الموضوع: مطلوب النصيحة ..هل ارجع مصر ؟

المشاركة الأصلية كتبت بواسطة رحالة

الله ينور عليك يا استاز موحا

وماتنساش كمان غزو الهكسوس والرومان والاسكندر المقدوني

كل دول سرقوا خيرات مصر وعطلوا عجلة التنمية في مصر لالاف السنين

انت وفرت عليا كلام كتير عايز اقوله ......شكرا

المشاركة الأصلية كتبت بواسطة wael30003

ياعم حرام عليك .....ما فيش حد علق على موضوع سياسى ...كله بيقولك الاحوال الاقتصادية .....ما حدش جاب سيرة انتخابات ...على فكرة انا حاليا فى السعودية .....وراجع مصر ...انهاء عقد ....بس راجع ترانزيت ......هدور على عقد تانى ......
والامثلة اللى ضربها لك السادة الاعضاء مثلا
قارن سعر العربية هنا وسعرها فى السعودية
قارن لو عملت حادثة هنا وعملتها فى السعودية ....انا عملت حادثة وعرفت الفرق
شوف عدد سرقات السيارات هنا وعددها فى السعودية
لما تحب تروح مشوار فى مصر وتركن عربيتك وشوف فى السعودية
شوف كام مرة بتسمع كل سنة وانت طيب ياباشا من وشوش عكرة عشان الاتاوة
شوف كم مرة بتقطع الكهرباء هنا فى مصر وكم مرة فى السعودية
شوف كم حادثة بلطجة فى مصر وكم حادثة بلطجة فى السعودية
قارن بين النظافة هنا والنظافة فى السعوية
قارن بين ترخيص العربية فى مصر والسعودية
قارن بين دفع المخالفة فى مصر والسعودية
قارن بين الدفع بالفيزا او الكارت البنكى فى مصر والسعودية
قارن بين مصروفات ماكينة الصراف الالى فى مصر والسعودية
قارن بين نظام التامين الصحى فى مصر والسعودية
قارن بين اخلاق الشرطى فى مصر والسعودية
قارن بين نظافة يد الشرطى فى مصر والسعودية
قارن بين قطع المياه فى مصر والسعودية
قارن بين سعر البنزين فى مصر والسعودية
قارن بين اجراءات ترخيص السيارة فى مصر والسعودية
قارن بين استخراج الرخصة فى مصر والسعودية
قارن بين كم الشتائم التى تسمعها فى مصر والسعودية
قارن بين اسعار الماكولات والمشروبات فى المولات مصر والسعودية
قارن بين الامن والامان فى مصر والسعودية
قارن بين تكلفة المعيشة فى مصر والسعودية
واخيرا قارن بين السياسة فى مصر والسعودية
ولو لقيت كفة مصر رجحت فيما سبق انزل مصر وعيش حياتك

قارن بقى دة كلة ب
1- واحد الكفيل بيقولة مرتبك كبير عليك و لما يلاقى فرصة تانية يقولة مش هديك نقل كفالة!!!!!!
2- واحد امة تموت و هو بعيد عنها و يفضل طول عمرة حاسس بالندم.

المشاركة الأصلية كتبت بواسطة 3adelnor3

عارف لو كنت جبت مثال تاني غير السعودية كنت اقتنعت
سعودية مين يا ريس
السعودية اللي الشغل فيها بالكفيل والكفيل الناس كلها عرفاه بيعمل ايه في العامل لو معجبوش
السعودية اللي لسه قاطعه ايد عاملة هندية
السعودية اللي كل سنه لازم تعدملها شويه من العمالة الاسيوية
السعودية اللي لو حصل مشكلة بينك وبين سعودي تتظبط ويا سلام لو طلع من العيلة المالكة يبقي اتمحيت من الدنيا
انت جاي تقارن مصر بالسعودية يا راجل يا طيب
اسوء دول بتعامل العمالة زي العبيد هي دول الخليج

صح كلامك

المشاركة الأصلية كتبت بواسطة moha sasa

- لا لسه هتصبرلك كام سنه فى السعوديه شويه.

- بالتحديد حتى 2019 / 2020.

- ليه؟؟؟؟؟

- لأن لو استمرت اسعار البترول عند هذا المستوى.

- هيخلص الاحتياطى النقدى الجنبى. والفقر هيظبطهم.

كلامك صح ,السنة دى بالذات انخفض اداء السوق بشكل بشع

المشاركة الأصلية كتبت بواسطة tkamal

الخلاصه
انا فى السعوديه من 2004 الى الان نزلت فيهم اربع مرات نهائى بمزاجى بغرض الاستقرار فى مصر لظروف عائليه الاربع مرات فشلت فيهم جميعا فشل زريع يمكن النيه مكنتش صادقه او يمكن انا مش حرك كفايه لاقتناص الفرص بس كان فى فرص بجد

المهم عايز تنزل مصر يبقى لازم يكون معالك 3 حاجات
1- راس مال تغامر بيه فى مشروع بفضل تكون فاهمه او تحك فى حد فاهم حاجه ومحتاج فلوس وايدك على ايدة
مش مهم تكسب فى الاول المهم انك تتعلم سر الصنعه وتفهم السوق

2- دخل شهرى ثابت تطلعه من تحت الارض وانت فى الغربه عشان لما ترجع مثل ايجار محل تجارى او شقه فخمه
او حتى تاكسى المهم دخل ثابت كل اول شهر بدون اى مجهود منك اطلاقا عشان مجهودك كله لازم يكون فى استثمار راس المال

3- انسان تعرفه يكون له علاقه بالجيش او الشرطه او القضاء عشان لو قدر الله حصل حاجه انسى موضوع القانون والاقسام دة اختراع فاكس فى مصر دلوقتى

4 انسان مخلصاتى يخلصلك كل اوراقك واحتياجاتك من الدوله ودواوين الدوله لان لو دخلت فى سكه الروتين هتخسر كرامتك وعمرك وممكن تدمج البند الثالث مع الرابع فى شخص واحد

دى خلاص التجربه ليا ومرحبا باى اضاقات
ارقام الفلوس تختلف من شخص لاخر حسب اسلوبه فى الحياه عشان كده هتركها تقديريه ليك

فى الاخر اللى معاه فلوس فى مصر عايش احسن من الخليح وبعض الدول الاوربيه بس يكون معاك فلوس بجد مش شويه فكه ربنا يرزقنا جميعا

فعلا موضوع النية و الاصرار دة مهم اوى
انا اعرف واحد كان عايز يتنزل و كان مصر على نزول نهائى لكن اصحاب الشغل قالولة انزل خروج و عودة 6 شهور يمكن ترجع , لكن هو قال لازم نهائى علشان اخبر نفسى على الاستمرار و النجاح فى بلدى

المشاركة الأصلية كتبت بواسطة tkamal

الخلاصه
انا فى السعوديه من 2004 الى الان نزلت فيهم اربع مرات نهائى بمزاجى بغرض الاستقرار فى مصر لظروف عائليه الاربع مرات فشلت فيهم جميعا فشل زريع يمكن النيه مكنتش صادقه او يمكن انا مش حرك كفايه لاقتناص الفرص بس كان فى فرص بجد

المهم عايز تنزل مصر يبقى لازم يكون معالك 3 حاجات
1- راس مال تغامر بيه فى مشروع بفضل تكون فاهمه او تحك فى حد فاهم حاجه ومحتاج فلوس وايدك على ايدة
مش مهم تكسب فى الاول المهم انك تتعلم سر الصنعه وتفهم السوق

2- دخل شهرى ثابت تطلعه من تحت الارض وانت فى الغربه عشان لما ترجع مثل ايجار محل تجارى او شقه فخمه
او حتى تاكسى المهم دخل ثابت كل اول شهر بدون اى مجهود منك اطلاقا عشان مجهودك كله لازم يكون فى استثمار راس المال

3- انسان تعرفه يكون له علاقه بالجيش او الشرطه او القضاء عشان لو قدر الله حصل حاجه انسى موضوع القانون والاقسام دة اختراع فاكس فى مصر دلوقتى

4 انسان مخلصاتى يخلصلك كل اوراقك واحتياجاتك من الدوله ودواوين الدوله لان لو دخلت فى سكه الروتين هتخسر كرامتك وعمرك وممكن تدمج البند الثالث مع الرابع فى شخص واحد

دى خلاص التجربه ليا ومرحبا باى اضاقات
ارقام الفلوس تختلف من شخص لاخر حسب اسلوبه فى الحياه عشان كده هتركها تقديريه ليك

فى الاخر اللى معاه فلوس فى مصر عايش احسن من الخليح وبعض الدول الاوربيه بس يكون معاك فلوس بجد مش شويه فكه ربنا يرزقنا جميعا

انت جبت الخلاصة .....تسلم ايدك .....وخاصة فى موضوع المخلصاتى دى ......فعلا البلد دى ما ينفعش فيها غير حاجتين .....يا واسطة يا رشوة .....ما فيش تالت