بخصوص تكييف فيكترا موديل 2000

**medoshalan** · 16-06-2015 06:49 PM

لو سمحتم يا جماعه انا صلحت التكييف واشتغل معايا بس اول ما كنت اشغله كانت حراره العربيه بتنزل لى 80 وتفضل ثابته طول ما التكييف شغال بس كان ضعيف اووووووووووى المهم كنت مسافر وقولت لما ارجع هشوف بتاع التكيف يبص عليه دلوقتى بقاله يومين التكييف بقى تلاجه لوحده بس المشكله ان الحراره بقى بتعلى على طول وبتوصل 92 ومش بتنزل طول ما التكييف شغال ولو نزلت بتنزل 90 او اقل حاجه بسيطه بس التكييف اتظبط جدا حد يفيدنى ايه المشكله وهل السخونيه مع التكييف دى طبيعيه ولا اعمل ايه

**andrew uwk** · 17-06-2015 03:49 AM

راجع علي المراوح و سرعاتها

**cayman69300** · 18-06-2015 02:06 AM

90 او 92 عادى جدا فى الاوبل الـ 1600 او 2000

**m7nsh** · 21-06-2015 03:16 AM

اعتقد بما ان كانت الحراره بتنزل بس و مفيش اداء للتكييف ان المراوح قامت عالسرعه العاليه " وعشان كده الحراره نزلت " و الكلاتش بتاع الكمبريسور مقامش اصلا ط وده اللى خلاك ماتحسش بالتكييف و مايحملش عالموتور فالحراره نزلت و خلاص "..
بعد كدا الفيشه بتاعت الكمبريسور بما انها بتعلق فظبطت و لما اشتغل الحراره عليت عشان حمل التكييف الطبيعى ..
رأيى المتواضع ..اكشف ع فيشه الكمبريسور عشان غالبا هي اللي بتهيس و شوف كلاتش الكمبريسور بيلف لما بتشغله بالنظر كدا ولا لأ ..

**boozoo2010** · 21-06-2015 02:29 PM

معلش ممكن حد بس يفهمنى هى مروحت الموتور المفروض كام سرعة و مروحة التكيف كام سرعة ؟
انا عربيتى 1999 فيكترا بى 2.0 ايكوتيك اوتوماتيك

**m7nsh** · 22-06-2015 03:09 AM

في سرعتين للمراوح .. و بيشتغلو مع بعض ..يعنى المروحتين يشتغلو سوا عالسرعه الاولي ..أو يشتغلو سوا عالسرعه التانيه او مايشتغلوش خالص :)

**boozoo2010** · 22-06-2015 11:26 AM

الف شكر يا كبير :-)
طيب اعرف منين انهم بيشتغلو السرعة الثانية ؟ يعنى انا بشفهم بيشتغلوا اه بس بيتهيالى سرعة واحدة

**medoshalan** · 27-06-2015 11:38 PM

طب دلوقتى يا باشا التكييف مبقاش يسهيس يعنى شغال تلاجه على طول بس المشكله دلوقتى ان لما الجو بيكون حر اوى الحراره بترفع لحد 95 وبتفضل شويه وبترجع تنزل لو مشيت على طريق مفتوح لكن لو فى زحمه بتفضل عاليه وبتنزل لحد 92 وساعات 90 وترجع ترفع تانى لكن فى الاوقات اللى مش حر اوى يعنى بعد العصر كده او فى وقت تانى من اليوم الحراره مش بتعدى ال 90 فعايز اعرف ال 95 دى خطر وكده فيه مشكله ولا طبيعى ولا ايه وشكرا على الاهتمام يا باشا

**علاء طولون** · 29-06-2015 12:42 PM

المشاركة الأصلية كتبت بواسطة medoshalan

طب دلوقتى يا باشا التكييف مبقاش يسهيس يعنى شغال تلاجه على طول بس المشكله دلوقتى ان لما الجو بيكون حر اوى الحراره بترفع لحد 95 وبتفضل شويه وبترجع تنزل لو مشيت على طريق مفتوح لكن لو فى زحمه بتفضل عاليه وبتنزل لحد 92 وساعات 90 وترجع ترفع تانى لكن فى الاوقات اللى مش حر اوى يعنى بعد العصر كده او فى وقت تانى من اليوم الحراره مش بتعدى ال 90 فعايز اعرف ال 95 دى خطر وكده فيه مشكله ولا طبيعى ولا ايه وشكرا على الاهتمام يا باشا

طبعا طبيعى الموتور يسخن زياده لان المفروض الكباس بيستهلك حوالى 1/5 الموتور بس نصيحة انك تراجع على دائرة التبريد يعنى ممكن تسليك الردياتير و خصوصا علشان لسه الصيف حيشد الحرارة اكتر