مطلوب نصيحتكم فى لادا 2107 موديل 95

**فارس الواحة** · 10-06-2015 10:07 PM

السلام عليكم :
اليوم شفت لادا 2107 موديل 95 تحتاج بعض السمكرة وتحتاج شوية شغل فى الابواب الأكر الباب و اكر الزجاج و الفانوس الامامى الشمال و بطارية
- الميكانيكى ثقة قالى المكنة كويسة والشاسية كويس مش فيه لحامات بس كان فيه عوجان بسيط و معدول
- العفشة محتاجه شوية تظبيط فى حدود 300 والكراسى تحتاج تنجيد و شوية شغل سروجى
- العربية راشة جوا بكرر رشه جوااااا ومن تحت فيها بوتومين الميكانيى قالى ده ينزل تمنها شوية
- الموضوع انتهى الموضوع اننا هنجيب سمكرى يقيم مصاريف العربية و نشوف تمنها بعد كدا
النصيحة بارك الله فيكم :
العربية كدا ممكن تخلص على كام حد اقصى ، الميزه انها من صاحبها مباشرتا بيبيع لظروف مادية مش من تاجر . ؟؟؟؟ انتظر الرد و ياريت تقييم للسعر ولمتوسط المصاريف ؟

**ABO MALEK** · 11-06-2015 12:26 AM

حوالى 13000

**فارس الواحة** · 11-06-2015 02:08 AM

المشاركة الأصلية كتبت بواسطة abo malek

حوالى 13000

مشكور على ردك ، طيب هيا هتصرف كام تقريبا لو شغل السمكرة تلقيط من تحت الابواب فى حتت برومة ، اجمالى الاصلاح اللى قلتها دى تصرف كام كلها ؟
و لو حبيت ابيعها هبيعها على كام ؟
ارجو الرد من اهل الخبرة بالتفصيل وبعدل الله ليا ولصاحبها ؟؟؟؟

**Abo_Mazen** · 11-06-2015 09:14 AM

المشاركة الأصلية كتبت بواسطة فارس الواحة

مشكور على ردك ، طيب هيا هتصرف كام تقريبا لو شغل السمكرة تلقيط من تحت الابواب فى حتت برومة ، اجمالى الاصلاح اللى قلتها دى تصرف كام كلها ؟
و لو حبيت ابيعها هبيعها على كام ؟
ارجو الرد من اهل الخبرة بالتفصيل وبعدل الله ليا ولصاحبها ؟؟؟؟

موضوع الباروما ده بالذات محدش يقدر يقولك هيعمل كام على أرض الواقع الفعلية ..لإنه لما بيفتح أو بيكون في حتت مستخبية ما بتقدرش توقف شغل ولازم تكمل شغلك فيها والعداد بيبقى شغال طبعا بتاع السمكري..بتفكرني بيوم ما كنت رايح أغير البنز بتاع مفصلة الباب عندي (برنوا) وبعد السمكري ما فك الباب وعملت البنز وجاي يركب لقى في بويه كده في القايم بتاع الباب عامله شرخ ..المهم السمكري نقر عليها بالشاكوش الحديد اللي معاه تنقيره خفيفة كده ..طلعت الحته دي مسوسه وفيها بارومة ..قعد ينقر واحده واحده كده طلع القايم كله بارومه من أوله لآخره ..قام باصصلي وقالي إيه طيب ؟؟..قلتله إيه إنت ..إعملها ..هقولك إيه يعني ..هقولك أقفل على المنظر ده ..ومواقف تانيه كتير برضه حصلت معايا ومع ناس أعرفهم ..واحد كان رايح يعمل حتة بارومة في الطبليه من تحت..وكانت في عربيه لادا ..طلعت الطبلية كلها عايزه تتغير أوفر وأسهل ..لإن كلها كانت بايظه من تحت ..فخلي بالك من حتة البارومه دي عشان ممكن هتفتح معاك ..ورأيي أنا بقى الشخصي ..ما تشتريش عربيه وتصرف عليها ..إشتري عربيه واقفه على حيلها ..وفر وقت ووقفه عند الصنايعية وحرقة دم عشان مواعيد الصنايعي مش بيلتزم بيها

**pepo2011** · 11-06-2015 09:34 AM

بالظبط كده العربية فيها شغل كتير كده وهاتاخد مجهود وفلوس كتير
سيبك منها ولو زي مانت بتحكي اسواء الظروف خلصها 10000

**فارس الواحة** · 12-06-2015 03:36 AM

المشاركة الأصلية كتبت بواسطة abo_mazen

موضوع الباروما ده بالذات محدش يقدر يقولك هيعمل كام على أرض الواقع الفعلية ..

معاك حق بس انا عاوز تقييم مبدئى

المشاركة الأصلية كتبت بواسطة pepo2011

بالظبط كده العربية فيها شغل كتير كده وهاتاخد مجهود وفلوس كتير
سيبك منها ولو زي مانت بتحكي اسواء الظروف خلصها 10000

يعنى السعر ده مش هتخسر معايا بعد التظبيط والبيع ؟

**Abo_Mazen** · 12-06-2015 12:59 PM

المشاركة الأصلية كتبت بواسطة فارس الواحة

معاك حق بس انا عاوز تقييم مبدئى

يعنى السعر ده مش هتخسر معايا بعد التظبيط والبيع ؟

ياباشا ما هو التقييم المبدأي مش هيكون واقعي أو مش هيكون حقيقي

الموضوع: مطلوب نصيحتكم فى لادا 2107 موديل 95

LinkBack

أدوات الموضوع

عرض

-

-

-

المواضيع المتشابهه

للبيع لادا 2107 موديل 2007 روسي و مطلوب اكسيل اتوماتيك

مطلوب لادا 2105/ 2107 موديل 94--96-95

مطلوب تسعير لادا 2107 موديل 2005

مطلوب شراء لادا 2107 موديل من 85-90

لادا اخرى للبيع موديل 2107 موديل 2005 للجادين فقط

الكلمات الدلالية لهذا الموضوع

المفضلات

المفضلات

ضوابط المشاركة