محتاج مساعدة ضروري l3 الجديدة 2015 !

**MahmoudSaeed** · 14-06-2015 09:10 PM

دلوقتي انا مسافر مطروح مصيف بالعربية و قربت تجيب 10الاف والمفروض اوديها التوكيل في القاهرة وعايز اغير زيت طبعا مش هينفع امشي بيها حوالي 500 كيلو لحد القاهرة
هل لو غيرة زيت في اي بنزيما تخرج من الضمان ؟
ثانيا : ظهرة مشاكل في العربية كتيرة بعد السفر كذا مرة ؟
1- صوت تيل الفرامل و في زنة والعربية ماشية زي حك ؟
2-gps بيفصل خالص ويعمل ريستارت لوحده واحنا ماشين ؟
3- الازاز ورا وهو بيترفع بيطلع بسرعة لدرجة ان ممكن ينكسر ؟
واخيرا مافيش اي مركز صيانة في مرسي مطروح اروح اغير زيت منه لحد ما ارجع القاهرة ؟
وعايز رقم التوكيل اتصل اسأل اتصرف ازاي ؟

**abo_salah** · 14-06-2015 11:42 PM

باشا موضوع الزيت حضرتك ممكن تغيره في اي محطه بنزين او اي واحد بيغير زيت عادي جدا
مفيش مشكله في تغيير الزيت ...

**shake** · 15-06-2015 12:25 AM

متا بع

**shaky** · 15-06-2015 08:36 AM

انت بتتصل بالتوكيل عادى جدا وبعد اما تيجى تروح تعمل الصيانة العادية بتاعتك بس من غير تغير زيت

**Almaestromomen** · 15-06-2015 02:34 PM

والله انا اتقالي انه تغيير الزيت بيخرجك من الضمان وناس تانيه تقول لاء وناس تالته تقولك علي حسب الضمان سواء 100 كم او 3 سنين .. وبخصوص الزنه انا عندي زيها بالظبط بس صوت صفاره وقت لما تهدي بالعربيه خالص في ملف سواء بتلف يمين او شمال ودي من جلدة الدريكسيون وموضوع الريستارت ممكن يبقي من سخونة الجو مثلا والله اعلي واعلم

**MahmoudSaeed** · 16-06-2015 09:58 PM

يا جماعة انا مستفدتش حاجة برضوا
دلوقتي انا في مطروح وماينفعش امشي طبعا من غير ما اغير زيت
ينفع ولا تخرج من الضمان دي العربية بقالها 3 شهور لسة حرام
دلوقتي انا عايز ارجع القاهرة اخدها علي ونش يعني ولا في في مطروح اي مركز صيانة تبعهم

**mchafeii** · 18-06-2015 03:54 PM

حضرتك اللى اعرفة مفيش مركز صيانة فى مطروح , بالنسبة للضمان حضرتك ممكن تتصل بالصيانة وتتأكد منهم , غير كده ممكن حضرتك تروح اسكندرية كلها 300 كيلو مفتكرش انها حتأثر بس بردو حضرتك اتأكد منهم بالتليفون.

**Yehya Badr** · 18-06-2015 06:14 PM

أختصر المسافة للنص و روح المركز بتاعهم في الأسكندرية !!! و حاول تمشي بالراحة

**احمد التربانى** · 12-07-2015 03:19 PM

ليس هناك ضرر من تجاوز عدد الكيلو مترات ب ٥٠٠ كم ، حضرتك فاكر إنه الزيت ده زى قطرة العين الأنتى بايوتك مثلا ؟
وإن الموتور هيبوظ من ٥٠٠كم زيادة؟
لأ طبعا"،، الموضوع مش بالخطورة دى ، وكمان مش هتخرج من الضمان لأنك إتأخرت عن الصيانة،،
هما كل اللى يهمهم إنهم يقفشوا أموال سيادتك مقابل مصنعية تغيير الزيت ، ودى أكتر حاجة مبالغ فيها،
برة بالكتير هتدفع ١٠ ج ، وأنا فى توكيل جاك بدفع ١٢١ج.
إرجع بسيارتك بالسلامة وإبقى إعمل صيانتك عادى.