مستقبلي بين ايديكم .... محتاج اعرف وجهة نظرك !

**عﻻء سالمان** · 12-06-2015 11:08 PM

المشاركة الأصلية كتبت بواسطة dr. Assem

لو جاهز للجواز و مقتنع بيها و باسرتها عقليا و اجتماعيا. و حاسس بمشاعرك نحايتها. يبقى تستخير ربنا ثم تستشير ناس ثقة و اهمهم اهلك. و بعدين تفاتحها مباشرة بطريقة مناسبة . و لو هي رفضت او اعتذت دي حاجة ما تحرججش لانك كنت مباشر معاها و ناوي تخش البيت من بابه.

و لو ربنا اراد و ادتلك اشارة خضرة يبقى تبدا خطوة خطوة. يعني مقابلة في نادي او كافيه محترم يبقى في عينة من اهلك و اهلها و يفضل الاخوة و الاخواتت . ثم مقابلة اسرية في مكان بنفس المواصفات و بعدها بقى ارتباط رسمي او اعتذار واضح منكم او منهم على حسب نتيجة المقابلتين دول.

دي خبرتي في المواضيع ده بعيد عن دباديب الفالانتاين و الكلام اللي لايودي و لا يجيب . و بكده تصون نفسك و اهلك. و تصونها هي كمان و اسرتها.

اخر حاجة. مستقبلنا كلنا بين يدي الله و ليس بين اي احد من عباده مهما بلغ شأنه و علا اسمه

بالتوفيق ان شاء الله

رأيى مخالف لهذا الرأى تماما..انت لو مستعجل دى نقطة مش فى صالحك.. واى نظرة استهزاء من اى حد من طرف البنت هتهز مركزك عند اهلها طول عمرك.. انت تقطع عرق زى مابيقولو ..يعنى تستنى التيرم الأول يخلص وتقابل ولى امرها بطولك بعلم ورضا اهلك الى هيستعلموا عن البيت الى انت رايحة طبعا و بمعاد مسبق..وتتكلم بصراحة انك تتمنى تناسبة وانك شاب ميسور واهم نقطة انك توضحلة ان بنتة جنية دهب فى علبتة .. اتصانت فى بيت اهلها وهتتصان عندة وعند اهلة لو فى نصيب عشان يعرف بشكل غير مباشر انك محرجمتش عالبنت وكلمتها وخدت معاها مواعيد من ورا اهلها ﻷنك اكيد ميرضكش ان اختك تعمل مواعيد من ورا اهلها مع زميلها فى الجامعة وﻻ اية؟ اذا وجدت ترحيب واحترام توكل على الله و واتفق تجيب اهلك لقراية الفاتحة بعد النجاح .. وتوضحلة انك مخطط بين الفاتحة والزفاف سنة تكون اسلمت عملك و جهزت شقة الزوجية واتفرشت ومبروك ..غير كدة ..زى مثﻻ البنت لسة صغيرة ابن عمها متكلم عليها انتوا لسة قدامكوا يامة يابنى ..اخلع فورا وربنا يرزقك باﻷنسب منها فى الوقت المناسب

**hugan** · 12-06-2015 11:43 PM

وايه اللي يجبرك تتجوز واحده من نفس سنك انت اساسا لسه 21سنه
استني لما تظبط نفسك وتخطب وانت 25:مثلا وهي 20
مش اول واحده تشوفها هاتكون هي شريكه العمر
الفرص مازلت امامك كثيره هاتشوف كتير

**punisher** · 13-06-2015 12:31 AM

لو الشقه موجوده وظروفك الماديه كويسه جدا لدرجه انك تكون مش محتاج تشتغل اتوكل علي الله واتقدملها دلوقتي

بالنسبه لنقطه السن ف دي انتا اللي تقدر تحدد اهميتها بس ف الغالب الستات بتكبر اسرع من الرجاله ف يفضل يكون في فرق سن من 5 - 10 سنين

انا عندي 28 سنه وخطيبتي 19 سنه بس هيا مخها اكبر من سنها ومتفاهمين

**cyborg_ift** · 13-06-2015 10:59 AM

انفد بجلدك جواز ايه بس اتمرمغلك كام سنه في العزوبيه ديه ايام متتعوضش

**elpilot** · 13-06-2015 11:00 AM

والله من رأيي الشخصي بلاش تربط نفسك بالجواز دلوقتي وابني مستقبلك الأول
وياما هتقابل متستعجلش

**engineer_Amr** · 13-06-2015 12:11 PM

أنا رأيى تستنى لما تخلص السنة اللى فاضلالك الأول .. وبعد كدة تفاتحها فى الموضوع على آخر السنة .. قالتلك مبفكرش فى الإرتباط دلوقتى أو أى كلام من النوع دة يبقى هى مش متقبلة الموضوع
المهم يكون فى شغل مستنيك وأنت مالى ايدك منه علشان مينفعش لو وافقت وقابلت والدها تقوله أنا لسه هدور على شغل وربنا يسهل .. لأن مفيش حد هيقبل بكدة