افيدوني في نصائح لمشتري جديد لللانسرشارك

**bassembbb** · 09-06-2015 03:14 AM

السلام عليكم ,

أنا طالب في كلية طب , وبإذن ربنا هاغير عربيتي الاكسيل 96 وأبقى شاركاوي جديد معاكم إن شاء الله :)

أنا واقف دلوقتي امام كذا سؤال ومفيش أي حد هيفيدني غيركم ..

1- أنا امام يا Diamond Motors M66 اللي هي الفئة الجديدة اللي فيها فتحة سقف واير باج واحد و طارة جلد ومالتي و فتيس جلد برده بـ 147 ألف

أو أشتري خليجي بـنفس التمن تقريبا وكماليات أكتر نسبيا , بس بدون ضمان , والضامن الله طبعا , وده حاجة مخوفاني شوية , وناس قالتلي مفهاش مشاكل ولا حاجة , وناس قالت اشتري ضمان 3a و ناس قالتلي الكماليات ده صيني وحاجات كده..اصدق مين ؟ واكشف إزاي على الكماليات لو هاجي أشتري خليجي ؟
وانهي اضمن موزع ؟

2- أنا بعزف مزيكا بقالي أكتر من 12 سنة , احترافيا , فـطبعا المزيكا في العربية ده شيء اساسي لا يتجزأ :D
أنا في العربية اللي معايا ده جبت Sony Bluetooth Head unit with 13' Front speakers and 16' rear speakers

طبعا مستوى معقول جدا بالنسبة لسعرهم وامكانيتهم بس باظوا من التراب الكتير اللي بيخش العربية لسوء العزل فيها :(

المهم , أنا طولت في الكلام في الحتة ده , بس اللي عايز اوصله هو إني مع الأرْبع سماعات اللي راكبين دول , أنا عايز اركب حاجة زيادة من غير ماألعب في الضفيرة ولا أي حاجة في كهربة العربية .. هل ينفع مثلا GM & Subwoofer ? أو بازوكة حتى ؟ و هل دول يخرجوني من الضمان بـأي طريقة ؟

أنا شاكر جدا لكم ومتلهف لاجاباتكم وعارف انكم هتساعدوني ان شاء الله عشان انضم لكم :)

**ENG.MaRk** · 09-06-2015 02:21 PM

الفئة التالتة و كيل فيها 6 سماعات و في حدود الميزانية بس مفيهاش فتحة سقف و أنا أصلاً مش شايف لزمة لفتحة السقف ... انزل عند سمير ريان و اتفرج علي الشارك هناك لأن عنده صف كامل كله شارك و تقريباً عنده كل الفئات وكيل و خليجي و ده هيسهل الأمر عليك كتير في الاختيار ... ممكن تجيب شرق أوسط هاي لاين كمالياتها ممتازة و أعتقد بتيجي بضمان هاي تريد

**Galnaza** · 09-06-2015 03:35 PM

بص يا سيدي، الاول انا للاسف معرفش حاجه عن الساوند سيستم فى العربيه لانى مجرد بسمع بس .. تانى حاجه بالنسبه للخليجي او شرق اوسط و بين الوكيل انا كنت فى نفس حيرتك دى من 3 اسابيع بظبط و حتى طرحت الموضوع هنا على الموقع و الحقيقه الناس هنا متاخروش و كل واحد ادانى نصيحته .. انا فى رائي البسيط موضوع خليجي ده كويس و كل حاجه بس صدقنى لو حصل اى حاجه كبيره لعربيه (بعد الشر طبعا) الضمان بتاعتها مش هينفعك ف خليك احسن فى التوكيل و اهوه على الاقل تبقى عارف راسك من رجليك .. بالنسبه للفئه الوكيل اللى انت بتتكلم عليها انا شوفتها فعلا و شكلها حلو بس لو انت فعلا مش محتاجهم وفر فلوسك احسن و هات فئه اقل و معتقدش انها هتفرق كتير عن التانيه او التالته .. انهارده ان شاء الله هنزل موضوع عن تجربيتى عن العربيه فئه تانيه وكيل عشان انا لسه شاريها من كام يوم و ارجو انى اكون ساعدتك :)

**bassembbb** · 09-06-2015 06:58 PM

المشاركة الأصلية كتبت بواسطة eng.mark

الفئة التالتة و كيل فيها 6 سماعات و في حدود الميزانية بس مفيهاش فتحة سقف و أنا أصلاً مش شايف لزمة لفتحة السقف ... انزل عند سمير ريان و اتفرج علي الشارك هناك لأن عنده صف كامل كله شارك و تقريباً عنده كل الفئات وكيل و خليجي و ده هيسهل الأمر عليك كتير في الاختيار ... ممكن تجيب شرق أوسط هاي لاين كمالياتها ممتازة و أعتقد بتيجي بضمان هاي تريد

تسلم كتير يا غالي علي ردك ، و ان شاء الله اول لما اخلص هانزل الف بقي :)

**bassembbb** · 09-06-2015 07:01 PM

المشاركة الأصلية كتبت بواسطة galnaza

بص يا سيدي، الاول انا للاسف معرفش حاجه عن الساوند سيستم فى العربيه لانى مجرد بسمع بس .. تانى حاجه بالنسبه للخليجي او شرق اوسط و بين الوكيل انا كنت فى نفس حيرتك دى من 3 اسابيع بظبط و حتى طرحت الموضوع هنا على الموقع و الحقيقه الناس هنا متاخروش و كل واحد ادانى نصيحته .. انا فى رائي البسيط موضوع خليجي ده كويس و كل حاجه بس صدقنى لو حصل اى حاجه كبيره لعربيه (بعد الشر طبعا) الضمان بتاعتها مش هينفعك ف خليك احسن فى التوكيل و اهوه على الاقل تبقى عارف راسك من رجليك .. بالنسبه للفئه الوكيل اللى انت بتتكلم عليها انا شوفتها فعلا و شكلها حلو بس لو انت فعلا مش محتاجهم وفر فلوسك احسن و هات فئه اقل و معتقدش انها هتفرق كتير عن التانيه او التالته .. انهارده ان شاء الله هنزل موضوع عن تجربيتى عن العربيه فئه تانيه وكيل عشان انا لسه شاريها من كام يوم و ارجو انى اكون ساعدتك :)

تسلم يا غالي كتير على رأيك وردك , وفي انتظار موضوعك إن شاء الله.

أنا استفساري الزيادة , لو جبت الفئة التانية مثلا , أقدر أزود عليها السماعات اللي أنا بأقول عليها ده من غير ماأطلع من الضمان ولا لأ , وشكرا جزيلا :)