تجربة سيراتو 2015

**hamada6050** · 12-06-2015 11:56 PM

انا عايز اتكلم علي تجربتي مع كيا سيراتو 2015 سمعت كلام ان الكوري مش عارف ماله و الكوري خفيف و كلام بدون اي مدلول و لحد دلوقتي التجربه عكست كل الكلام و الارقام العالميه بتثبت عكس تفكير اغلبيه الناس العربيه في سنه 2014 في امريكا اكثر مبيعا حتي فوق الفورد فوكس هناك اللي عمله هنا زي ال 128 نتكلم عالعربيه بقي وزن السياره 1270 كغ و هو وزن تقيل الموتور 1600 130 حصان و هو موتور قوي ان لم يكن الاقوي ثبات السياره ممتاز علي سرعه 180 بس فالملفات و مطبات الهواء الثبات يقل بمنتهي الامانه
السياره تقفيل مصنعها و ده بيميزها كتير عن سيارات اخري
فتيس 6 سرعات موفر في استهلاك الوقود الاستهلاك عندي 7.7 و في نفس الوقت تسارع هايل من ال 0 لحد 100 في 9 ثواني و حاجه بسيطه قوي الاوبشنز حدث ولاحرج خصوصا فئه التوب لاين جنوط 17 شكل و ثبات كويس بس مش كويس فالنقر
معظم حجه الناس اللي مش راكباها اصلا دي كوري !! ايوه عايز ايه برده الانترا الكوري خامس سيارات اكثر مبيعا علي مستوي العالم و الكوري تتطور بسرعه الضوء
وسع السياره من الداخل و الشنطه محترمه و تشيل عزل و نعومه
السحب هايل خصوصا عالمانوال السياره فالفئه دي انا انصح بيها
kia cerato owner's in egypt
https://www.facebook.com/groups/776384085716452/

**ENG.MaRk** · 13-06-2015 08:29 AM

اركب أوروبي أو ياباني و لتكن مثلاً فلوانس أو كورولا و اجري بنفس السرعة هتحس بأمان أكتر حتي في الملفات و مطبات الهواء ... الفكرة في إن و حضرتك ماشي في خط مستقيم مش هتحس بفرق في الثبات لكن الاختبار الحقيقي لثبات أي عربية هو الملفات و خصوصاً الصعبة ... هذا لا يتعارض مع كلام حضرتك في إن السيارات الكورية تطورت بشكل مذهل و كمالياتها بقت ممتازة بس زي ماحضرتك قولت إن الكوري يا تركبه توب لاين يا بلاش ... العربية مش بالمنشأ بتاعها لكن بجودتها لأن زي ماحضرتك شفت الSonata و الGenesis و الAzera و الEquus و الoptima و الCadenza و الQuoris عربيات مذهلة تكاد تنافس الألماني في جودته لكن في مصر ثقافة المشتري المنعدمة عن السيارات عموماً بتنشر فتي و أفكار خاطئة كثيرة ... تحياتي :)

**Abo_Mazen** · 13-06-2015 09:02 AM

كان لسه في موضوع بيناقش حاجه زي كده برضه ..اللي ثقافة الشعب المصري تجاه السيارات ..وده من خلال مشاركة بخصوص اسعار المستعمل

**Mecha** · 13-06-2015 10:37 AM

وبردك في ايمريكا انطسوا حكم هما والهونضاي عشان بيغشوا في قيم معدلات استهلاك الوقود ,في مره دفعوا 360 Million US$

Hyundai, Kia fined over fuel economy fraud | Business | DW.DE | 03.11.2014

**م أحمد** · 13-06-2015 01:03 PM

المشاركة الأصلية كتبت بواسطة mecha

وبردك في ايمريكا انطسوا حكم هما والهونضاي عشان بيغشوا في قيم معدلات استهلاك الوقود ,في مره دفعوا 360 million us$

hyundai, kia fined over fuel economy fraud | business | dw.de | 03.11.2014

و دفعو و هما ساكتين

**Mecha** · 13-06-2015 02:33 PM

المشاركة الأصلية كتبت بواسطة م أحمد

و دفعو و هما ساكتين

هيعملوا ايه , الغرامه جايه من وزارة العدل لمخالفة قانون البيئه ,لو ركبوا دماغهم وراحوا المحكمة هيتلبوا اكتر والحكومه هترقدلهم

**Mecha** · 13-06-2015 02:37 PM

لولا مسوبيشي الكوري والمليزي والصيني معملوا اوتمبيل ,شوف دركسيون الكوري حاليا

**م أحمد** · 13-06-2015 03:50 PM

يعنى يملى العربيات اوبشنز و حركات و دركسوينات و تارات ، و من برة أشكال و ألوان و الذى منه ، و فى الآخر يغشنى فى معدل استهلاك البنزين

يعنى يا إما الحاجة اللى انت عملتها مش عارف بتشتغل ازاى أو لا عارف بتستعبط و تدعى رقى المنتج

طيب نطمن للى تحت الكبوت إزاى

و أنا موافق ان الاستهلاك يكون تعبان و الموضوع على قده بس على قد تمنه برضه !!

**elagamy** · 14-06-2015 04:53 PM

بس قطع غيار السيراتو مبالغ جدا فيها الفانوس اليد الامامى ب 6500 !!!!!

**Omar Sarray** · 15-06-2015 12:57 AM

انت متقارنش عربيات تروح قاره تانيه وتنجح بوسائل امان محترمه وكويسه جدا وشكل واوبشنز اعلا واريباجات كتير ومتقارنهاش مع الى يجيلنا فى شمال افريقيا وشرق الاوسط الى بيروح فى الامريكتين مصنعيه غير الى بيجيلنا لان كل دوله طلبيات وشكل حضرتك اى عربيه تجيلك فى الدول العربيه كلها بلا استثناء هناك بيسموها دفعه ثالثه او فرز ثالث والفرز التانى الى هوا جوده وخامه وشكل ولون وكل الى بتحبه بيجى عند اوربا وقاره استراليا ام الامريكتين فهما دايما بيجيلهم اى شى درجه اولى فمتقارنش بره وهناك بمصر او اى دوله عربيه