الموضوع: رجة فى الدريسكون على سرعة 100

المشاركة الأصلية كتبت بواسطة egyplan

بسم الله الرحمن الرحيم
الاخوة الاعزاء
يوجد رجه بسيطة عند سرعة 100 فى فليشيا كومبى
وفى المدقات تحدث رعشة خفيفة فى العجلة اليمين للسائق
- عاوز اعرف اسعار التالى
- مساعدين خلفى (استيراد)
- مساعدين امامى (جديد او استيراد)
اماكن بيع المساعدين (محل مضمون)
تكلفة تقديرية لماسيق مع تكلفة الصنايعى

- عاوز اعرف سعر سمكرة بسيطة للباب وهل لازم يرش الباب كلة؟

هو ردي على حضرتك في اللي أعرفه ..بخصوص - عاوز أعرف سعر سمكرة بسيطة للباب وهل لازم يرش الباب كله ؟؟...- لو اللون ميتالك يبقى لازم يرش الباب كله ..لو مط..يبقى ممكن يلقط الحته اللي فيها الشغل بس ..عموما ..الميتالك أو المط لازم بوهيجي نضيف عشان اللون ما يخلفش

الاخ العزيز ابو مازن المحترم
متشكر ليك على ردك واهتمامك بمساعدة اعضاء المنتدى

هى ردة بسيطة فى نص الباب (هما بابين) يعنى ترييحة وعاوزه تترد
العربية ميتالك وللاسف قبل كده برضة كان فيه سمكرة فى جنب فالجنب كله اترش وطبعا بيكلف بس مش فاكر كان كام
انت بس مش عاوز بتاع السمكرة او الدهان يضحك عليك ويقولك ترش جمب
فعاوز اعرف متوسط الاسعار عشان لما اسمع الاسعار اطمئن انها فى الرينج المعقول
كل باب فى جنب (البابين الخلفيين) تطبيقة من منتصف الباب والدهان متقشر منه حته بسبب التطبيقة

يا سيدي الفاضل ..ما هو فيه بوهيجيه ما تعرفش تضبط اللون غير لو رش الجنب كله ..وفيه بوهيجيه ممكن يضبط اللون من خلال رش القطعة اللي إتعمل فيها الشغل بس ..القطعة يعني باب ..كبوت .,.شنطه ..رفرف..كده يعني ..وحتى البوهيجي اللي بيرش القطعه لوحدها دي بعد ما بيخلص بيعمل شوية حوارات كده زي بوليش ومش عارف إيه عشان يمشي اللون كله مع بعض تاني ..لكن الشائع يقولك رش جنب كامل ..الصنايعي الشاطر بقى ..يقولك لأ ..هرشلك القطعه دي بس ..الكلام ده كله على الميتالك على فكره

ممتاز يا هندسة الله يكرمك على هذه المعلومات الكويسة
الباب بقى رشه تقريبا كام؟ والسمكرة كام؟
عشان مثلا ممكن الافى صنايعة بيقولك الباب رش وسمكرة ب 450 جنية مثلا
لو انت قلت مثلا 400 جنية يبقى هو كده مظبوط فى الرينج بينما لو لقيت واحد بيقول 800 جنية اعرف انه بيشتغل الزبون