رايى فى الغاز الطبيعى

**meeezo333eg** · 14-11-2008 11:56 PM

تكلفة تحويل الى غاز طبيعى بتبقى حوالى 5000 لو كاش اما لو قسط بيبقى حسب النظام و ممكن توصل لحوالى 6500 لو قسط ثابت و فيه نظام تانى هو انك لما تمون تدفع ضعف تمن الغاز اللى حطيته يعنى لو حاطط ب 5 جنيه تدفع 10 5 للغاز و 5 للقسط و فى الحالة دى تمنه بيوصل لاكتر من 7000 و المشكلة بالنسبة للملاكى انه بيقوللك لازم القسط يخلص مش فاكر فى سنتين او تلاتة و طبعا مع استهلاك الملاكى عمرك ما هتخلص القسط فى السنتين دول و بالتالى تقريبا اما بتكمل بنفس النظام و يزود الفايدة او تكمل كاش او حسب بقى ما هتتفق ساعتها

بالنسبة لمواصفاته التقنية
اولا هو بيحتوى على نسبة عالية من الكبريت اكتر من البنزين و ده عنصر بيقلل من عمر الموتور بس برضه بالنسبة للملاكى مش هتحس بالموضوع قوى اللى بيفرق معاهم التاكسيات نظرا للحركة المستمرة

ثانيا الغاز بطىء فى الاشتعال و ده بيخلى العربية تغيب فى الدوارة الصبح و لازم تكون البطارية و المارش و مجموعة الكهرباء كلها حالتها ممتازة و من الممكن التغلب على المشكلة دى بانك و انت بتركن بالليل تحول الى البنزين من زرار مخصوص هما بيحطوه فى العربية و تستنى لما العربية تحضر بنزين مش هتاخد منك اكتر من دقيقة و اما تنزل الصبح تدور و انت على البنزين هتدور على طول و تسخن بالبنزين و بعدين تقلب غاز و تعيش اليوم كله عادى

ثالثا نتيجة ان الغاز بطىء فى الاشتعال ده بيسبب ان سحب العربية بيقل و ليس السرعة القصوى و لكن التسارع بتاعها بيكون بطىء وطبعا دى مش مشكلة خالص بالنسبة لواحد مش غاوى شد و امركة و مجرد عربية بيقضى بيها مصلحته

رابعا سعر متر الغاز 45 قرش يعنى نص تمن لتر البنزين 80 و ربع تمن بنزين 90 يعنى توفير رهيب مع مراعاة ان متر الغاز هيعمل معاك 1.1 من المسافة اللى بيقطعها لتر البنزين يعنى مثلا عربيتى 125 بولندى بتعمل حوالى 10 كيلو فى لتر البنزين يبقى هتعمل 11 كيلو بمتر الغاز يعنى اروح من مصر لاسكندرية ب 9 جنيه بالغاز

خامسا لو انا معايا فلوس هركبه بغض النظر عن جميع المساوىء لان رخص التمن الرهيب هيضيع اى عيوب

سادسا لو اى حد عايز اى استفسارات عن الموضوع ده انا جارى يبقى مدير فرع شركة الغاز فى طنطا و ممكن اساله على اى حاجة تانية

**SeiffoZ** · 15-11-2008 12:03 AM

المشاركة الأصلية كتبت بواسطة meeezo333eg

تكلفة تحويل الى غاز طبيعى بتبقى حوالى 5000 لو كاش اما لو قسط بيبقى حسب النظام و ممكن توصل لحوالى 6500 لو قسط ثابت و فيه نظام تانى هو انك لما تمون تدفع ضعف تمن الغاز اللى حطيته يعنى لو حاطط ب 5 جنيه تدفع 10 5 للغاز و 5 للقسط و فى الحالة دى تمنه بيوصل لاكتر من 7000 و المشكلة بالنسبة للملاكى انه بيقوللك لازم القسط يخلص مش فاكر فى سنتين او تلاتة و طبعا مع استهلاك الملاكى عمرك ما هتخلص القسط فى السنتين دول و بالتالى تقريبا اما بتكمل بنفس النظام و يزود الفايدة او تكمل كاش او حسب بقى ما هتتفق ساعتها

بالنسبة لمواصفاته التقنية
اولا هو بيحتوى على نسبة عالية من الكبريت اكتر من البنزين و ده عنصر بيقلل من عمر الموتور بس برضه بالنسبة للملاكى مش هتحس بالموضوع قوى اللى بيفرق معاهم التاكسيات نظرا للحركة المستمرة

ثانيا الغاز بطىء فى الاشتعال و ده بيخلى العربية تغيب فى الدوارة الصبح و لازم تكون البطارية و المارش و مجموعة الكهرباء كلها حالتها ممتازة و من الممكن التغلب على المشكلة دى بانك و انت بتركن بالليل تحول الى البنزين من زرار مخصوص هما بيحطوه فى العربية و تستنى لما العربية تحضر بنزين مش هتاخد منك اكتر من دقيقة و اما تنزل الصبح تدور و انت على البنزين هتدور على طول و تسخن بالبنزين و بعدين تقلب غاز و تعيش اليوم كله عادى

ثالثا نتيجة ان الغاز بطىء فى الاشتعال ده بيسبب ان سحب العربية بيقل و ليس السرعة القصوى و لكن التسارع بتاعها بيكون بطىء وطبعا دى مش مشكلة خالص بالنسبة لواحد مش غاوى شد و امركة و مجرد عربية بيقضى بيها مصلحته

رابعا سعر متر الغاز 45 قرش يعنى نص تمن لتر البنزين 80 و ربع تمن بنزين 90 يعنى توفير رهيب مع مراعاة ان متر الغاز هيعمل معاك 1.1 من المسافة اللى بيقطعها لتر البنزين يعنى مثلا عربيتى 125 بولندى بتعمل حوالى 10 كيلو فى لتر البنزين يبقى هتعمل 11 كيلو بمتر الغاز يعنى اروح من مصر لاسكندرية ب 9 جنيه بالغاز

خامسا لو انا معايا فلوس هركبه بغض النظر عن جميع المساوىء لان رخص التمن الرهيب هيضيع اى عيوب

سادسا لو اى حد عايز اى استفسارات عن الموضوع ده انا جارى يبقى مدير فرع شركة الغاز فى طنطا و ممكن اساله على اى حاجة تانية

بس أنا شايف إن الغاز مش متوفر دلوقتى يعنى محطات نعينة بس إلللى بتعمله و ينفع مع العربيات القديمة بس عشان الجديد هيبوظ ..
أظنها فكرة مش عملية

**Qamar** · 15-11-2008 12:07 AM

شكرا للمجهود و الوضوح و الأرقام. ده طلع فعلا موفر جدا. و الميزة انه بيعلى تمن العربيه في بيعها. هو بس التنك بياخد كام متر غاز؟
مستنيين رأى المجربين

**aymansaad** · 15-11-2008 12:29 AM

انا ركبت غاز وندمت لان عربيتى ملاكى واهم العيوب هو انى انتظر حوالى ساعة فى محطات الغازلكى امون

**meeezo333eg** · 15-11-2008 12:36 AM

يا جماعة انا من طنطا و طنطا فيها تقريبا 4 محطات غاز و بعدين انا لو مسافر هيبقى معايا بنزين عشان الغاز لو خلص امشى بالبنزين لحد ما ابقى الاقى محطة غاز
بالنسبة للطوابير دى بتبقى فى اوقات معينة بتاعة ورديات التاكسيات انما انا بعدى على محطات غاز كتير بلاقيها فاضية و زى ما قلت برضه انت معاك بنزين علشان الظروف اللى زى دى و مع الوقت انت هتعرف المواعيد الرايقة ايه و تروح تمون فيها
بالنسبة لسعة التنك فى سعتين واحد 18 متر و الصغير مش فاكر 12 او 15 متر حاجة زى كده
على فكرة جارى مدير فرع شركة الغاز اللى قولتلكوا عليه ده معاه فيرنا و محولها غاز و عادى جدا و قبلها كان معاه شاهين و غاز برضه و مابسمعهاش بتسقف و لا حاجة و رايح جاى بيها و بيوفر من 175 قرش بنزين 90 الى 45 قرش غاز طبيعى

**omar906** · 15-11-2008 01:21 AM

المشاركة الأصلية كتبت بواسطة meeezo333eg

يا جماعة انا من طنطا و طنطا فيها تقريبا 4 محطات غاز و بعدين انا لو مسافر هيبقى معايا بنزين عشان الغاز لو خلص امشى بالبنزين لحد ما ابقى الاقى محطة غاز
بالنسبة للطوابير دى بتبقى فى اوقات معينة بتاعة ورديات التاكسيات انما انا بعدى على محطات غاز كتير بلاقيها فاضية و زى ما قلت برضه انت معاك بنزين علشان الظروف اللى زى دى و مع الوقت انت هتعرف المواعيد الرايقة ايه و تروح تمون فيها
بالنسبة لسعة التنك فى سعتين واحد 18 متر و الصغير مش فاكر 12 او 15 متر حاجة زى كده
على فكرة جارى مدير فرع شركة الغاز اللى قولتلكوا عليه ده معاه فيرنا و محولها غاز و عادى جدا و قبلها كان معاه شاهين و غاز برضه و مابسمعهاش بتسقف و لا حاجة و رايح جاى بيها و بيوفر من 175 قرش بنزين 90 الى 45 قرش غاز طبيعى

ابن حلال انا عاوز اجيب سوبر صالون او جين 2 اوتو او اى سيارة زيرو اوتو فى الراينج ده واستخدمها فى السفر 5 او 6 مرات اسبوعيا بين القاهرة و طنطا رايح جاى

1 ايه افضل سيارة ترشحهالى فى سعر من 90000 الى 110000 زيرو اوتو تنفع مع الغاز

2 الغاز ينفع مع الاوتو

3 اماكن ال4 محطات اللى فى طنطا فين؟؟؟

**bee** · 15-11-2008 02:19 AM

اعتقد اللنك ده هيفيط جدا
http://www.nilemotors.net/Nile/showt...D8%C8%ED%DA%ED

**moh2004** · 15-11-2008 03:01 AM

بصراحة انت استاذ كبير يا
meeezo333eg

**meeezo333eg** · 15-11-2008 03:39 PM

المشاركة الأصلية كتبت بواسطة omar906

ابن حلال انا عاوز اجيب سوبر صالون او جين 2 اوتو او اى سيارة زيرو اوتو فى الراينج ده واستخدمها فى السفر 5 او 6 مرات اسبوعيا بين القاهرة و طنطا رايح جاى

1 ايه افضل سيارة ترشحهالى فى سعر من 90000 الى 110000 زيرو اوتو تنفع مع الغاز

2 الغاز ينفع مع الاوتو

3 اماكن ال4 محطات اللى فى طنطا فين؟؟؟

1- انا بصراحة معجب اوى بال جين تو و ممكن نيو النترا او نيو اكسنت او لانسر بس لازم 1600 طبعا عشان التكييف رينج السعر المتاح معاك كويس اوى و يديك مجموعة اختيارات كويسة اوى
2- بيتهيالى ان الغاز مالوش علاقة بنوع الفتيس بس انا هسالك واحد و ارد عليك علشان ما ابقاش بفتى
3- محطات الغاز فى طنطا محطة فى شارع السجن و محطة فى اول الجلاء و محطة فى اخر الجلاء و محطة على السريع على مدخل طنطا يعنى جنبه مش بعيد اوى و طنطا كلها اصلا صغيرة يعنى لو محطتين اتنين بس هيكفوها بس تجنب اوقات التاكسيات

ربنا يوفقك و مبروك عليك العربية مقدما

**omar906** · 15-11-2008 09:18 PM

المشاركة الأصلية كتبت بواسطة meeezo333eg

1- انا بصراحة معجب اوى بال جين تو و ممكن نيو النترا او نيو اكسنت او لانسر بس لازم 1600 طبعا عشان التكييف رينج السعر المتاح معاك كويس اوى و يديك مجموعة اختيارات كويسة اوى
2- بيتهيالى ان الغاز مالوش علاقة بنوع الفتيس بس انا هسالك واحد و ارد عليك علشان ما ابقاش بفتى
3- محطات الغاز فى طنطا محطة فى شارع السجن و محطة فى اول الجلاء و محطة فى اخر الجلاء و محطة على السريع على مدخل طنطا يعنى جنبه مش بعيد اوى و طنطا كلها اصلا صغيرة يعنى لو محطتين اتنين بس هيكفوها بس تجنب اوقات التاكسيات

ربنا يوفقك و مبروك عليك العربية مقدما

شكرا جزيلا على الاهتمام و فى انتظار ارد على موضوع الفتيس

الموضوع: رايى فى الغاز الطبيعى

LinkBack

أدوات الموضوع

عرض

-

-

-

المواضيع المتشابهه

هيدروجين بدل الغاز الطبيعى

اية رايكم فى استخدام الغاز الطبيعى

الغاز الطبيعى للسيارات مزايا وعيوب

استخدام الغاز الطبيعى كوقود

التحويل إلى الغاز الطبيعى

الكلمات الدلالية لهذا الموضوع

المفضلات

المفضلات

ضوابط المشاركة