الموضوع: المشكلة لسه موجوده في a5

بسم الله الرحمن الرحيم
بص يا باشمهندس مشكلتك ديه حساس المايه عالشان انت أول لما تشيل الفيشه بتاعه حساس المايه المروحة بتشتغل انا لما اكون عاوز اعرف حساس المايه شغال ولا لأ بقيسه بالطريقة ديه
https://www.youtube.com/watch?v=wFHWpgHMAvY

ازاى تفكه عالشان تقيسه بالطريقة ديه

https://www.youtube.com/watch?v=z9B_dQz24r0

حاجه كمان انا برده لو العربيه سخنت والمروحة ماشتغلتش لأى سبب عالطول بروح شايل فيشة حساس المايه تروح عالطول المروحة شغاله وامشى بيها لحد لما اشوف المشكله ايه.
فالمشكلة عندك ان حساس المايه ياما بايظ يالفيشة بتاعته مهزوزة
جرب طريقة قياس الحساس الى في الفيديو وابقى طمنى
اما بالنسبه لموضوع الايرباج الى في الطارة الى متشقق انا كنت يوم الجمعه الى فات عند المنهدس خالد اسماعيل في مدينه نصر وقالى ان الجزء الفبر بتاع الايرباج بيتباع لوحدة من غير كبسولة الايرباج في الحرفيين بحوالى 150 جنيه قالى هاته وانا ابقى اركبهولك . وكنت عند واحد بتاع قطع غيار صحبى قالى على حل تانى ليه وهوة ان فيه واحد بيعمله في الحرفيين اسمه بيبو عند موقف السوبر جيت كنت برده سألته على المشكله ديه قالى انه بيلحمة وكمان بيلحم التابلوة لما الايرباج بتاع التابلوه بيفتح ولما سألته على التكلفة قالى انه كان بيعمله ب 25 جنيه من حوالى سنتين دلوقتى يعمله 50 جنيه ... عالشان انا عندى نفى المشكلة وكنت عملته عند واحد سروجى في صقر قريش بس بصراحة شكله مش حلو زى الاول عالشان هوة بيلحمة عند واحد بتاع فيبر وبيضبطة وبعدين بيلزق عليه كسوة جلد بس مع الاستعمال الصمغ الى بيلزقة بيفك وبيبقى شكله وحش ان شاء الله هبقى اروح الحرفيين اسأل عليه سواء الحل الأول او الحل التانى وان شاء الله وابقى اعمل موضوع عنه للأفادة.

انا ماغيرتش زيت الفتيس عنده انا غيرته في التوكيل عالشان كنت لسه معرفتهوش بس ان شاء الله المره الجايه هبقى اغيره عنده
وان شاء الله بعد رمضان هبقى انزل الحرفيين واشوف موضوع تشقق الايرباج وابقى اعمل عنه موضوع بالصور قبل وبعد عالشان ديه مشكله بيعانى منها كل الى معاهم العربية ديه