فشل نظرية الامانة في صاحب الدكانة

**accord** · 09-06-2015 12:31 AM

الواحد طول عمره بيفضل التعامل مع اماكن ومحلات معينة بحجة الثقة والامانة ولما حد يسالني بنصح على طول بالمكان ده سواء كان محل ملابس مثلا او ادوات كهربائية .. الخ، المهم اكتشفت اني كنت غلطان او طيب النية لما عرفت ان محل الكهرباء اللي بشتري منه معظم الادوات والاجهزة الكهربائية بيعمل عليا مصلحة محترمة لما قارنت اخر فاتورة باسعار مكان تاني (يعوض علينا ربنا)، المهم انصحكم ونفسي بعدم الثقة المطلقة واعتبار نفسك صاحب مكان خاصة في المحلات الصغيرة لانك هتاخد المقلب المتين وهيتعمل عليك مصلحة، اسأل ودور في اكتر من مكان وشوف السعر المناسب ليك لان بعض التجار لما يحس انك وثقت فيه بيستغل ده اسوء استغلال وربنا يصلح الاحوال

**accord** · 09-06-2015 01:50 AM

بالمناسبة الجروبين دول كويسين جدا

https://www.facebook.com/groups/Dont...ref=ts&fref=ts

https://www.facebook.com/groups/Dont...vices/?fref=ts

**graffittiii** · 09-06-2015 01:55 AM

يمكن إختلاف أنواع ماهو كل حاجة في منها نفس الشكل بس مضروب أو بلد المنشأ مختلف مثلا .

**accord** · 09-06-2015 01:59 AM

والله يا استاذ graffittiii نفس الشكل والموديل وكل التفاصيل

**أبو آسر** · 09-06-2015 04:34 AM

بتحصل كتيييير للاسف
وفي ناس بمجرد ما تبقى زبونها المستديم مش يكرموك بقى ؟ لا دول بيزودوا عليك ويشتغلوك علشان ضامنين انك مش هتدور وراهم ومش هتروح لغيرهم !
منطق مقلوب

**lena jo** · 09-06-2015 07:55 PM

للأسف كلام سليم غالبا .و كمان لو حاجة تركيب . اتعاملنا مع محل الوميتال كبير و ركبنا نوع غالي و ياسلام اول مرة اخر تمام و اتقان و عايز يكسب عميل. للأسف تاني مرة مع نفس المحل ركبلنا في مكان تاني كان بيسرب التراب و غير المرة الأولي و نكلمة يوعد انه هيبعت حد و مفيش ، زي كده فوت علينا بكرة. خرجنا بحكمة ان اللي تتعامل معه مرة متتعاملش معاة تاني بالمرة. للاسف عشان كدة معنديش امل ان حال البلد يتصلح طول ما فيه الفكر الاستغلالي و قلة الضمير .

**homme49** · 10-06-2015 12:23 AM

المشاركة الأصلية كتبت بواسطة accord

الواحد طول عمره بيفضل التعامل مع اماكن ومحلات معينة بحجة الثقة والامانة ولما حد يسالني بنصح على طول بالمكان ده سواء كان محل ملابس مثلا او ادوات كهربائية .. الخ، المهم اكتشفت اني كنت غلطان او طيب النية لما عرفت ان محل الكهرباء اللي بشتري منه معظم الادوات والاجهزة الكهربائية بيعمل عليا مصلحة محترمة لما قارنت اخر فاتورة باسعار مكان تاني (يعوض علينا ربنا)، المهم انصحكم ونفسي بعدم الثقة المطلقة واعتبار نفسك صاحب مكان خاصة في المحلات الصغيرة لانك هتاخد المقلب المتين وهيتعمل عليك مصلحة، اسأل ودور في اكتر من مكان وشوف السعر المناسب ليك لان بعض التجار لما يحس انك وثقت فيه بيستغل ده اسوء استغلال وربنا يصلح الاحوال

مش بس المحلات = ايضا الصنايعية

و على رأى المثل الشعبى

اللحمة ليه مشغته ؟
اصل الجزار معرفة .

**accord** · 10-06-2015 01:38 AM

المشاركة الأصلية كتبت بواسطة أبو آسر

بتحصل كتيييير للاسف
وفي ناس بمجرد ما تبقى زبونها المستديم مش يكرموك بقى ؟ لا دول بيزودوا عليك ويشتغلوك علشان ضامنين انك مش هتدور وراهم ومش هتروح لغيرهم !
منطق مقلوب

ايوة بالظبط حتة انك مش هتدور وراهم وجو الثقة ده بيخليهم يستهبلوا ويزودوا نسبة على كل بند لو الفاتورة فيها كذا حاجة وليشرب الزبون المغفل طالما سلم دقنه لعالم متخافش ربنا

**accord** · 10-06-2015 01:39 AM

المشاركة الأصلية كتبت بواسطة abdulkhaleq

ايوه ايوه الابتسامه اللي بيقابلك بيها والمواضيع اللي بيفتحها
وبالتالي انت تقول انفع الغلبان
لو سلمت على مصري تعد صوابعك
عايز اقوللك ان الكشك اللي بنشتري منه بقالنا 10 سنين
بيبيع للي بيدخنوا مننا سجاير مضروبه
وهو عارف
بيحسب المجموع ويزود 2 او 3 جنيه اما ناخد منه حاجات كتيره
طبعا عرفنا ده متأخر بس الحمد لله عالأقل نيتنا معاه كانت خير

ده حتى في الهايبرات لو حد جرب يراجع مشترواته هيلاقي فرق ما بين السعر المعلن والسعر الحقيقي ولو رجعت هيقولك خطأ في السيستم او غلطة معرفش ايه، المفروض كل واحد يراجع حاجته ويحسب فاتورته قبل ما يدفع لا هو عيب ولا حرام

-

الموضوع: فشل نظرية الامانة في صاحب الدكانة

LinkBack

أدوات الموضوع

عرض

-

-

-

المواضيع المتشابهه

قضايا ايصالات الامانة

ارجوا المساعده من أهل الخبرة و الامانة

توكيل مصر الجديدة وايصال الامانة

للى خانوا الامانة

الدخول تحت اسم مستعار علي انه صاحب سيارة وهو صاحب محل

الكلمات الدلالية لهذا الموضوع

المفضلات

المفضلات

ضوابط المشاركة