرياضي خاصة
Dodge dart 1.4 turbo
Opel astra GTC 1.4 turbo
Mazda 3 1.6 not skyline
برضه احب اعرف لو في مشاكل متعلقه باي عربيه من التلاته صيانات او توكيل حد فيهم .. افيدوني
عرض للطباعة
عايز رأيكم مين في التلاته في الشكل والاداء الرياضي خاصة
Dodge dart 1.4 turbo
Opel astra GTC 1.4 turbo
Mazda 3 1.6 not skyline
برضه احب اعرف لو في مشاكل متعلقه باي عربيه من التلاته صيانات او توكيل حد فيهم .. افيدوني
دارت كماليات كويسة و موتور قوي ... أحسنهم سحب و ثبات ... المازدا موتور ضعيف و لكن كماليات تبهر و الأسترا عربية ممتازة لكن توكيلها مش كويس ... لو مكان حضرتك هأجيب دارت و ممكن أفكر في سيتروين ds4 لأنها عربية تحفة سحب و ثبات وهم و كماليات تحفة و هتحس بتميز و انت راكبها
من وجهة نظري ال gtc احلاهم شكلا من وجهة نظري
الدارت اقواهم و واسعة
الستروين عربية تحفة بس مشفتهاش يعتبر
اعتقد اداء مقابل سعر gtc
وتتميز عنهم بان العربيه هاتش باك و قطع غيارها اصلي واستيراد موجوده
العربيه متجربه بقالها تقريبا 3 سنين مفيهاش مشاكل
واستخير قبل اي حاجه
كمعلومة فقط دودج دارت دي مش امريكية خالصة مكنتها فيات و بتنزل فى دول اخرى باسم فيات فياجيو
فانت حتاخد الاداء الاقتصادي من فيات و سعر قطع غيار و صيانات الامريكي (تركيبة ولا ليها اى لزمة من وجهة نظري )
(هى ممكن تبقى للامريكان اقتصادية لكن فى مصر مهياش اقتصادية )
فبلاش دارت
اوبل ممتازة ولا غبار عليها و كذلك مازدا
و لكن مازدا بتتفوق فى نقطتين
1- الافضل فى اعادة البيع
2- مازدا مهياش skyactiv علشان تشتغل بنزين 92 مستريح جدا
عكس الاوبل حتحتاج بنزين 95 علشان تحافظ على عمر الموتور و تاخد افضل اداء ممكن
مازدا افضلهم كسيارة عملية
و اذا كان على الاداء الرياضي يبقى اوبل و فول 95 ..... و الاختيار لك
دارت ايه و بتاع ايه بس
اينعم ممكن نتكلم كتير عن كفاءة ال powertrain لكن ف حاجات كتير تانية اهم
زى مثلا انك متبقاش مربوط بالتوكيل ودى نقطة ليها وزنها دا غير ان اصلا سعرها غبى
و سيبك برضه من المازدا بالموتور و الفتيس (4 سرعات) التعبانين دول
الاسترا ال GTC مش مبهرة خصوصا ان اللى اتفرجت عليها كانت نازله بطاسات ,,اتقفلت منها الصراحة
عموما بالنسبة لاستفسارك ,,
الشكل , ازواق طبعا و رأى الشخصى ان الاسترا اشيكهم لو اتجنطت اما الاداء الرياضى ,, الدارت تكسب
سيتروين ds5 برضه عربية تحفة كشكل و كماليات و سحب و ثبات و التوكيل بتاعها مهتم بيها ... اتفرج عليها هتعجبك جداً و ربنا يوفقك لما فيه الخير إن شاء الله :)
و ممكن كمان تشوف الألفا روميو Giulietta
بتمن الستروين اجيب بي ام .. بس انا شايف ان الاتنين مبالغ ف سعرهم أوي أوي ..
بنتكلم ف اقصي سعر ٢٥٠ مثلاً .. عايز عربيه اداء رياضي في المقام الاول ومريحه وفيها رفاهيات برضه
المازدا كسبانه معايا كل الحسابات دلوقتي .. علي الرغم من انها اقل من الاتنين التانيين في العزم والاداء .. الا انها اوسعهم واكبرهم واكترهم ثبات واكتر توكيل مقبول فيهم وصيانتها جمبي وبنزين ٩٢ علي رأي استاذنا الفاضل فوق وشكلها تحفه من برا ومن جوا وموجوده هاتش باك ..
انا بس قافلني منها المكنه القديمه وحوار ٤ سرعات دا ..
لو في اختيارات تانيه احب اسمع منكم برضه
قالولي كتير ابعد عن السيراتو .. بس عايز اسال برضه هوا السيراتو الجديده نزل منها كوبيه زي القديمه ؟