استفساربخصوص كاربيراتير ريجاتا

**lovelydoctor** · 19-06-2015 02:53 AM

السلام عليكم
انا جديد فى العربيات و عندى مشكلة ان العربية بتاكل بنزين و عرفت ان ممكن يكون المشكلة من الكاربيراتير ...فدخلت و دورت على النت على طرق تنظيفه بس بصراحة برده ما فهمتش اوى...بس قولت اشيل العمة و الفلتر و ابص بصة من نفسى لقيت فى بوابة كده المفروض انى شوفتها فى الفديوهات بتفتح و تقفل من الدوس على البنزين بس دى لقيتها مفتوحة على اخرها على طول و ما بتقفلش..قفلتها يدوى..العربية ما دارتش...فتحتها زى ما كانت العربية دارت....يا ترى كده ايه المشكلة و ممكن ده اللى بيسبب اكل البنزين؟؟..و لو كده ممكن تتصلح و لا هخش فى موال كاربيراتير جديد.
انا ناوى ان شاء الله اروح لحد بتاع كاربيراتير بس عايز اخد فكرة عشان الراجل ميشتغلنيش
ودى صورة اللى قصدى عليه بس مش من العربية بتاعتى لان ساعة ما فتحت مكانش معايا موبايل

**kaza** · 19-06-2015 09:02 AM

ااباب دة باب شفاط البنزين للادارة في الاماكن الباردة ووظيفتة انة بيزود نسبة البنزين عن الهواء علشان العربية تدور في البرد ولما قفلتة خالص منع الهواء من المرور والعربية مادارتش ...وطبعا اي حركة للباب دة بالقفل بتزود استهلاك البنزين...عموما زيادة الاستهلاك من حاجات كتير زي ضبط الاسبراتير وحالة الابلاتين والكوندنسر وزوايا وانتفاخ العجل وطبعا ضبط الكربراتير ومسمار الهواء وحالة البيكات والنوافير

**kaza** · 19-06-2015 09:20 AM

بالمناسبة الكربراتير في الصورة واحد باب زي ال28 ودة سهل جدا ضبطة المهم يكون معاك مفك كبير ومفك تاني عادة مش عريض علشان مسمار الهواء ...وعندك البيكات في اجناب الكربراتير وتعرفهم من شكلهم لانهم نحاس والكربراتير الومنيوم يتفكوا ويتنفخوا وتركبهم تاني وبعدين تتاكد من حالة الاسبراتير والبوجيهات واسلاكهم بحالة جيدة وتضبط الاسبراتير بفك الصامولة اللي علي قاعدتة مقاس 13بمفتاح وتلف الاسبراتير يمين وشمال بالراحة حتي تحصل علي انعم دوران للموتور وتثبت ايدك وتشد سلك البنزين علشان تشوف العربية بتكركر معاك ولا لا لو بتكركر ساعة الدوس المفاجئ رجع الاسبراتير عكس عارب الساعة سنة بسيطة وشوف لغاية ما تبطل وكدة ضبطت الكهربا وماتنساش تربط الصامولة تاني ..ادخل علي الكربراتير وانت شايل العمة طبعا وشوف سلك البنزين رايح فين دة ميكانيزم التسارع ولية مسمار بسوستة لظبط سرعة دوران ااسلانسية او سرعة اللا حمل تربطة سنة بسيطة والموتور داير هتلاقي صوت الموتور علي ..ارفع لفات الموتور ربع لفة بس بالمسمار دة وبص علي الاسبراتير من الخلف وممكن من الجنب حسب النوع والموديل في اسفل الكربراتير بجوار مسامير تثبيتة في المنفولد حتلاقي مسمار صغير بردة نحاس وممكن هتلاقي سوستة تحتة في بعض الموديلات بربطة هتلاقي الموتور بيتخنق وعايز يبطل ترجع تفكة لغاية الدوران ما ينتظم معاك والموتور ما يتهزش ويتزن ...قلل مسمار الخانق اللي لفيتة وعليت منة الموتور بتاع سلك البنزين اللي ربطناة لغاية اقل صوت للموتور....وترجع تاني للمسمار النحاس بتاع الهواء لغاية ما تحصل علي انعم دوران للموتور باقل عدد لفات ....وبكدة مبروك عليك ظبط عربيتك

**lovelydoctor** · 19-06-2015 11:25 AM

المشاركة الأصلية كتبت بواسطة kaza

ااباب دة باب شفاط البنزين للادارة في الاماكن الباردة ووظيفتة انة بيزود نسبة البنزين عن الهواء علشان العربية تدور في البرد ولما قفلتة خالص منع الهواء من المرور والعربية مادارتش ...وطبعا اي حركة للباب دة بالقفل بتزود استهلاك البنزين...عموما زيادة الاستهلاك من حاجات كتير زي ضبط الاسبراتير وحالة الابلاتين والكوندنسر وزوايا وانتفاخ العجل وطبعا ضبط الكربراتير ومسمار الهواء وحالة البيكات والنوافير

شكرا جزيلا...بس كون الباب مفتوح على طول ده مش معناه انه بايظ و لا ده عادى؟