عاوز اجيب حساس تكيف فيكترا b

**bido600** · 25-06-2015 04:10 AM

المشاركة الأصلية كتبت بواسطة super_star_h

هى الحساسات دى وظيفتها ايه ؟
اصل عندى بايظين وشيلتهم لان كان فيه تسريب
بس التكييف شغال عادى من غيرهم

بص يا سيدي
فيه حساسين
بيركبو في الشجرة او مواسير التكييف من ناحية الرادياتير في الجهه اليمين
بيركبو علي بلف زي بلف نفخ الكوتش
واحد فيهم للكمبريسور ودا الفريون اللي بيبقي ماشي في المواسير ليه ضغط الضغط دا بيعدي علي البلف ويقوم طالع للحساس الحساسا لما يلاقي في ضغط من الفريون لما خضرتك تدوس زرار التكييف من جوة والحساس شايف ان في ضغط فريون يقوم مشغل الكبمريسور اما لو مفيش ضغط يعني مفيش فريون او قليل لما حضرتك تشغل التكييف مش هيشتغل غير مروحة بس عشان الكبمريسور ميبوظش

اما الحساس التاني فنفس الفكرة بس دا للمراوح اللي هي السرعة التانية لما يلاقي ضغط ويلاقي ان الكمبريسور اشتغل يشغل المراوح علي السؤعة التانية عشان يبرد السربنتينة

فبالتالي لو واحد فيهم بايظ يئما التكيف مش هيشتغل او المراوح مش هتشتغل علي السرعة التانية مع التكييف فبالتالي العربية ممكن تسخن

اما في الحالة التانية ان يكون فيهم حساس مسرب ودا لان الحساس من تحت تقريبا المونيا ومن فوق بلاستيك ففمكن لو الضغط زيادة بتاع الفرين او مع الحرارة يقوم الحساس دا مسرب الفريون فبالتالي حضرتك خسرت الفريون والتكييف مش هيشتغل لان الحساس بيكون شغال ومدي اشارة ان مفيش فريون بالرغم انه شغال كهربئيا فهو مسرب فريونيا :d

**bido600** · 25-06-2015 04:36 AM

المشاركة الأصلية كتبت بواسطة boozoo2010

و انا كمان عاوز افهم يا شباب اية الحساسات دى و ايه البلوف علشان التكيف مطلع عينى :-(
بيسقع تلج بليل لاكن فى النهار زفت !!! و باخد وقت كبير لحد ما يسقع !!! حد يفهمنى ونبى !!!!!
ارحموا اخوكو المسكين
انا بسيح يا وييع

بص يا سيدي مدام التكييف عندك بيسقع يبقي الحساسات شغالة تمام
اما بخصوص البلف فدا زي بلف الكوتش بظبط بيركب عليه الحساس عشان يدي ضغط الفريون اللي في المواسير للحساسات ومدام شغال بردة يبقي حضرتك متقلقش من الحساسات ولا البلوف الا لو لاقدر الله في تسريب

اما بخصوص السقعة فلو هي مش مرضية نهارا
اولا حضرتك نضف فلتر التكييف او يتغير لو حالته نص عمر
لو لسة مش مرضية حضرتك جرب تشوف الفريون ناقص ولا اية
لو لسة مش مرضية ودا الاهم طبعا مع الفلتر تنظيف التلاجة ودي لوحدها قصة تانية ومشقة بس لو الفريون تمام والفلتر تمام وحضرتك نظفت التلاجة هتلاقي نفسك في سقيع دائم

**medosalah** · 25-06-2015 05:42 AM

[QUOTE=bido600;3875968871]بص يا سيدي مدام التكييف عندك بيسقع يبقي الحساسات شغالة تمام
اما بخصوص البلف فدا زي بلف الكوتش بظبط بيركب عليه الحساس عشان يدي ضغط الفريون اللي في المواسير للحساسات ومدام شغال بردة يبقي حضرتك متقلقش من الحساسات ولا البلوف الا لو لاقدر الله في تسريب

اما بخصوص السقعة فلو هي مش مرضية نهارا
اولا حضرتك نضف فلتر التكييف او يتغير لو حالته نص عمر
لو لسة مش مرضية حضرتك جرب تشوف الفريون ناقص ولا اية
لو لسة مش مرضية ودا الاهم طبعا مع الفلتر تنظيف التلاجة ودي لوحدها قصة تانية ومشقة بس لو الفريون تمام والفلتر تمام وحضرتك نظفت التلاجة هتلاقي نفسك في سقيع دائم

اضافه لكلام حضرتك ..

ممكن جدا يكون الفريون ناقص شحن .. وده يخلي التكييف تمام بليل لانه مش محتاج مجهود بليل ولكن بالنهار يبدا ضعف التكييف يبان

ممكن حضرتك تروح تكشف علي ضغط الفريون ولو ناقص زوده ب 70 جنيه وهيبقي تمام ..
كده كده الفريون سعات بيحتاج تزويد كل سنه او سنه ونص

بس ملحوظه ... علي الرغم من ان تكييف الاوبل مش بطال وجيد جدا بس صاج العربيه بيجمع الحراره بغباء ولو ركنت العربيه في الشمس تحس انك دخلت فرن بلدي . والتكييف بيعمل مجهود علشان يقاوم الصهد

ممكن حضرتك تجيب مقياس درجه الحراره اللي هو عباره عن شاشه صغيره وسلك اخره حته حديده وتحط الحديده في فتحه التكييف وتشغل التكييف علي سرعه التانيه وتقفل بوابه الريسيكل لو المقياس قرا اقل من 7 يبقي التكييف تمام .. لو قرا اكتر ومش بيقل يبقي بدون نقاش ناقص فريون.. المقياس ده ب 20 جنيه عند بتوع التكيفات المنزليه وعند شارع الجمهوريه

ويا ريت تفك الشبكه الاماميه وتغسل السربنتينه في بنزينه

بالتوفيق

**boozoo2010** · 25-06-2015 11:52 AM

اولا الف شكر يا باشا على الرد و الاهتمام
ثانيا انا غيرت 3 كباس كلهم بيسربوا !! و فى الاخر عملت طقم اصلاح لواحد فيهم و كبست لقيت الابرة الفوق البيشحن منها بتسرب و حاول يفكها لقاها فوتت !! راح جاب مسمار و لفة بالتفلون و راح مركبة فوق الابرة !!! المهم شحن التكيف و اخد على العداد 45 psi بس يا سيدى و هى دى قصة حياتى
بس السؤال هنا انا لو حبيت انظف التلاجة الداخلى هى فى الفيكترا بيتفك التبلوه ولا من الدرج ؟ vectra b 1999
و هل فلتر الفريون ليه دور كبير فى الحكاية
و اخيرا اسف على الاطالة بس الواحد عشمان فيكوا يا رجالة
و كل سنة و كل الاعضاء بخير و رمضان كريم

**Super_Star_h** · 25-06-2015 09:16 PM

المشاركة الأصلية كتبت بواسطة bido600

بص يا سيدي
فيه حساسين
بيركبو في الشجرة او مواسير التكييف من ناحية الرادياتير في الجهه اليمين
بيركبو علي بلف زي بلف نفخ الكوتش
واحد فيهم للكمبريسور ودا الفريون اللي بيبقي ماشي في المواسير ليه ضغط الضغط دا بيعدي علي البلف ويقوم طالع للحساس الحساسا لما يلاقي في ضغط من الفريون لما خضرتك تدوس زرار التكييف من جوة والحساس شايف ان في ضغط فريون يقوم مشغل الكبمريسور اما لو مفيش ضغط يعني مفيش فريون او قليل لما حضرتك تشغل التكييف مش هيشتغل غير مروحة بس عشان الكبمريسور ميبوظش

اما الحساس التاني فنفس الفكرة بس دا للمراوح اللي هي السرعة التانية لما يلاقي ضغط ويلاقي ان الكمبريسور اشتغل يشغل المراوح علي السؤعة التانية عشان يبرد السربنتينة

فبالتالي لو واحد فيهم بايظ يئما التكيف مش هيشتغل او المراوح مش هتشتغل علي السرعة التانية مع التكييف فبالتالي العربية ممكن تسخن

اما في الحالة التانية ان يكون فيهم حساس مسرب ودا لان الحساس من تحت تقريبا المونيا ومن فوق بلاستيك ففمكن لو الضغط زيادة بتاع الفرين او مع الحرارة يقوم الحساس دا مسرب الفريون فبالتالي حضرتك خسرت الفريون والتكييف مش هيشتغل لان الحساس بيكون شغال ومدي اشارة ان مفيش فريون بالرغم انه شغال كهربئيا فهو مسرب فريونيا :d

كلام جميل بس انا بالرغم من انهم اتشالو عندى
التكييف شغال زي الفل
والحراره لو العداد فى النص بالضبط
بعد تشغيل التكييف فى عز الحر عداد الحراره بيوطى وبيبقى على الربع
لان المروحه تقريبآ بتشتغل على سرعه عاليه مع تشغيل التكييف