مقارنه بين تويوتا كورولا الفئه التانيه و أوبل أسترا و مازدا 3 و رينو فلوانس

**Omar_alaa** · 19-06-2015 06:28 PM

أفضل سيارة بين (تويوتا كورولا الفئه التانيه - مازدا 3 highline- أوبل استرا كوزمو -رينو فلوانس اعلي فئه ) من الحيث العزم - اقصي سرعه - الثبات - الكماليات
مش مهم اعاده البيع

**ENG.MaRk** · 20-06-2015 01:49 AM

كورولا أحسن سحب يليها أسترا و فلوانس (الاتنين متساويين) و أخيراً مازدا 3 ... الثبات كلهم كويسين لغاية 200 كم/س و أفضلهم أسترا يليها فلوانس ... نعومة العفشة في صالح الفلوانس يليها المازدا و الوسع الداخلي في صالح الكورولا خصوصاً الكنبة الخلفية ... الراحة أثناء القيادة فلوانس يليها أسترا ... الكماليات حضرتك مختار أعلي فئة كلهم ف كمالياتهم هتبقي معقولة جداً و أحسنهم فلوانس ... أقصي سرعة مش هتفرق مين فيهم أحسن لأنك كدة كدة مش هتعرف تجيبها بس الأربعة يزيدوا عن ال200 كم/س مرتاح و لكن أعتقد إن أحسنهم فلوانس و كورولا علي حد سواء العزم كلهم كويسين ماعدا مازدا ... لو أنا مكانك أجيب فلوانس أو كورولا و استبعد الباقي علشان تخلي المقارنة أسهل شوية

**M.Elwan** · 20-06-2015 04:41 AM

عشان المقارنة تكون سهلة عليك
شوف الاول انظمة الامان وشوف مبدئيا الموديلات المجهزة ب و ABS و EBD و Brake Assist
تانى نقطة الثبات : حترتب العربيات حسب السيارات المجهزة بعفشة مالتى لينك يليها الواتس اللينك يليها التورشن بيم
النقطة الثالثة انظمة الاتزان : حتشوف الموديلات المتوفرة ب electronic stability control
رابع نقطة الانتشار وده بيحدد سعر اعادة البيع