الموضوع: اجيب ايه في حدود ٣٠-٣٥ ؟؟

المشاركة الأصلية كتبت بواسطة omar118

اولا حضرتك عايز عربية شبابية مش هتنفع معاك التمبرا ولا الكيا برايد او الاكسيل .

يعنى فى عربيات كويسة اوى بالسعر دة سريعة وثابتها حلو وقطع غيارها غالية شوية بس معمرة :

1- سيات ابيزا 94 او 98 طبعا عربية محترمة جدا وكل الشباب بيحبوها وثابتها حلو وعربية جراية وكل حاجة فيها كويسة

2-فيات بونتو العربية ديه مخادتش حقها كل الناس خافوا منها علشان بيقولو قطع غيارها غالية و الصنعاية قليلة بتشتغل فيها بس الناس الى ركبانها بياكدو انها عربية محترمة مفيش حاجة دية موجودة

3-اوبل كورسا هاتشباك عربية بردوا ممتازة و جراية وثبات كويس

4-فيات اونو هو الموتور 1000 سى سى بس الناس بتقول عربية بتجرى وحلوة ومشاكلها قلية وطبعا قطع غيارها متوافرة

ملحوظة: مانصحكش با الفليشيا لانها فى مشاكل فى السخونة والدريكسيون تقيل ولسه فى استاذ هنا عامل موضوع اول امبارح كان نازل يشترى قطع غيارها ليها لها قليت اوى .

ودة مجرد راى الشخصى

الابيزا ناس كتير شكرلتي فيها ومعاها الفلشيا وانهم حل مشكلة السخونة
بالاضافة انهم حاجات شبابية لحد معقول وصالونهم مش ضيق

بس بالنسبة لقطع الغيار ، ايه نظامهم ، واذا في اسرة من ٥ افراد او ٦ مين فيهم تجمعهم ؟؟؟؟

وشكرا علي المساعدة

المشاركة الأصلية كتبت بواسطة @mohsen

احسن اختيار ليك سيات ابيزا او فيات بونتو الاتنين احلى من بعض بس دور على الحالة النضيفة

طب بالنسبة لصالون البونتو وقطع الغيار للابيزا والبونتو
والسحب والثبات في الاتنين ؟

الصالون حلو وواسع بالنسبة للعربية والثيات والسحب معقول بالنسبة لعربية في السعر ده وقطع الغيار سعرها حلو ومتوفرة اما البونتو لازم ميكانيكي فاهم فيها عشان ميبهدلهاش لكن السيات كلو فاهم فيها بس الاتنين جامدين هو بس الفيات عايزه حد فاهم فيها والسيات تقريبا قطع الغيار نصها زي الجولف

المشاركة الأصلية كتبت بواسطة @mohsen

الصالون حلو وواسع بالنسبة للعربية والثيات والسحب معقول بالنسبة لعربية في السعر ده وقطع الغيار سعرها حلو ومتوفرة اما البونتو لازم ميكانيكي فاهم فيها عشان ميبهدلهاش لكن السيات كلو فاهم فيها بس الاتنين جامدين هو بس الفيات عايزه حد فاهم فيها والسيات تقريبا قطع الغيار نصها زي الجولف

طب معلش بتقل علي حضرتك
انا سمعت ان الابيزا نش عالية وقريبة من الأرض
وممكن في مطب عالي ولا حاجة تحتك بيه
ايه صحة الكلام ده
وشكرا جزيلا لحضرتك ‎:)‎

بص يا فندم عشان تلاقي كل اجاباتك عن الفيات او السيات اسال في المنتدى هتلاقي اصحاب العربيات بيقولولك على كل استفساراتك اما انا مقدرش افيدك في كل حاجة عن العربيتين لان كل معلوماتي عن العربيتين الحاجات العامة الي قلتها لحضرتك واسف اني مفدتكش في الموضوع ده

المشاركة الأصلية كتبت بواسطة @mohsen

بص يا فندم عشان تلاقي كل اجاباتك عن الفيات او السيات اسال في المنتدى هتلاقي اصحاب العربيات بيقولولك على كل استفساراتك اما انا مقدرش افيدك في كل حاجة عن العربيتين لان كل معلوماتي عن العربيتين الحاجات العامة الي قلتها لحضرتك واسف اني مفدتكش في الموضوع ده

شكراً جزيلاً لحضرتك وتبعت حضرتك معايا
‎:)‎

كدة حضرتك مقدمكش غير حاجة واحدة بس الوحش الالمانى جولف 2

شبابى-ثبات-سرعة-بتسفر-تتحمل 5- قطع غيار متوافرة وبكثرة

المشاركة الأصلية كتبت بواسطة omar118

كدة حضرتك مقدمكش غير حاجة واحدة بس الوحش الالمانى جولف 2

شبابى-ثبات-سرعة-بتسفر-تتحمل 5- قطع غيار متوافرة وبكثرة

شكرا جزيلا

ربنا يكرم باللي فيه الخير