مساعده في تشطيب شقة...

**WHATZUP** · 13-06-2015 06:13 PM

انا عارف ان الاسئله بتاعتي قتلت بحثا قبل كده... بس انا بشطب شقتي حاليا وعندي كام سؤال....عايز اشتري 2 تكييف وقريت كتير هنا في المنتدي , عن احسن تكييف واختلف الخبراء حول نوعين هم ال جي وشارب ....... هل من مهندس متخصص ويعطينا القول الاخير؟؟؟؟؟؟ انا عايز تكييف صغير 1 ونص حصان.........وهل انوع ولا اجيب نوع واحد.؟؟؟؟

السؤال التاني..

انا قريت بردو عن السراميك ووصلت لان السيراميك قطع الليزر يعتبر حاجة محترمه وشكلو حلو وسعره معقول بالنسبه للحوائط ....... هل لو جبت ماركة غير مشهورة (غير كليوباترا ورويال والجوهرة) يعتبر مجازفه علي حساب الخامه.... ولا مش بتفرق كتير.... يعني لو عجبني شكل معين غير الماركات السابقة اشتريها ولا افضل الخامة عن الشكل؟؟؟؟

واخيرا بالنسبة للارضيات ,,ايه رايكم في البورسولين الصيني؟؟؟؟ واخد بالي من ايه وانا بشتريه

[/size][/size]

**Omar2017** · 14-06-2015 12:15 AM

المشاركة الأصلية كتبت بواسطة whatzup

انا عارف ان الاسئله بتاعتي قتلت بحثا قبل كده... بس انا بشطب شقتي حاليا وعندي كام سؤال....عايز اشتري 2 تكييف وقريت كتير هنا في المنتدي , عن احسن تكييف واختلف الخبراء حول نوعين هم ال جي وشارب ....... هل من مهندس متخصص ويعطينا القول الاخير؟؟؟؟؟؟ انا عايز تكييف صغير 1 ونص حصان.........وهل انوع ولا اجيب نوع واحد.؟؟؟؟

السؤال التاني..

انا قريت بردو عن السراميك ووصلت لان السيراميك قطع الليزر يعتبر حاجة محترمه وشكلو حلو وسعره معقول بالنسبه للحوائط ....... هل لو جبت ماركة غير مشهورة (غير كليوباترا ورويال والجوهرة) يعتبر مجازفه علي حساب الخامه.... ولا مش بتفرق كتير.... يعني لو عجبني شكل معين غير الماركات السابقة اشتريها ولا افضل الخامة عن الشكل؟؟؟؟

واخيرا بالنسبة للارضيات ,,ايه رايكم في البورسولين الصيني؟؟؟؟ واخد بالي من ايه وانا بشتريه

[/size][/size]

بص يا بااشا احسن تكييف في مصر الشارب و عن تجربة كان عندي في الخليج واحد 3 حصان كان بسم الله ماشاء الله علية رائع مقارنة بالlg و يونيون اير 3 حصان بردة كان هادي جدا جدا و موفر في الكهرباء بالنسبة ليهم و طبعا الشارب الاغلى فلو ماديا مش هتقدر هات الlg وابعد عن اليونيون اير
وبالنسبة للسيراميك لو عايز تجيب حاجة مغمورة هات فرز اول فقط او تاني دة و لو الحالة ضنك اما البورسلين الصيني دة اول مرة اسمع عنة

**4fun14** · 14-06-2015 09:47 AM

السيراميك الصينى سىء السمعه جدا..لونه بيتغير وممكن يتنطر من مكانه
بلاش تسترخص في الارضيات عشان اصلاح المشاكل بعد مالشقة تسكن وتتفرش بيكون صعب جدا

**ayaamna** · 14-06-2015 11:24 AM

التكييف الشارب ممتاز كان عندى كارير وبعديه جيبت شارب وافتكر ان الريموت كان فيه زرار معلق المندوب جابه لحد البيت

اما بالنسبه للسيراميك الليزر لازم تمحر الحيطان الاول لانه بيتلزق لزق ولازم المحاره تكون ممتازه ما فيهاش غلطه
وقبل ما تشترى اسال الراجل اللى هايركب
السيراميك لانهم اكتر ناس تعرف الفرق بين السيراميك وياريت تكتب اللى ها يقلك عليه

**امجد مروان 454** · 14-06-2015 04:44 PM

بص انا زيك برضه داخل علی تشطيب شقة
بالنسبة للبورسلين الصينی سيئ السمعة ابعد عنه تماما
بالنسبة للتكييف انا سألت كتير ومحتار بين شارب ونوع تانی اسمه ايس بيرج
المهندس بيقولی المانی ولكن مش مشهور فی مصر وورانی اسلاك النحاس فی الوحدة الخارجية لقيتها اسمك وافضل وسعره اعلی من شارب

**engineer_Amr** · 15-06-2015 12:20 AM

بالنسبة للتكييف .. شارب أفضل حاجة فى السوق وبعد كدة LG .. متبصش لحاجة تانية غير دول ..

LG هتلاقى منها نوعين Art Cool ودة الأعلى وسعر الموديلات المختلفة منة ال 1.5 حصان بتبدأ من 5,000 جنية لحد 7,000 جنية .. وال Jet Cool وسعر الموديلات المختلفة منة ال 1.5 حصان بتبدأ من 3,500 جنية لحد 5,000 جنية
هتلاقى تحت الموديلين دول طرازات كتير قوى بتختلف فى درجة تنقية الهواء والشكل وسنة الموديل وبارد / ساخن ولا بارد بس

أسعار شارب مش هتلاقيها تفرق كتير عن دول .. بس طرازاتها مش فاكرها قوى بصراحة

طبعا تجيب نوع واحد أفضل علشان الصيانة بعد كدة تبقى واحدة .. بس هو أنت إزاى متأكد أن 1.5 حصان كفاية للمكان اللى أنت عايز تركبلة التكييف ؟

**HeMa_LanCeR** · 15-06-2015 11:24 AM

انا كنت هجيب البورسلين الصيني بس مرتحتش ليه
وجبت سيراميك لابوتية 60*60 شطف ليزر شبة البورسلين بالظبط

**MaZaGAngeE** · 06-07-2015 09:27 AM

المصنعيات كام للتشطيب ?

**WHATZUP** · 06-07-2015 06:59 PM

المشاركة الأصلية كتبت بواسطة engineer_amr

بالنسبة للتكييف .. شارب أفضل حاجة فى السوق وبعد كدة lg .. متبصش لحاجة تانية غير دول ..

lg هتلاقى منها نوعين art cool ودة الأعلى وسعر الموديلات المختلفة منة ال 1.5 حصان بتبدأ من 5,000 جنية لحد 7,000 جنية .. وال jet cool وسعر الموديلات المختلفة منة ال 1.5 حصان بتبدأ من 3,500 جنية لحد 5,000 جنية
هتلاقى تحت الموديلين دول طرازات كتير قوى بتختلف فى درجة تنقية الهواء والشكل وسنة الموديل وبارد / ساخن ولا بارد بس

أسعار شارب مش هتلاقيها تفرق كتير عن دول .. بس طرازاتها مش فاكرها قوى بصراحة

طبعا تجيب نوع واحد أفضل علشان الصيانة بعد كدة تبقى واحدة .. بس هو أنت إزاى متأكد أن 1.5 حصان كفاية للمكان اللى أنت عايز تركبلة التكييف ؟

هل صحيح ان ال جي ملوش قطع غيار في مصر.. ولا توكيل ... والصيانه بتاعتو مش كويسه؟؟؟ ده كلام كتير من الصنايعيه...