الموضوع: زيت الكاسترول وسلك البوجية

اليوم رحت اجيب زيت كاسترول وطخيت مشوار محترم الى بنزينة الطاقة الموجودة بالقرب من نادى السكة
المهم قلت للراجل عاوز زيت لعربية قديمة كاسترول
ادانى الجركن لونه ابيض وقالى ب 86 جنية
المهم اخذت الجركن ورحت الى الراجل بتاع الزيت وطخيت مشوار محترم
لان الراجل ده عنده حاجة اسمها الكلابة وهو الوحيد اللى بيعرف يحط زيت الفتيس بدون ان يبوظ سلك السرعة للفليشيا
- لانى جربت ناس كتير وناس كتير اساسا مبتعرفش ازاى تحط الزيت فى الفتيس واكثر من مرة كان السلك بيتقطع مش عارف ليه وكان العربية يعنى احدث تكتولوجيا
المهم المحل ده منذ اعوام عديدة وانا بغير الزيت من عنده

الراجل حط الزيت الكاسترول وزود زيت الفتيس
والعربية كانت على المجرى عنده لقيت اتنين رجالة كبار تقريبا أصدقاء لصاحب المحل
قعدين بيحكوا قبل ما اضعه السيارة على المجرى لتغيير الزيت
والسيارة على المجرى والكابوت مفتوح وانا واقف تقريبا عن شنطة السيارة
سمعتهم بيتكلموا وواحد منهم باصص للعربية وبيقول للتانى
العربية دى هى اللى عملت شهرة للاسكودا فى مصر وكان باصص جامد للعربية
المهم انا لم انتبه لهم ولم افكر فى الموضوع
الراجل قفل الكبوت وقلتلك الحساب كام
قالى فلتر ب 25 وزيت فتيس يعنى المجموع 45 جنية
اديته الفلوس وركبت العربية
وانا ماشى حاسس ان العربية تقيلة شوية ومش سريعة
ولما العربية طلعت على الطريق السريع حاسس ان فيه برجلة غريبة فى الموتور
والموتور صوته مش طبيعى وحاسس ان فى نقل الغيارات العربية بتبرجل
قلت يمكن البنزين فيه رواسب
ولما العربية طلعت على المجرى كانت بتطلع على مطلع فيمكن الرواسب عامت فى تانك البنزين وطلمبة البنزين سحبتها فدخلت فى الكاربراتير
وقعد افكر فى المشكلة وايه اللى حصل
وفيه افكار علمية اخرى قعدت تلف فى نافوخى
العربية قبل الزيت الكاسترول ده كانت مظبوطة
وبعد الزيت بقت بتبرجل
يبقى مما سبق نستنتج ان الزيت ده هو السبب
طب ازاى والناس فى نايل موتور قاعدين يقولوا فيه اشعار؟
طب ازاى ووحوش الاسكودا لم ينتبهوا لهذا المقلب
اكيد الزيت ده اثقل من اللازم فالموتور بيعافر
ربنا يستر والبساتم لا تتكسر من هذا الزيت
كانت فكرة مهببه بتاعت الكاسترول ده
ماله زيت التعاون؟ كان حلو وجميل
طب ماله الشيل اللى لما بتحطة فى العربية العربية بتمشى تتفشخر بالشل
الى ان سوقت حوالى عشرين كيلو متر والافكار عمالة تلف فى النافوخ

واذ افتكرت فى ذهنى ان فيه راجل قاعد باصص للعربية وبيقول العربية دى هى اللى شهرت اسكودا
قلت فى بالى اهلا وسهلا
العربية متخرشمة والباب مخبوط وداخل لوجوة
والسقف البوهيه بايظةوالبربريز مشروخ والمساعدين فى الضياع
ويادوب بحسس على العربية وبخاف انها تقف فى اى طريق مقطوع
يقوم الراجل يقول ان العربية دى هى اللى شهرت اسكودا

ركنت جمب الرصيف وفتحت ام الكبوت
لقيت سلك البوجية مفكوك من الصنايعى وهو بيفك فلتر الزيت
الحمد لله انى مموتش او العربية ولعت
ركبت السلك
السؤال :
ما تاثير ماحدث على الموتور؟
هل كده الموتور حصلت ليه مشكلة بسبب ان السلك كان مفكوك والموتور كان يعمل لمسافة 20 كيلومتر وقعد اكبس يمكن يتعدل؟

فعلا لما تعرف فى الصيانة شوية ممكن تلحق نفسك فى الازمات
وده كان درس الانسان يتعلم منه
لان الموضوع كان بسيط فى الاول مجرد سلكة مهزوزة
وادت الى ان الموتور اتحرق والريداتير والقربة كمان
بس يمكن الخوف من الصحراء وانك ممكن تتثبت كان اقوى من انك تفكر
الحمد لله على ان الانسان وصل الى القاهرة بدون ان يموت

ولعلمك ان سبب سقوط سلك البوجيه هو انى فى طريق الذهاب الى بورسعيد مروحة الريداتير اتحرقت

وكنت حاطط فى شنطة العربية مروحة احتياطى لان القديمة كانت ابتدت منذ فترة تكون خشنه والكرهبائى قالى المروحة هتبوظ قريب والحمد لله لما غيرتها فى طريق الذهاب الى بورسعيد سلك البوجية تقريبا اتهز
ولم الحظ البرجلة الا فى طريق العودة فى الطريق الصحراوى ومكنتش عارف ان ممكن يكون السبب هو سلك البوجية
اللى جه فى تفكيرى ان البنزين اللى فولت بيه من بنزينة تعبانة فله فى اول الطريق الصحرواى ممكن يكون مغشوش وهو اللى عمل البرجلة دى (وايضا قد يكون هذا هو السبب) لان بعد التفويل من البنزينه التعبانة دى بدئت البرجلة تصبح واضحة
وكل ماقاله الميكانيكى مجرد تخمين او استنتاج ان السبب هو سلك البوجية

السؤال الفنى هو : ما الذى يؤدى الى كسر الصباب؟