الموضوع: "مدينتى".. عقد باطل وتسهيلات بلا مقابل!

المشاركة الأصلية كتبت بواسطة سمير يونس

كلام جميل جداً

بس يظل هناك أكتر من سؤال

ليه هيئة المجتمعات العمرانية هتاخد تمن الأرض 7% مباني(غالباً شقق و فيلات) ؟؟؟

ليه ما خدتش تمن الأرض فلوس؟؟

و مين اللي هياخد الشقق و الفيلات دي؟؟ و هياخدها بكام (بفرض أنه هيدفع فيها فلوس مش هياخدها كادو) ؟؟؟

الواضح إن الموضوع فساد في فساد

يعني هنديك الأرض و أدينا مقابلها شقق و فيلات (طبعاً سهل التصرف فيها على عكس الفلوس اللي هتدخل ميزانية الدولة)

تقبل تحياتي

انا بصراحة فهمت من الكلام اللي بيتنشر .... انهم بياخدو 7% من المبيعات .... لكن ما اعرفش ح ياخدوها وحدات ولا ح ياخدو حقهم ناشف .....
لكن ده مش الموضوع ...
اللي اقصدة ان الصفقة مش وحشة من حيث المبدأ ..... يعني مش الارض ببلاش ولا حاجة زي السادات ما عمال يفرقع في كلام عنتري ..... دي الحكومة داخلة شريك بالارض الصحرا اللي كانت ما تسواش حاجة ......
مع العلم باني من اشد المتأزمين من الفساد الحكومي .... ودايما بافترض ان كل تصرفاتهم بغرض المصلحة الشخصية ....
لكن الواقع انها صفقة رابحة ....
ولو ح يسرقو الشقق
برضه ممكن يسرقو الفلوس
مافيش اسهل من السرقة في مصر

بمناسبة كلامك يا استاذ سمير
انا لي صديق في الرحاب ... عمل نفس اللي حضرتك عملته
لما باسأله ....
بيقولي : احسن حاجة في الرحاب انها دايما بتخليني اذكر الله
قلتله : إزاي يا بشمهندس
قال : كل ما اخرج بره الرحاب وارجع تاني ..... لازم احمد ربنا واشكره اني مش ساكن في القاهرة
...................................
انت مش بتشتري مجرد شقة ....
انت بتشتري اسلوب معيشة
وفي الآخر لو هي مبالغ في سعرها ..... ماحدش ح يشتري ... هي الناس بترمي فلوسها