الموضوع: شــد الإلنترا مع الكرولا 2008 - لانســر شارك - Bmw523

على فكرة الالنترا فعلا بتسد اوى اوى انا كنت سايق عربيتى على الدائرى بتاع مصر اسكندرية الزراعى وعلى فكرة طريق واسع مفيهوش عربيات ولقيت عربية مرسيديس كمبورسر ادامى فعديت من جنبة وهو كان ماشى 120 وكنت متوقع انة هيشد ويجيبنى بكل سهولة وكان معايا واحد صاحبى .المهم عديتة ومش عايز اقوللكم انى لقيت هوا معدى من جنبى بس مش اكتر المهم سخنت وقلت هجيبة وجبت 190 وعديتة وبقى فى مرايتى ورايا وانا ماشى 190 قولت بقى خلاص قطعتة وعمال اضحك وفرحان وقلت انا علمت على مرسيدس المهم هديت شوية وهو هدى شوية وبعدين عدينا البوابة بتاعت التحصيل وهو دخل حارة وانا دخلت حارة وعينك متوشف الا النور اعدت اسقط فى غيارات وانا مانيوال على فكرة انى اجيبة ولا الهوا وجبت 200وبقيت جنبة وبكل بساطة لقيتة شد شوية وعدانى بسهولة وشوفتة ماشى ادامى
قلت بس بلاش بقى لعب مع الكبار لا بى ام ولا مرسيدس خلينا نلعب مع الفيرنا الكيا الانسر الحاجات دية .بس بجد عقدنى بجد العربيات دية ملهاش حل وغير كدة مسمعناش بصراحة فى مرة ان هيواندى كانت فى سباق ولا حاجة لكن البى ام والمرسيدس دول حاجة تالتة مش تانية . بس فعلا الالنترا عربية محترمة وبتجمع بسرعة جدا بالذات لو بتقرص على الغيارات هتجيب ال160 مستريح وبسرعة اوى لكن بعد ال180 مش ثابتة زى المرسيدس والبى ام بالذات كمان فى الملفات لو انت مش معلم وبتسوق بجد ممكن تضيع نفسك . وبصراحة الجرى وحش وبيعرضك للحاجات كتير اوى ومش اى طريق تجرى علية . وعلى العموم اقوللك حاجة اكيد بتاع البى ام دة مكنش بيشد معاك لانة لو شد مش هتشوفة بجد العربيات دية ملهاش حل ومتنساش انها بى ام مش هيواندى

يا جماعه الجرى والسباقات مش كويس
اللى عايز يجرى يشترك فى الفورميلا او فى اى نوع من انواع سباقات السرعه عشان ميعرضش نفسه والغير للخطر
تخيل حاجه واحده بس مش حقوللك عجله ضربت ولا بيضه ملصت ولا مقص اكسر ولا زجاج اتشرخ ولا حد ظهر على الطريق
حقوللك حاجه واحده عطست وانت على هذه السرعه ما الذى يحدث
اولادك فى انتظارك (تخيل لو انك لم ترجعلهم)
زوجتك فى انتظارك (تخيل لو سمعت خبر وحش لا سمح الله)
ابويك فى انتظارك (تخيل ايه اللى ممكن يجرلهم لو حدث لك مكروه)
المستقبل امامك ليه بتضيعه بأيدك ليه بتنتحر
السياره وسيله مواصلات مريحه وليست سريعه

المشاركة الأصلية كتبت بواسطة حماده المصري

انا ابصم بالعشره لاي هيونداي 1600 خصوصا لو مانيوال

العربيه دي خااااااارقه في السحب فعلا

وتكسح اي عربيه 1600 و2000 لو اوتوماتك لو مانيوال ممكن تسد شويه

وانا مصدق كل كلامك بالحرف

انا جرت النترا ونيو اكسنت واي 30 وجريت مع مليون عربيه وناس بتسوق وبتسقط وكل حاجه

وعامه انا جريت مع 523 بنيو اكسنت وبهدلته كزا مره

وعمليا على الطريق البي ام ال 523 صعب انها تجيب 220 عشان تقيله جداااااا واوتو كمان

النترا مانيوال تاكله مستريييح جداااا

بس طبعا هو لما يجيب 200 هوا ولا الهوا

النترا تجيب 200 صباح القلق طبعااا


من الاخر تجميع الهيونداي خااارق عن العاااده وبشع عن اي عربيه شوفتها في نفس السعه اللتريه

ال 523 صعب تقفل عدادها
لا والله
امال ال الالفين و300 سى سى بيعملو اية بيستهبلو جوة
لاحول ولا قوة الا بالله
النترا اية بس (متقلش لحد الكلام دة بجد نصيحة) شكرا

المشاركة الأصلية كتبت بواسطة حماده المصري

وعامه انا جريت مع 523 بنيو اكسنت وبهدلته كزا مره

فعلا العربية البي ام ممكن تجيبها في الطلعة او تجميع السرعات القليلة اعتمادا على الوزن و قوة المحرك الأولية

انما على السرعات ....معلش ... انسى بقى

اما موضوع

وعمليا على الطريق البي ام ال 523 صعب انها تجيب 220 عشان تقيله جداااااا واوتو كمان

كلمة عمليا معناها عن تجربة عملية انها ما قدرتش تقفل عداد

و عن تجربة عملية

العربية دي بتجيب 220 و تعدي

و حاااااااااااااااااااااجة مرعبة بجد

استاذ حمادة سيبك منموضوع البى ام دة عشان مفهوش نقاش
حضرتك بتقول ان الالنتر تكتسح اى 1600
يعنى معنا كدة انها تكسح ال فيات لينيا اللى 152 حصان
يعنى معنى كدة انها تكسح ال هوندا سيفيك 2008
يعنى معنى كدة انها تكسح ال 318 i
يعنى معنى كدة انها تكسح الالفا روميو 156
وتكسح الاسترا البانوراما والكرولات بانوعها والمازدا 6 والمازدا 3
كل دول 1600
دة يا راجل السيفيك الاتوماتيك الى موديل 98
الالنترا متقدرش تقربلها