الموضوع: مستقبلي بين ايديكم .... محتاج اعرف وجهة نظرك !

إنت مذكرتش حاجة عن الشغل، هل بتشتغل حاليا؟ ولا فيه وظيفة معينة متأكد منها بعد التخرج؟

في كل الأحوال من رأيي تستنى لما تخلص السنة اللي فاضلة وبعدين تتقدم لها رسميا

لو عندك وظيفة مضمونة و هتقدر تفتح بيت بعد التخرج يبقي اتقدم رسمي و ارتبط و اعمل ما يحلو لك ... أنا بأكلمك علي أساس إن أنا عندي بنت (هي صحيح لسة صغيرة لكن في يوم من الأيام هتكبر) و أنا حاطط نفسي مكان والد البنت اللي انت بتحبها ... مادام انت ذو خلق و إنسان محترم و مش عايز تلعب بيها ديه حاجة عظيمة و نقطة تحتسبلك لكن أنا كأب عايز أطمئن علي بنتي و أديها للي يستاهلها و يعيشها في مستوي لا يقل عن اللي كانت عايشة فيه ... لو ضامن وظيفة يبقي ديه حاجة كويسة و إن كنت أفضل إنك تتقدم رسمي في آخر سنة دراسية ليك و ربنا يتمملك بخير و نباركلك قريب :)

المشاركة الأصلية كتبت بواسطة dr. Assem

لو جاهز للجواز و مقتنع بيها و باسرتها عقليا و اجتماعيا. و حاسس بمشاعرك نحايتها. يبقى تستخير ربنا ثم تستشير ناس ثقة و اهمهم اهلك. و بعدين تفاتحها مباشرة بطريقة مناسبة . و لو هي رفضت او اعتذت دي حاجة ما تحرججش لانك كنت مباشر معاها و ناوي تخش البيت من بابه.

و لو ربنا اراد و ادتلك اشارة خضرة يبقى تبدا خطوة خطوة. يعني مقابلة في نادي او كافيه محترم يبقى في عينة من اهلك و اهلها و يفضل الاخوة و الاخواتت . ثم مقابلة اسرية في مكان بنفس المواصفات و بعدها بقى ارتباط رسمي او اعتذار واضح منكم او منهم على حسب نتيجة المقابلتين دول.

دي خبرتي في المواضيع ده بعيد عن دباديب الفالانتاين و الكلام اللي لايودي و لا يجيب . و بكده تصون نفسك و اهلك. و تصونها هي كمان و اسرتها.

اخر حاجة. مستقبلنا كلنا بين يدي الله و ليس بين اي احد من عباده مهما بلغ شأنه و علا اسمه

بالتوفيق ان شاء الله

+1 .. عين العقل .. و لو اعتذرت فهى قد تكون مرتبطه او ما شابه

المشاركة الأصلية كتبت بواسطة eng.mark

لو عندك وظيفة مضمونة و هتقدر تفتح بيت بعد التخرج يبقي اتقدم رسمي و ارتبط و اعمل ما يحلو لك ... أنا بأكلمك علي أساس إن أنا عندي بنت (هي صحيح لسة صغيرة لكن في يوم من الأيام هتكبر) و أنا حاطط نفسي مكان والد البنت اللي انت بتحبها ... مادام انت ذو خلق و إنسان محترم و مش عايز تلعب بيها ديه حاجة عظيمة و نقطة تحتسبلك لكن أنا كأب عايز أطمئن علي بنتي و أديها للي يستاهلها و يعيشها في مستوي لا يقل عن اللي كانت عايشة فيه ... لو ضامن وظيفة يبقي ديه حاجة كويسة و إن كنت أفضل إنك تتقدم رسمي في آخر سنة دراسية ليك و ربنا يتمملك بخير و نباركلك قريب :)

مع احترامي لرأي حضرتك , ازاي واحد لسة باديء حياته هيعيشها في المستوى اللي هي فيه حاليا

واللي والدها اشتغل حوالي 20 سنة علشان يوصل له ...؟؟؟

المشاركة الأصلية كتبت بواسطة hilal

انت مازلت طالب
خلص تعليمك واشتغل حتى تتقدم لمن تريد من مركز قوة

انت فاضلك سنة يعنی زی ما بيقولوا فركة كعب
خلص السنة وشوف شغل وتانی يوم بعد ما تستلم الشغل اتقدم ساعتها وضعك هيختلف
والبنت ده لو ليك نصيب فيها هتتجوزها وخليك عارف انك مش ههتجوز غير مراتك