استفسار عن نظام العمل بنصف الاجر

**tito_66** · 09-06-2015 06:58 AM

لو سمحتم انا دكتور بشرى بشتغل فى مستشفى حكومى مركزى و كنت داخل امتحانات ماجستير قريب و سمعت عن موضوع ان الموظف الحكومى ممكن يقدم طلب انه يشتغل بنصف الاجر او ثلث الاجر فهل الكلام ده مازال مطبق و لا اتلغى وهل ليه شروط معينه و ياريت لو حد عمله يقولى انا مفروض اقدم الطلب ده ازاى ؟

و شكرا مقدما للمساعده.

**SoFiMaN** · 09-06-2015 08:26 AM

طبعا مطبق بس السيدات بيستخدموه اكتر بسبب الاطفال عادة
عموما انت بتختار الايام اللي عايز تروحها اما يومين او 3 ايام في طلب محدد المدة من 3 اشهر لسنة وكذلك تاريخ بداية احتساب النصف اجر و يمضي عليه مديرك المباشر و ترفعها لرئيس الجهة اللي انت فيها لو وافق بتتحول لشئون الافراد للتنفيذ

**Dr. Assem** · 09-06-2015 08:53 AM

طبعا موجود و متاح لاي حد بس بشرط موافقة مديرك المباشر لضمان حسن سير العمل. و ده يعتبر نوع من الاجازات و غالبا بيتم التقديم له و التجديد سنويا في مكان عملك.

**4fun14** · 09-06-2015 10:03 AM

حسب المكان اللى بتشتغل فيه
في أماكن تشترط انه للسيدات فقط
نظامه انك تروح أسبوع واسبوع اجازه
او تروح يومين ويومين اجازه-او 3 أيام و 3 اجازه
عاده انت اللى بتختار النظام الاحسنلك
بيتخصم من رصيد اجازاتك النص
وطبعا مرتبك بيباه النص
وبعض الأماكن تضاعف الزمن المطلوب للترقيه
يعنى بدل مانت بتترقى كل سنتين يبقوا كل 4 سنين

**Abo_Mazen** · 09-06-2015 04:04 PM

حسب المكان ..وحسب وكيل الوزارة أو الوزير أو رئيس مجلس الإدارة ..خلاصة الموضوع ..حسب المكان والإدارة ..إسأل عندك وشوف إيه الكلام ..رئيس مجلس إدارة شركة حكومية تابعه للشركة القابضة للنقل البحري ..لما عمل زيارة للشركة رئاسته قال للموظفين بإن الموضوع ده متاح..ولما كانت بتعرض عليه الطلبات اللي بالشكل ده كان بيرفضها ..عادي يعني ..شوف عندك إيه النظام ..